«Саусақ театры арқылы мектеп жасына дейінгі балалардың тілін дамыту»

«Театр адамның өзін-өзі сахнада көріп, өзін-өзі түсінетін орын»

Ш.Айманов

Театр әр балаға қуаныш, қызық, ұмытылмас әсер сыйлайды. Балалардың эстетикалық талғамын, қиялын дамытады. Балалар тілін дамытуда, олардың өмірге деген көркемдік көзқарастарын қалыптастыруда театрландырылған қойылымдар ерекше рөл атқарады. Балалар кейіпкерлерді ойнай отырып, олардың іс-әрекеттері мен мінез-құлықтарын береді және ойын арқылы тілдерін дамыта отырып, адамгершілік жақсы қасиеттері қалыптасады. Сондықтан да, театр қойылымдары балабақша тәрбиеленушілері үшін маңызын еш уақытта жоймақ емес. 
Мектеп жасына дейінгі баланың тілін дамытуда театрландырылған ойындардың маңызы мынада:

• сөйлеуге деген талпынысы, қабілетін дамытып, ынтасын арттыру;

• баланның жан-жақты қалыптасуы;

• мектеп жасына дейінгі балалардың бойына жақсы, жағымды қасиеттерді сіңіру;

• дауыс ырғағы, бет-əлпетінің өзгеруі, қол қимылдары, дене бітімінің жағдайы мен жүріс-тұрысы арқылы нақты бейнелер қалыптастыру;

Театр көріністері баланың жан дүниесін тербеп, айналадағы қоршаған дүние әлемімен жақындастырады. Театр көрініс сабақтарында ертегі арқылы жүргізу адамгершілік мінез – құлықты қалыптастыруға ықпал етеді. Театр арқылы өткізілетін сабақтар көмегімен балаларға білім беріп қана қоймай, оларға қалай орындауды үйретеді. Балалар қызығушылықпен және ынтамен атқарады. Театр ойыны бала тілінің дамуына ықпал тигізіп, таным белсенділігінің дамуына жол ашады.

Саусақ театрында- саусақтардың көмегімен қандайда болмасын ертегіні немесе өлең-тақпақ шумағын саханалау болып табылады.

Саусақ театры арқылы баланың сөйлеуге деген талпынысы, қабілеті дамып,ынтасы артады және шығармашылық әрекетіне жол ашылады.Саусақ театр арқылы баланың сөйлеуге деген талпынысы, қабілеті дамып,ынтасы артады және шығармашылық әрекетіне жол ашылады. Саусақ ойын ойнап отырып,балалар қоршаған ортадағы заттармен құбылыстарды, жан-жануарларды,құстарды және ағаштарды бейнелей алады.Саусақтардың қозғалыс қимылына қарап,қуанады шаттанады, сөз айтуға тырысадыжәне өлең үйренген сөз шумақтарын қайталап айта отырып,есіне сақтайтын болады. Сонымен қатар балалар екі қолын қимылдата отырып, оң,сол,жоғары,төмен т.б түсініктерді бағдарлай алуда үйренеді.