Сауат ашудан ашық сабақ Ж дыбысы мен әрпі

Күні: 25. 01. 2017

Сынып: 1 Б сынып

Қатысқандар саны: 12

Қатыспағандар саны: 0

Мұғалімнің есімі:

Забенова Алия Ермековна

Мектеп: Кинорежиссер Аяған Шәжімбаев атындағы №3 Явленка орта мектебі.

Сабақтың тақырыбы

Табиғатқа саяхат. Ж дыбысы мен әрпі.

Осы сабақта қол жеткізілетін оқу мақсаттары (оқу бағдарламасына сілтеме)

1.7 Тыңдалған материал бойынша өз пікірін айту

1.8 Берілген тақырыпқа әңгіме құрап айту

1.9 Сөздерді, дыбыстарды орфоэпиялық нормаларға сәйкес дұрыс айту

Сабақтың мақсаттары

Барлығы: Жаңа білімді меңгереді.

Көбі: Тақырыпты түсініп, тыңдап, жетекші сұрақтар арқылы талқылайды.

Кейбірі: Алған білімді өмірде қолдана алады.

Жетістік критерийлері

Айтылған сөздер мен сөйлемдердің көпшілігін дұрыс қайталай алады.

Нақты сөйлеу арқылы, мәселені түсінгенін көрсете алады.

Құндылықтарды дарыту

Оқушыларды бір-біріне деген құрмет көрсетуіне тәрбиелеу.

Пәнаралық байланыс

Өнер, ана тілі сабағы

АКТ қолдану дағдылары

Аудиожазба , таныстырылым.

Тілдік құзыреттілік

Жалау-флаг

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Ынтымақтастық атмосферасын қалыптастыру

1.Амандасу салтымыз

Оқып біліп жатырмыз

Келген қонақ сіздерге

Сәлем бердік жалпымыз.

2.Сабағымызды «Ойлан тап» ойынымен бастаймыз. Мен қолымдағы допты әр оқушыға сұрақ қойып лақтырамын. Сендер сұрағыма жауап беріп маған қайтарып бересіңдер.

• Сауат ашу сабағында неге үйренеміз?

• Сауат ашу сабағында әріпті жазып , дыбысты айтып үйренеміз.

• Дыбысты біз не істейміз?

• Дыбысты біз естиміз.

• Әріпті біз не істейміз?

• Әріпті біз көреміз, жазамыз.

• Дыбыстардан не құралады?

• Дыбыстардан сөз құралады.

• Дыбыс нешеге бөлінеді?

• Дыбыс екіге бөлінеді

• Қандай болып бөлінеді?

• Дыбыс дауысты және дауыссыз болып бөлінеді.

• Дауысты дыбыс қалай айтылады?

• Дауысты дыбыс кедергісіз айтылады, ауа еркін шығады.

• Дауыссыз дыбыс қалай айтылады?

• Дауыссыз дыбыс кедергімен айтылады.

• Сауат ашу сабағы неге үйретеді?

• Сауат ашу сабағында жаңылтпаш, жұмбақ шешіп, қызықты әңгімелерді туралы білеміз.

-Балалар , сендерге ойын ұнады ма? Ал кәнекей орнымызға отырайық.

Бірінші топ дауыстылар тобы боласыңдар. Екінші топ дауыссыздар тобы боласыздар. ІІ. Өткенді пысықтау. Өткен сабақта біз дауысты дыбыс Ә дыбысымен танысқанбызда.

Қазір дауыстылар тобы ә дыбысына байланысты топтастырып сөздер жазады. Дауыссыздар тобы ә дыбысына байланысты кластер құрастырады.

Шаттық шеңбері

Сабақтың ортасы

ІІІ. Жаңа сабақ.

Мен жұмбақ жасырамын. Сендер жауабын айтып, дыбыстық талдау жасайсыңдар.

1. Қараңғыда жымыңдай жанады,
Жарық түссе бірден сөніп қалады (жұлдыз)

2. Сумандаған тілі бар.

Бұрандаған ізі бар.

Тіл ұшында уы бар. Ол не? (Жылан)

3..Шүберек қабығы іші құс мамығы. (жастық)

4. Көктемде көк боп туады,

Бұтақтарға қонады.

Малынғандай алтынға,

Күзге түсі оңады. (Жапырақ )

5. Ішіне тамақ салынған

Есігі тастай жабылған (Жұмыртқа)

Бейнежазба: сиқырлы әліппе ашылып, «Ж» дыбысынан басталатын сөздер айтылады. «Ж»дыбысы жайлы түсінік беру. «Ж» дыбысының айтылу артикуляциясымен таныстыру..
- Қане, барлығымыз қолымызды иегіміздің астына қойып «Ж»дыбысын айтайықшы.
Барлығы бірге «Ж» дыбысын қайталап айтады.
-«Ж»дауыссыз дыбыс (балалар қайталайды).
- Дауыссыз дыбысты қандай текшемен белгілейміз?
- Көк текшемен белгілейміз.
-«Ж» дыбысына байланысты сөздерді атаңдаршы.
- жауын, жылтыр, жусан, жуа, жуас,жасыл, жаман, жақсы
- Жарайсыңдар, енді жасыл, жуас деген сөздерді буынға бөлейікші. Неше буыннан, неше дауысты дыбыстан тұрады.
- Жақ-сы - екі буынан, екі дауысты дыбыстан тұрады, жыл–тыр екі буыннан, екі дауысты дыбыстан тұрады.
-Бүгін біз ж дыбысы мен, ж әрпімен танысамыз.

Ж дыбысының әрпін көрсетіп ілу. Ж баспа, жазба түрі.
Ж дыбысын бірнеше рет айтқызу.

Ж дыбысы ұяң дауыссыз дыбыс.
Жасалуына қарай – тіл алды дауыссыз дыбыс.
Айтылуына қарай – ызың дауыссыз.

Таныстырылым, оқулықпен жұмыс

Сергіту сәті

«Дыбысты анықта» Ойынның шарты: Балалар орындарын тұрып, мұғалім «ә» дыбысынан басталатын сөздер айтқан кезде қолдарын шапалақтайды, ал «ж» дыбысынан басталатын сөздер айтқан кезде аяқтарын топылдатады.

Сергіту сәтіне арналған жинақ

Қызықты тапсырма

3. Топтық жұмыс. Жаңбыр тамшыларынан сөздер құрау.

Оқулық, дәптерлер.

Бекіту

Ойын: «Кім тез ойлайды?».
Ойын шарты: Берілген суретердің ішінен, ойынға шыққан бала «Ж» дыбысынан басталатын суретті таңдап алып, атын атау және сол сөзге сөйлем құрау. «Бұл жастық, жастық сөзі - ж дыбысынан басталады. Жастықты басымызға салып жатамыз» деп сөйлем құрайды.

Қорытындылау.

-Бүгін қай дыбыспен таныстық?
(Ж) Сөз ортасы
Сөз басы дауыссыз
Ж әрпі тіл алды дауыссыз ұяң айтылуына қарай ызың дауыссыз дыбыс.

Сабақтың соңы

Рефлексия

Кеменің суреттері