Сабақ жоспары:Туған жер

Әдебиеттік оқу

Сабақтың тақырыбы: Туған жер

Сабақтың мақсаты:1. Оқушыларды О.Асқардың «Туған жер» шығармасымен таныстыру.

2.«Туған жерім – тұғырым, өскен елім-өзегім»бөлімінің негізгі идеясын «Туған жер » шығармасымен аша отыра, оқушылардың туған жеріне деген ыстық сезімдерін ояту.

3. Туған жерін сүюге тәрбиелеу.

Көрнекілік: туған жер туралы суреттер

Сабақтың барысы:

І Қызығушылығын ояту

(Көңіл-күйлерін бақылау, сабаққа дайындығын тексеру.шапшаң оқу минутын ұйымдастырып,минутқа оқыған сөздерін күнделікке жаздыру )

ІІ мағынаны ашу

-Балалар бүгінгі сабақта біз сендермен «Туған жерім – тұғырым, өскен елім-өзегім » атты үлкен бөліммен танысамыз.

-Қалай ойлайсыңдар бұл бөлімде не туралы айтылады деп ойлайсыңдар?

-Туған жерге дегенде көз алдымызға не келеді? (Топтастыру)

-Осы үлкен бөлімді О.Асқардың «Туған жер» шығармасымен бастаймыз.

Оқулықпен жұмыс: 1. Шығарманы бөлімдерге бөліп әр қатарға оқуға тапсырады.

2. Әр қатар өздерінің оқыған бөлімдерінің қысқаша мазмұнын айтады немесе түсінген

бөлімдерінің суретін топтаса отыра салады.3. Әр қатардан түсіндім деген оқушыны тақтаға шығарып, мазмұнын айтқызу

Топпен жұмыс: Әр топта кезектесіп оқу арқылы оқушылардың шапшаң түсініп оқу дағдыларын қалыптастыру, бірін-бірі тыңдай білуге шақыру.

Дәптермен жұмыс

Жаңа сөздермен жұмыс жасау. Оларды дәптерге көшіріп жазып алу.

Мақал-мәтелдермен жұмыс

-Балалар туған жер туралы қандай мақал білесіңдер?

(Оқушылардың айтқан мақалдарын дәптерге жазып алу.)

ІІІ Ой толғау

-Осы шығармадағы негізгі ой қандай?

-«Ел іші -алтын бесік»деген мақалдың мағынасы қандай?

ІҮ. Үйге тапсырма«Туған жер» шығармасын жаттау. Туған жер, Отан туралы ешкім білмейтін 5 мақал жаттап келу.Бағалау