Шеберлік сабағы "Сыдырмадан әшекей бұйымдар жасау"

Шеберлік сабаҒЫ. Сыдырмадан әшекей бұйымдарын жасау.

Мақсаты:

Сыдырманың сәндік қызметі туралы түсінік бере отырып, әшекей бұйымдардың жасалу әдісін меңгеру.Әшекей түйреуіштер жасау.

Қажетті бұйымдар:

• Ұзындығы 1 метр сыдырма

• Фетра

• Ағылшын түйреуіші

• Қайшы

• Ине,жіп

• Пистолет желім немесе мастер клей

• Сіріңке немесе отжағар

• Моншақтар

Сыдырмадан әшекейлі гүлді қалай жасауға болады?

1.Сыдырманы екіге айырамыз. Бір бөлігін 9 см ден бөліктерге бөлеміз.

2. Әрбір бөліктің шеттерін күйдіреміз. Бұл бөліктер гүл күлтелерінің негізі болып саналады. Төменгі жағынан ұзына бойына жиі көктеу әдісімен тігіп жиырамыз және екі ұшын біріктіре тігеміз.

3.Қалған бөліктерді де осындай әдіспен тігеміз. Енді әрбір бөлікті бір-біріне беттестіре отырып тігеміз.Тігу барысында әрбір бөлік келесі бөліктің дәл орта тұсымен беттесуі керек.

4.Ұзына бойына гүл күлтелері пайда болады. Гүл күлтелерінің екі ұшын біріктіріп дөңгелектеп тігеміз.

5.Сыдырманың екінші бөлігін төменгі жиегінен жиі көктеу әдісімен тігеміз.

6.Жиыра отырып гүл күлтесін шиыршықтап тігеміз.

7.Фетра матасынан диаметрі 5,5 сантиметр болатын дөңгелек қиамыз. Түйреуішті ортасына қойып екі ұшынан қиамыз.

8. Түйреуіштің бір ұшын бір тесікке екінші ұшын екінші тесікке кіргізіп қадаймыз.Артқы бөлігін матаның қиығымен жапсыруға болады.

9.Дайын болған гүл күлтесінің ортасына екінші гүл күлтесін бекітіп, артқы бөлігіне түйреуішті желімдейміз.

10.Дайын болған бутонның ортасына моншақты желімдейміз.

Осындай әдемі түйреуіштерді қыз балалардың шашқа тағатын буғыштарына,қыстырғыштарына, сөмкелеріне қадауға болады.