САБАҚ: 1

Мектеп: №15

Күні: 29. 09. 2018

Мұғалімнің аты-жөні: Зкенова Г.Ш.

Сынып: 5

Қатысқан оқушылар: Қатыспағандарсаны:

Бөлім атауы

Мектеп өмірі. Әдепті бала-арлы бала

Сабақтың тақырыбы

Менің мектебім

Осы сабақар арқылы жүзеге асатын оқу мақсаттары

5.Т2 Тыңдалған мәтіннің негізгі мазмұнын түсіну және нақты ақпаратты анықтау

Сабақтың мақсаттары

Барлық оқушылар орындай алады:

Тыңдалған мәтіннің негізгі мазмұнын түсінеді және нақты ақпаратты анықтайды.

Оқушылардың көпшілігі орындай алады:

Тыңдалған мәтіннің негізгі мазмұнын түсінеді, нақты ақпаратты анықтайды және сұрақтарға жауап береді.

Кейбір оқушылар орындай алады:

Тыңдалған мәтіннің негізгі мазмұнын түсінеді, нақты ақпаратты анықтайды, сұрақтарға жауап береді және әңгімелейді.

Тілдік мақсаттар

Оқушылар орындай алады: Тыңдалған мәтіннің негізгі мазмұнын түсінеді және нақты ақпаратты анықтайды.

Пәнге қатысты сөздік қор мен терминдер:

Мектеп, отбасым, күлгін, жиһаз, кілемше, қызғылт

Диалог құруға/шығарма жазуға арналған пайдалы тіркестер: қызыл кірпіштен, көшіп келді,кілемшелер төселген, үлгіде жабдықталған, орталықта орналасқан, жағдай жасалған, жаңа үлгідегі, күлгін түсті

Талқылауға арналған сұрақтар:

• Мектеп туралы жалпы не айта аласың?

• Суреттерде не көрдіңдер?Тағы кімдер бар?

• Мәтін бойыншы сұрақтарға дұрыс жауап бер.

Бағалау критерийлері

1.Тыңдалған мәтіннің негізгі мазмұнын түсінеді.

2. Нақты ақпаратты анықтайды.

Құндылықтарға баулу

Оқушыларға мектепке деген қызығушылықтарын ояту, мектепте білім алуға құштарлығын арттыру

Пәнаралық байланыс

Ағылшын тілі

АКТ-ны қолдану дағдылары

Интербелсенді тақта, презентация, аудиобейне

Алдыңғы білім

Бастауыш сыныптарда мектеп туралы үйренгендеріне негізделеді

Жоспар

Жоспарланатын уақыт

Жоспар бойынша орындалуы тиіс іс-әрекеттер

Дереккөз

дер

Сабақтың басы

2 минут

3 минут

7 минут

- «Ыстық алақан» тренингі арқылы бір-біріне бүгінгі күнге жақсы тілек тілейді.

Қызығушылығына қарай саралау.

Оқушылар суреттерді таңдау арқылы топқа бөлемін. Балалар

байланысты суреттерді таңдап, I-«Оқымысты», II-«Жазушы»,

III- «Білімді» деген топтарға бөлініп отырады.

Оқушылардың көпшілігі және кейбіреуі:

«Дара диаграмма» әдісі арқылы «мектеп» сөзіне ассоциация орындап, жаңа тақырыпқа шығады.

Қолдау көрсетуге арналған саралау.

Оқушылардың барлығына арналған:

- Түрткі сұрақтар арқылы тақырыпқа шығу.

- Сен таңертең қайда келесің? /мектепке/

- Мектеп сөзі қандай ұғымды білдіреді? /оқу орны/

- Алғашқы қоңырау қашан соғылады? /1 қыркүйекте/

- Біздің мектеп неше қабатты? / екі/

- Қазақ тілі кабинеті қай қабатта орналасқан? /екінші/

- Мектеп қандай? / әдемі, кең, жарық/

Мектепке оқу орны

Мектеп

1 қыркүйекте

Екі қабатты

ә демі, кең, жарық екінші қабатта

Біздің бүгінгі сабағымыздың тақырыбы «Менің мектебім»

Кері байланыс: ыстық, суық

БББ кестесі

Оқушылар бір-бірімен қол алып,жақсы тілектер айтады.

«Дара диаграмма» әдісі

«Мектеп» сөзіне ассоциация жасау

БББ әдісі

Сабақтың ортасы

10 минут

10 минут

6 минут

Тыңдалым алды жұмыс.

-Сөздікпен жұмыс: қызғылт, күлгін, жабдықталған, жиһаз,орталықта орналасқан, әдемі ғимарат, жаңа мектеп, жаңа үлгіде, жабдықталған, қызыл кірпіштен, көшіп келді...

Тапсырманы орындау бойынша саралау. Оқушылардың көпшілігі орындайды

-Сөздіктер мен сөз тіркестерін сәйкестендіру.

мектебім қызыл кірпіштен

отбасым жағдай жасалған

кабинет күлгін түсті

жиһаздар оқуға берді

оқу үшін жаңа үлгідегі

мектепке орталықта орналасқан

салынған жарық, кең

кілемше көшіп келді

-Оқулықтағы суреттермен жұмыс немесе интербелсенді тақтадан слайдтар қарау.

