Сабақ үдерісіндегі кері байланыс және оның маңызы

КОУЧИНГ ЖОСПАРЫ

Коучинг сабаққа рефлексивті есеп

Коучинг сабақ, мен үшін ересектерді оқытудағы алғашқы тәжірибем. Сондықтан мен ересек мұғалімдердің тәжірибесін, жас ерекшеліктерін, қажеттіліктерін ескере отырып жоспарладым. Бұл оларға қалыптасқан мақсат қою тәжірибелерін жаңаша құрылымда іске асыруға мүмкіндік береді. Коучинг - (ағылшынша coaching) сөзбе-сөз аудармасы - тәлім етуғ дайындау, жаттықтыру. оның барысында қолданысағы оқыту тәжірибелерін бірлесіп ойластыру, идеялармен алмасу, коуч тарапынан рефлексиялық диалогқа тарту негізінде екінші мұғалім өз жұмысының жекелеген салаларын жетілдіру, оларды тереңірек даытып, анағұрлым жоғары сапалық деңгейге көтеру және іске асыру жөнінде шешім қабылдау мақсатында кәсіби білімін, игерген дағдылары мен тәжірибесін жетілдіреді (МАН, 87-бет).

Осы бағдарламаны меңгеруге келгенімде мен кері байланыстың түрлі әдістерімен таныс болдым. Олар менің көңілімнен шығып, сабақта қолдануға өте тиімді екендігін түсіндім. Менің ойымша сабақ үдерісінде баламен кері байланыс жасаудың әлі де жеткіліксіз екендігін өзімнің сабағымнан және әріптестеріммен тәжірибе алмасу мақсатында енген сабақтарымнан байқап жүретінмін. бірақ оны қалай дамытудың жолдарын білмей, интернетке жүгінетінмін. Алайда кері бйланыс туралы материалдар тапқанмен, оншалқты түсінбейтінмін. Педагогикалық шеберлік орталығында ПҚМК бағдарламасы аясында кері байланыс түрлерімен танысып, оны қолданудың тиімді тәсілдерін үйрендім және осы үйренгендерімді әріптестеріммен бөлісу мақсатында "Сабақ үдерісіндегі кері байланыс және оның маңызы " тақырыбында коучинг өткізуді жоспарлап отырмын.

Коучингке мұғалімдерді қалай тартатынымды А4 есебімде айтып кеткен болатынмын. Алдымен жағымды психологиялық ахуал туғызуға «Комплименттер бұрқасыны» тренингісін өткізуге түрлі-түсті шарлар таратамын. Қатысушылар таратылған шарларға тілектер жазады да, басқаларға лақтырады, олар тілектерді оқиды, сосын жалпы сыныпқа да жақсы көңіл-күй сыйлау үшін шапалақтау арқылы бағалаймын.

Шар түстері арқылы топқа бөлемін (қызылдар, көктер, жасылдар), көңіл-күй мен эмоциялық жағдайға кері байланыс жасау мақсатымен мұғалімдердің коучингке эмоциялық тұрғыдан дайындығын байқау үшін алдын ала таратылып қойған смайликтерден қалағанын көрсетуді сұраймын. Тақырыбымды айтпас бұрын «Гүл салу» әдісі арқылы гүлдің суретін шала салу арқылы мұғалімдер не түсінгендігін айтып, сыни ойлануларына ықпал ете отырып, пікірлерін ортаға салуды қарастырамын. Бұл арқылы өз ойын сыни тұрғыда жеткізіп, тақырыпты аша білген топқа жұлдызша беру арқылы бағалауды көздеймін. Видеоролик көрсету арқылы миға шабуыл жасатамын деп жоспарлаймын. Сосын неліктен бір құтыдағы күріш қана өсіп жетілді? Қалған құтыдағы күріштерге не болды? Неліктен бұлай болды? деген сияқты сұрақтар қоя отырып, пікірлерін тыңдаймын да, тұщымды ойлармен бөліскен әріптестерімді смайликтер арқылы бағалауды ойладым. Бұл тапсырма арқылы мұғалімдердің тыңдауын, сыни ойлауын, оқуын, ынтасын арттыруды, кері байланыс жүргізуді көздедім. Бірлескен талдау жасау үшін "Сабақтағы кері байланыс немесе рефлексия деген не?" деген сұрақ аясында білетіндерін А3 форматына түсіріп, топ мүшесі (спикер) қорғайды және бұл жұмысты "екі жұлдыз, бір тілек" арқылы бағалаймын деп ойлап отырмын. Шағын дәріс беру мақсатында Power point арқылы кері байланыс түрлері, әдістері туралы қысқаша мәлімет беремін (слайд бойынша). Жазба жұмыстарындағы кері кері байланыстың жүргізілуін көреді. Мұғалімдер керек деген тұстарын түртіп алып, өз тәжірибелерінде қолданады деп ойлаймын. Мұғалімдердің коучингтен не білім алғандарын анықтау мақсатында «Тазалық» ойынын ойнатамын. Қатысушыларға чемодан, қоқыс жәшігі, еттартқыш суреттері бейнеленген парақ беремін. Бүгінгі тақырып бойынша алған керекті ақпараттарын "чемоданға", сабақтағы керек емес артық нәрсені "қоқыс жәшігіне", ақпараттың ішінде әлі толықтыруым керек деген ойларын "еттартқышқа салуын" (жазбаша) өтінемін. Стикерлерге ойларын жазып, керек деген "заттарға салады".