Сабақ жоспары

Қысқа мерзімді жоспары

Бөлім

1-бөлім. «Программалау» (ортақ тақырыбы: «Жанды табиғат»,

«Жақсы» деген немене? «Жаман» деген немене?)

Педагогтың аты-жөні

Альмурзина Айымгүл Айбатырқызы

Күні

19.10.21

Сынып: 3 «б», «в»

Қатысушылар саны

Қатыспағандар саны

Сабақтың тақырыбы:

Әлеуметтік желілер мен мессенджерлер

Оқу бағдарламасына сәйкес оқыту мақсаттары

0. жоба бойынша бірлесіп жұмыс істеу үшін мессенджерлерді пайдалану;

1. желідегі ақпарат алмасу жолдарын түсіндіру;

3.1.3.1 Интернет желісінде жұмыс істеуде жеке қауіпсіздігінің негізгі ережелерін ескеру;

Сабақтың мақсаты:

Барлық оқушылар:

Әлеуметтік желілермен мессенджерлерді қандай мақсатта қолданатыны және оның қандай қаупі бар екені туралы әңгімелейді.

Көптеген оқушылар:

Желідегі ақпарат алмасу программалық қосымшаларымен танысады.

Кейбір оқушылар:

Мессенджерлерде бірлесіп жұмыс істеудің тиімді жақтарын біледі

Сабақтың кезені/ уақыт

Педагогтың әрекеті

Оқушының әрекеті

Бағалау

Ресурстар

Сабақтың басы

1.Оқушылармен амандасу.

2.Сабақтың тақырыбы мен мақсаттарымен таныстыру.

1.Мұғаліммен амандасады.

2.Сабақтың тақырыбын дәптерге жазады.

3.Сабақтың мақсаттарымен танысады.

Сабақтың ортасы

Жаңа тақырыпты түсіндіру.

Бүгінгі қоғамды компьютер, смартфон, интернет, әлеу-меттік желісіз елестету мүмкін емес. Сондықтан қазір цифрлық қоғамда өмір сүріп жатырмыз деп айтуымызға болады. Цифрлық қоғамға айналуымызға әлеуметтік же­ лілер мен мессенджерлер ерекше ықпал етті. Әлеуметтік желіге тіркелу арқылы өзің туралы дерек-терді қоюға болады. Сонымен бірге өзің сияқты тіркелген басқа да желі қолданушыларымен мәтіндік, дыбыстық және бейнеақпарат алмасу мүмкіндігі бар. Бүгінгі таң-да Facebook (Фейсбук), Instagram (Инстаграм), Twitter (Твиттер) және ВК (ВКонтакте) әлеуметтік желілері өте танымал.

Мессенджер (ағыл. messenger) – бір не бірнеше адаммен бір уақытта жедел хабар алмасуға арналған арнайы програм-малық қосымша.

Әлеуметтік желілерді білім саласында қолданудың үлкен пайдасы бар. Бүгінде білім саласында қолданылып жүрген «Kundelik.kz» және «Bilimal.kz» электрондық күнделіктерін әлеуметтік желіге жатқызуға болады.

Оқулықпен жұмыс істеу

«Жәшіктегі кітаптар» әдісі

Ортаға әсем безендірілген жәшік әкелінеді.

• Мұғалім: «Сыртындағы суреттерге қарап, осы жәшіктің ішінде не бар екенін тапқан оқушыға сыйлығымыз бар».

• Оқушылар: «Кітап».

• Мұғалім: «Дұрыс, кітап!».

Оқушылар әрқайсысы өз кітаптарын алып, 5 минут көлемінде мұғалімнің тапсырмасы бойынша кітаптағы тақырыптың мәтінін оқиды. Содан соң балалар 5 минуттай бір-

біріне осы оқулықтағы тақырып туралы ойларын жеткізу тапсырылады. Бір-біріне сұрақтар қойып, ойларын толықтырады.

Жұптық жұмыс «Венн диаграммасы» әдісі

Бір-бірімен айқасқан екі шеңбердің екі жағына салыстыруға берілетін нысандардың сипаттамалары жазылады. Ал айқасқан жерге екеуіне ортақ сипаттар тізіледі.

Салыстыруға арналған тапсырмаларды осы диаграммаға салып, оқушылар қызыға толтырады, яғни салыстыру сияқты күрделі ойлау операциясын меңгереді.

Әлеуметтік желі мессенджерлерді салыстыр. Ұқсастық пен айырмашылығын анықта. Мысалы, фейсбук пен уатсап.

Дескриптор

• Әлеуметтік желі мен мессенджерлерді салыстырады.

• Ұқсастығы мен айырмашылығын анықтайды.

ҚБ: смайлик

Мұғалімді тыңдайды

Оқулықтағы тақырыпты оқиды

Тапсырманы орындайды

Смайлик

Интербелсенді тақта/ компьютер

оқулық

Сабақтың соңы

1.Оқушыларға өзін-өзі бағалауды ұйымдастырады.

2.Кері байланыс:

Өзін-өзі бағалау.

Үй тапсырмасы

Әлеуметтік желілер мен мессенджерлер ажырату