Барлық оқушылар орындайды

Суреттер бойынша сұрақтар қою, сұраққа жауап беру.

- Суретте нелер байқап отырсыздар? Тағы кімдер бар?

- Суреттегі адам кім?

- Балалар мен оқушылар не істеп отыр?

- Кабинетте қандай заттар бар?

-Кейбір оқушылар орындайды

«Галереяға саяхат» әдісі. Жаңа сөздерді сыныпта әр жерге іліп, балалар өздері барып бір қағазды таңдайды да, сол сөзбен сөз тіркесін немесе сөйлем құрастырады.

Кері байланыс. Мадақтау сэндвичі

Тыңдалым кезі жұмыс.

Мәтін аудиобейне арқылы оқылады.

• Мәтінді бірінші рет мұқият тыңдап түсінеді.

• Мәтінді екінші рет «Стоп кадр»әдісі арқылы тыңдап, әр абзацты топпен талқылап, түсінгенін айту.

1-тапсырма Мәтінмен жұмыс.

Тапсырма бойынша саралау.

Барлық оқушылар орындай алады:

Тыңдау, түсінгендерін айту, өз бөліктеріне ат қою. Үш топ үш абзац бойынша жұмыс істейді.

I-оқымыстылар тобы.

Менің отбасым биыл қалаға көшіп келді. Мені анам үйдің қасындағы мектепке оқуға берді. Менің мектебім орталықта орналасқан әрі үйге жақын. Мектебім жаңа, биік. Ол қызғылт кірпіштен салынған. Ол – үш қабатты, әдемі ғимарат. Мектептің маңдайшасына «Кел,балалар, оқылық!», - деген Ыбырай атамыздың сөзі ілінген. Ол алыстан көрініп тұрады.

(стоп-кадр) Балалар, бұл абзацта не туралы естідіңдер? Мектеп қандай екен?

II-жазушылар тобы.

Мектептің бірінші қабатында асхана, спортзал, мәжіліс залы, кітапхана, киім киетін жер және мұғалімдер бөлмесі бар.

Екінші, үшінші қабаттарда оқу кабинеттері орналасқан. Кабинеттер жарық, әрі кең. Терезелері үлкен. Терезеден тау көрініп тұрады. Кабинеттердегі жиһаздар жаңа үлгіде жинақталған. Шкафтағы сөрелерде кітаптар бар. Дәліздері таза, жарық. Еденге ұзын, күлгін кілемшелер төселген.

( стоп кадр) Балалар, бұл абзацта не туралы естідіңдер? Мектепте қандай кабинеттер бар және қайда орналасқан екен?

III- білімділер тобы.

Мектеп ауласында шырша, қарағай, емен ағаштары өсіп тұр. Айналада неше түрлі гүлдер бар. Мектепте балаларға сабақ оқу үшін барлық жағдай жасалған. Маған мектеп ұнады. Мен қала мектебіне тез үйрендім.

(Стоп кадр) Мектепте қандай жағдай жасалған? Саған мектеп ұнай ма?

Бағалау критерийі	Дескриптор
Мәтіннің мазмұнын түсінеді.	Оқушылар өз ойын білдіре алады. Мәтіннен дұрыс мәліметтер таңдай алады.

К ері байланыс.

2-тапсырма Тапсырма бойынша саралау.

1. Барлық оқушылар орындай алады.

Сөйлемдегі олқылықтарды толтыру. Берілген сөйлемдерді(қызғылт, күлгін, кілемше,жиһаздар, жабдықталған) сөздерімен толықтыру.

• Мектеп жаңа, биік. Ол ......... кірпіштен салынған.

• Еденде ұзын, ...... түсті ........ төселген.

• Кабинеттегі ............ жаңа үлгіде .............. .

Оқушылардың көпшілігі орындай алады:

«Дұрыс-бұрыс» әдісі

Кейбір оқушылар орындай алады:

Мәтінге байланысты кесте бойынша сұраққа жауап беру арқылы сөйлемдер құрау.

Менің мектебім...

Кері байланыс. Қошеметтер, бас саусақ әдістері арқылы.

3-тапсырма

Тыңдалым соңы жұмыс.

4-тапсырма «Венн диараммасы» арқылы мәтінде сипатталған мектеп пен өз мектебіңді салыстыр

Айырмашылығы

Айырмашылығы

Ұқсастығы

ұ

Бағалау критерийі	Дескриптор
Нақты ақпаратты қолдана алады.	Өз мектебі мен мәтіндегі мектепті салыстырады.

Сәйкестендіру

Сұрақ-жауап

«Галереяға саяхат» әдісі

“Стоп кадр»

“Стоп кадр»

“Стоп кадр»

Сөйлемдегі олқылықтарды толтыру

«Дұрыс-бұрыс» әдісі

Кестемен жұмыс

«Венн» диаграммасы

Сабақтың соңы

2 минут

БББ кестесі

Үй тапсырмасы: 6-тапсырманы орындау.

Мәтіннен төмендегі берілген сөздердің синонимін тап

Қосымша мәлімет