Шегіртке мен құмырсқа

Шегіртке мен құмырсқа

Жалқаудың жаны тәтті. Расымен, адам өзін аяп, сәл қиындықты көтере алмағандықтың кесірінен өмірі сан құбылатыны сөзсіз. Ұлы Абайдың «Шегіртке мен құмырсқа» мысалы осының дәлелі екені сөзсіз.

Қай заманда да шегіртке мен құмырсқа кейпіндегі адамдарды кездестіреміз, сол қазанның сорпасында бірге қайнап жатқанымызды білеміз бе?

Иә, Абай атамыздың «Адал еңбекпен мал іздемек- ол арлы адамның ісі», - демекші қоғамда осы нақыл сөзге кереағар істер мен ұғымдар көптеп кездеседі. Қазіргі заманауи технологияны меңгереміз деп, туылған баладан еңкейген қартымызға дейін өз уақытын және мақсатын басқара алмай жүргендер қаншама? Жақсы өмір сүрудің кілті- еңбек пен білімде екенін білсек те, адам бойындағы жалқаулықты , мансапқұмарлық, қанағатсыздықты, көз бояушы іс-әркеттерді жеңе алмаса керек. Қазіргі адамдардың басым бөлігі оңай жолмен ақша мен пайда тапсам деп жарқ ұрып жүргені рас, сол бақытқа жетудің кілті еңбектеніп, ғылым мен білім іздеу, өз-өзіңді әрдайым жетілдіріп, рухани азық жинау деп ойлаймын. Себебі білімді адам бола тұра, сол білімді теріс қолдану да қоғам үшін қауіпті. Ұлы ойшыл Әл-Фараби айтпақшы «Тәрбиесіз алынған білім- адамзаттың қас жауы». Сол себепті еңбек, білім, тәрбие қатар жүретін ұғымдар.
Тоқсан ауыз сөздің тобықтай түйіні бар демекші , қорытындылай келе «Адам бойындағы ең бір жағымсыз қылық- еріншектік, ондай адамның іске мойны жар бермейді. Осыған байланысты Абай атамыз 38-ші қарасөзінде «Күллі адам баласын қор қылатын үш нәрсе бар. Содан қашпақ керек: әуелі - надандық, екінші - еріншектік, үшінші – залымдық» деген екен.

Туегалиева Алина

8 «Г» сынып оқушысы