Сөйлеуді дамыту "Киім дүкені"

Әрекеттердің кезеңдері

Тәрбиешінің іс-әрекеті

Балалардың іс-әрекеті

Ұйымдастырушылық-қозғаушылық

Балаларды жартылай шеңберге отырғызып, бір-біріне жақсы сөздер айтуды ұсынады.

-Әдемі бол, жақсы бол, үлкен бол, ақылды бол!

Суретке көңіл аударып, ұл баланың киімдерін және қыз баланың киімдерін атайды. Ұл балада қандай, қыз балада қандай киім болатынын ажыратады.

-Балалар, қане, бәріміз үстіміздегі киімдердің аттарын атайықшы.

Балалар тәрбиешінің көмегімен жақсы сөздер айтады.

Суретке қызығушылық танытады.

Балалар үстіндегі киімдерді қуанышпен жарыса айтуға тырысады.

Ұйымдастырушылық-ізденістік

Балаларға қуыршақтар таратып беріп, бүгін киімдер дүкеніне баратынын айтады. «Киімдер дүкенінен» қуыршақтарына киім сатып әперулерін өтінеді. Балалар дүкенге келіп;

-Мен мына киімді аламын,-деп сатып алады. Қандай киім сатып алғанын, оны не себепті алғанын және түстері туралы әңгімелейді.

Балаларды сұраққа жауап беруге, әңгімелесуге тартады.

Сергіту сәті.

Бір, екі, үш деп,

Алақанды соғамыз.

Жоғары-төмен қараймыз,

Орнымызды табамыз.

Дидактикалық ойын «Бұл не?»

Шарты: киімдердің суреттерін көрсетеді.

Балалар қуыршақтарға және дүкенге баратындарына қуаныш танытады.

-Мен көйлек кигіземін, себебі қуыршағымыз қыз бала.Көйлегі әдемі.

-Мен шалбар кигіземін, өйткені менің қуыршағым ұл бала.

Осылайша қандай киім алғанын, қандай киім кигізетінін, аттарын, түстерін әңгімелеуге тырысады. Қимыл-қозғалыстармен орындайды.

Рефлексиялық-түзетушілік

Балаларға сөйлеуге, тіл байлықтарын дамытуға көмектеседі. Әңгімелеуге талпынғандарын бағалайды.

Балалар сөйлеп үйренеді.