Сабақтың тақырыбы:Тіл – халықтың мәңгілік мұрасы.

Сабақтың тақырыбы:Тіл – халықтың мәңгілік мұрасы.

Сабақтың мақсаты: Бағдарлама бойынша берілген тілдік материалды қаншалықты меңгергендігін білу мақсатында түрлі жаттығу жұмыстарын жүргізу. Тіл үйренушілердің ой-өрісін дамыту мақсатында жатталған өлеңдерін, мақал-мәтелдерін дұрыс айтып, мәнін жеткілікті меңгеруге баулу. Тілдің көркемділігін, байлығын көрсету. Тілдерін дамыту. Тыңдаушылардың мемлекеттік тілге деген құрмет сезімін қалыптастыру, адамгершілікке, парасаттылыққа дағдыландыру, ұлттар арасындағы ынтымақты нығайту.

Сабақтың түрі: дәстүрлі емес сабақ

Сабақтың әдісі: көрнекілік, мәнерлеп оқу, сұрақ – жауап, өз ойын айту, шығармашылық жұмыс, сөзжұмбақ шешу.

Сабақтың көрнекілігі: суреттер, сызбалар, кестелер, мақалдар, сөзжұмбақ.

Сабақтың барысы: а) Ұйымдастыру. Түгендеу.

Сабақ барысы:

І. Ұйымдастыру кезеңі.

1. Психологиялық дайындық.

Құрметті тыңдаушылар сабағымызға қош келдіңіздер, алдымен амандасып алайық, бірақ амандасуымыз ерекше болады, әрбіреуің өз ана тілдерінде амандасасыздар. Тыңдаушылар әр тілде сәлемдеседі.(Сәлемдесудің түрлерін көрсету).

2. Сабақтың тақырыбын хабарлау.

Бүгінгі біздің сабағымыздың тақырыбы: «Тіл – халықтың мәңгілік мұрасы»деп аталады.

Тіл – әрбір ұлттың жаны, сезімнің, ойдың жанды бейнесі. Адамзат қоғамының аясында халық, ұлт және оның тілі жүздеген, мыңдаған жылдар бойы қалыптасады. Мемлекет болған жерде оның мемлекеттік тілі де болу керек. Әр ел өз тілі арқылы әлемді, дүниені, өмірдің құнды тағылымдарын таниды да, келешек ұрпақтарына жеткізеді.Қазақстан Республикасында қолданылатын барлық тілге бірдей құрметпен қарау – ынтымақтастықтың белгісі. Өзі ана тілін қадірлеп, қастерлемейтін адам жоқ.
Сондай-ақ, бүгінгі мейрам – тілдер күні! Баршамызға, Тіл мерекесі құтты болсын!

Құтты болсын бәріңе ,

Тілдер күні-мереке!

Қазақстан жерінде

Болсын бірлік, береке.

Сабақ 5 кезеңнен тұрады

1-кезең «Ойлан, тап»

2- кезең«Мәнерлеп оқу»

3-кезең«Кім жылдам»

4-кезең«Шашылған мақалдар»

5-қезең «Жұрнақтар ойыны»

6-кезең «Сөзжұмбақ шешу»

Ендеше сайыс сабағымызды бастаймыз.

1- кезең «Ойлан, тап.

Ойымызды ширатып алайық. Бұл кезеңнің мақсаты берілген әліпби балықтарға жасырылған сөздерді дұрыс табу

Жауаптары: Алмұрт, Әншi, Балта, Ғаламтор, Дәмдi, Есiк, Жақын, Зат, Инелiк, Күндiз, Қаңтар, Лас,Мұрын, Нашар, От, Өседi, Пысық, Ренiш, Салмақты, Түн, Ұшқыш, Үзiлiс, Шағын, Ылғал, Iрi.

2- кезең«Мәнерлеп оқу».

Өткен ғасырдың француз ғалымы Жорри де Манси «Қазақ тілі түркі тілдері ішіндегі ең бір таза тілдердің бірі» деп тамсанған. Ендеше, келесі кезеңімізде берілген өлеңді нақышына келтіріп, мәнерлеп оқу.

Ана тілі

Қымбат маған ана тілім, бал тілім,
Қымбат маған дана тілім, ар тілім.
Ақ сүтімен бірге сіңген бойыма,
Ана тілім ардақ тұтар алтыным.

Ана тілін жырлап өткен талайлар,
Жырлап өткен Ыбырай мен Абайлар.
Қасиетті менің ана тілімде,
Өшпес мәңгі алаулаған арай бар.

Өлең-жырмен арайланса, тау күліп,
Ардақтымды жырлап өтем ән қылып.
Мағжан, Қасым, Мұқағали жырларын,
Жалғастырып жаза берем мәңгілік. Ысқақ Әкім

Тапсырма: 1.Өлеңнің ішінен арзан сөзіне қарама-қарсы сөз табыңыз.

