шеберлік сынып әзірлемесі

«Шығармашылық – бұл ерекше тұрғыдағы жасампаздық, жаңадан жасалған нәрсе бұрынғы нәрселердің механикалық қайталануы емес, өзінің сонылығымен, біртумалығымен ерекшеленетін болса, өзін-өзі куәландыратын, дәлелдейтін болса, онда бұл нәрсені туғызған шығармашылық акт туралы сөз қозғауға болады».

Б. Д.Эльконин

Шеберлік сынып:

Бүгінгі жас ұрпаққа жан-жақты білім беру, тәрбиелеу әрбір ұстаздың басты міндеті. Білім негізі мектепте қаланатын болғандықтан, оқушының жеке тұлғалық күшін дамыту, оның шығармашылық мүмкіндігінің дамуы басты рөл атқарып отыр. Олай болса, қазіргі ұстаздар қауымының алдындағы үлкен мақсат: өмірдің барлық саласындағы белсенді, шығармашылық іс-әрекетіне қабілетті, еркін және жан-жақты жетілген тұлға тәрбиелеу.

-Шығармашылық деген не? (мұғалімдердің ойын тыңдау)

//-Шығармашылық - жаңа нәрсені жасау немесе ашу». Н.Н.Немов.

-Біреулері поэзия жазады, кейбірі суреттер, ал кейбірі жай ғана арман. Ең бастысы, бұл жан үшін және рухани қанағаттандыру әкелді.

.

-Академик П. Капицаның айтуынша Шығармашылықтың мәні, кез-келген құндылыққа ие сапалы жаңалықты ашу мен құру.//

- «Оқушының шығармашылық белсенділігін қалыптастыруда топтық жұмыстың ролі» атты шеберлік сыныбымызды бастамақпыз.

Ұсынылғалы отырған әдісіміз топтық жұмыста қазақ тілі сабағында қолдануға болады. Бұл әдіс «Есімнен сөйлем құрастыру» деп аталады.

Тапсырма: әр топ өз тобында қай ұстаздың есімі ұзақ болса соны таңдап алады. Бір сөйлемді жазбаша құрастырады. Сөйлемнің әр сөзі олардың есімінің келесі әрпінен басталуы қажет.

Мысалы, Асқарбек: Ақсақал сірескен қабағын ашып, риза болып, еміреніп кетті.

Топтар: «Бағдаршам» арқылы бағалайды.

Келесі әдіс «Буриме» деп аталады.

Тапсырма: Буриме деп берілген ұйқастарға өлең жолдарын құрастыру.

... ... ... батырам,

... ... ... отырам.

... ... ... шақырам,

... ... ... атынан!

Әр топ ұйқастарды пайдаланып, 1 шумақ өлең жазылу керек.

Ал, негізі өлең М. Мақатаевтың «Жаз едім кеше, айналып күзге барам ба?» атты шумағынан алынған.

Күз болып тұрып, бақтарды ойға батырам,

Күз болып келіп, қасыңа сенің отырам...

Отырам дағы, жазыңды сенің шақырам,

Аймалап тұрып, сөйлеймін жаздың атынан!..

Әр топ шумақтарын оқиды. «Бас бармақ» арқылы бағалау.

Келесі әдіс «Мәтін құрау».

Тапсырма: Бейне үзік қойылады. Бейнеүзіктен тақырыпқа сай, мазмұнының негізігі ойын ашатындай мәтін құрау. «Критерий арқылы бағалау» жүргізіледі.

Еркін микрафон.

Берілген сабақтар бойынша ұстаздар өз пікірлерін айтады. Сөз әр топтан екі мұғалімге беріледі (алдын-ала стикер арқылы белгіленеді).