Сайын Мұратбеков. «Жусан иісі» хикаяты. Аян бейнесі.

Ақтөбе облысы,Темір ауданы

№ 2 Шұбарқұдық қазақ- орыс орта мектебі.

Қазақ тілі мен әдебиеті пәнінің мұғалімі: Көптілеуова Күнсұлу Сабитовна.

Сабақтың тақырыбы: Сайын Мұратбеков. «Жусан иісі» хикаяты. Аян бейнесі.

7а-сыныбы

Сабақтың мақсаты: Оқушыларға хикаяттың негізгі оқиға желісін меңгерту, шығарманы жазуға себеп болған жағдайлар арқылы басты кейіпкердің бейнесін ашу.

Күтілетін нәтижелер:

Жазушы шығармасы туралы мәлімет алады;

Шығарманы өздігінен талдай алады:

Өздері осы тақырып төңірегінде ойларын топтастырады

Басты кейіпкердің бейнесін аша алады.

Бағалау дағдысы қалыптасады;

Ұйымдастыру бөлімі. . Топқа бөлу. «Майдан»,» «Ауыл тұрғындары» , «Балалар» деп қағаз қиындыларына жазып, әрқайсысына таратады.

Оқушылар қолдарындағы қағаз қиындылары бойынша , бірыңғай топтасады.Топ басшысы сайланады.Бағалау парақтары үлестіріледі.

Тренинг.

Үй тапсырмасын тексеру.

Жетекші сұрақ қояды. Не себепті топтар осылай аталған? Топтың атауын шығарма мазмұнымен байланыстырады. Ауыл тұрғындарының өмірі , соғыс кезі, жазушының балалық шағы қамтылады.

Қызығушылықты ояту

Суреттегі бейнеленген оқиға желісі сіздерге таныс па?

Хикаяттың мазмұны бойынша салынған иллюстрациялар ұсынылады. ( Аянның алғаш ауылға келгендегі бейнесі.Балаладың ортасында ертегі

Мағынаны тану. 1-тапсырма. Сценарий жазылған тапсырмалар.

Хикаяттың мазмұны бойынша көрініс сценарий ұсынады,оқып танысып,көрініс қою беріледі. Аянның ағасының пальтосынан жусан иісі не себепті шығатынын баяндайды.Асылбек қартқа келуі, Балалардың колхоз жұмысында еңбену сәттерін бейнелейді. Бейнелерді сомдайды.

2-тапсырма.Ұлы Отан соғысы туралы бейнежазба( хроника) көрсетіледі. Шығарманың тарихи оқиғамен байланысын талқылайды, айтады.

3-тапсырма. Майданға хат жазу. Оқушылар өздерінің қабілеттеріне қарай, жеке орындайды. Берілген уақыт аяқталған соң, талдайды,оқиды.

4-тапсырма. Мұғалім: Оқушылар, Аян хатпен бірге майдандағы ағасына туған жерден сәлемдеме салды, ол не деп ойлайсыңдар? - деп үшбұрышты хат көрсетеді. Балалар өз ойларын айта келе табады, хаттан бір түп жусан шығады.Балалар бұл нені білдіретінін талдайды.

Ойтолғаныс.

Қиыстыру кілттері стратегиясы. Үйдің суреті, күннің суреті, ұшақтың суреті беріледі. Күн бейбітшілікті бейнелейді,ол кезде бейбіт өмір болмады, соғыс болды, Аянның үйі жоқ, үй отбасын,қамқорлықты,қорған болуды бейнелейді,ұшақ

ты бала арманымен, қиялымен, Аянның қиял- ғажайып ертегілерімен байланыстырады.

Бағалау. Топ басшысы жауап берген баланың тұсына қатысымына қарай кезең сайын белгі қойып отырады . Топ басшысы бағаларын кезеңдер бойынша жинақтап, бағаларын қойып, хабарлайды.

Үйге тапсырма: Шығармадағы Аянның тағдырын өз беттерінше аяқтау. « Баяғыда бір жетім бала болыпты...»