2. Ақылды, құрметті сөздеріне мәндес сөз табыңыз.

Қазақ тілі

Ана тілім, дана тілім бақытым

Қазақ тілін білу менің парызым

Тілім менің ұмытылмас тірлігім,

Кім біледі тіліміздің тағдырын.

Алаңдатты тіл тағдыры бүгінде.

Сен болмасаң болар ертең күнім не?

Қазақ тілін сүйемін мен жаныммен.

Қазақ болып қалу үшін түбінде.

Қазақ тілім бас иемін мен саған

Тілге деген болу керек кең талғам

Мемлекеттік тілімізді сйыласақ,

Қазақ тілі біздер үшін жаралған.

Тапсырма: 1. Өлеңнің ішінен бүгін сөзіне қарама-қарсы сөзді табыңыз.

2. Берілген сөздердің қатарын өлеңдегі мәндес сөзбен толықтырыңыз: қарыз, борыш, ...

3- кезең «Кім жылдам».

Халықтың мәңгі ғұмыры – оның тілінде. Әрбір тіл өз халқы үшін – ұлы», - деген Шыңғыс Айтматов айтқандай,

«Керекті сөзді тап » ойынын ойнаймыз. Қазақ тіліне тән дыбыстар берілген сол бойынша сөздер ойлап, айту.

Ү әріпінен басталатын І әрпінен басталады

Қыздың аты Сүттен жасалатын тағам

Жиһаз Дене мүше

Кішкентай үй Киім ілетін шеге

Сан атауы Туыс адам

4- кезең «Шашылған мақалдар».

Халықаралық байланыста әлемдік деңгейде қолданылатын 6 тіл бар. Олар: ағылшын, француз, орыс, испан, қытай, араб тілдері. Жарқын болашаққа ұмтылған Қазақстан үшін бүгінгі жағдайда біздің көп тіл білуіміз қажет. Бірақ өзге тілді білсек те, өз ана тілімізді ұмытпай, қастерлеп, құрметтей білуіміз керек келесі кезең «Шашылған мақалдар»

- Мақалдар екі тілде берілген, шарты шашылған сөзерді жинап, аудармасын табу.

Басқа пәле тілден.

Горе от языка

Көп сөз - күміс, аз сөз - алтын.

Молчание - золото.

СЕРГІТУ СӘТІ

«Қызықты мәліметтер»

Шығыс ғұламасы Әл-Фараби  70-ке жуық тілді меңгерген. Ұлы Абай орыс-қазақ тілдерімен қатар парсы, араб тілдерін меңгерген. Орыс тілін орта жастан асып барып, кеш меңгерген. Профессор Құдайберген Жұбанов көп тіл білген кісі. Тіпті ана тілімізді салыстырмалы жүйемен үйренуге де, зерттеуге де себі бар деп жапон тілін де игерген. Ватикан елінің банкоматтары нұсқауды латын тілінде береді. Статистика бойынша әр 14 күнде бір тіл өмір сүруін тоқтатады екен. Қытай тілінде шамамен 50 мыңнан астам иероглиф бар. Газет-журналды еркін оқи алу үшін кемінде 2000-нан аса иероглиф білу керек. Испания құрамына кіретін Канар аралдарының сөйлеу тілі толығымен ысқырықтан тұрады. Олай болса, құрметті тіл үйренушілер, тілді үйрену ешқашан кеш емес. Ол үшін тек ниет пен еңбектену қажет.

5-кезең «Жұрнақтар ойыны»

Бұл ойынның шарты сөзге дұрыс жалғанған жұрнақты табу

Қай жұрнақ жүр жайлауда?

Көп шалғынды қойнауда.

(ешкіші, қойшы, жылқышы )

Қай жұрнақ жүр құрылыста?

Қызып алған жұмыста.

(еденші, тас қалаушы, бояушы )

Қай жүрнақ кеңседе?

Жұмысына келсе де.

(хатшы, есепші, маманшы)

6-кезең «Сөзжұмбақты шешу».

Орыс тілінде берілген сөздерді аудырыңыз, сол сөздердің ішінен бүгінгі сабақтың тіл білгірі, тор тігінен анықталады. Сабағымызды қорытындылаймыз.

770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру

Материал іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз

Барлығы 663 959 материал жиналған

Пән

• Жүктелуде...

Бағыт

• Жүктелуде...

Сынып

• Жүктелуде...

Іздеу

Осы аптаның ең үздік материалдары

Педагогтардың біліктілігін арттыру курстары

Аттестацияда (ПББ) 100% келетін
тақырыптармен дайындаймыз

Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз

Өткен жылы бізбен дайындалған ұстаздар 50/50 жинап рекорд жасады

Толығырақ