Спортшымен кездесу. Макала

« Біз салаутты өмір салтын қолдаймыз!»

Спорт – салауттылық кепілі, денсаулық тірегі. Әдетте кез-келген тұлға спортпен шұғылдана береді, бірақ шын спортшы болу әрқайсының қолынан келе бермейді. Өйткені, спорт өнерінде қайсар мінез, күш жүгерлі, төзімділікті үйлестіре білген адам ғана айналысып, биік шыңдарға жетеді. Осыған орай , өсіп келе жатқан жасөспірімдердің спортқа деген қызығушылығын арттыру мақсатында, Қостанай қаласының № 29 орта білім беретін мектебінің 5- сыныптар аралығында Қостанай облысының қазақша күрес спорт түрінің атакты спортшысы , халықаралық чемпионаттарда Қазақстан мемлекетінің туын желбіреткен , спорт шебері атағының иегері жерлесіміз - Құлбай Әлішер Мәжитұлымен онлайн кездесу өткізілді.

« Қара бет боп қашқанша, қайрат көрсетіп өлген артық» Бауыржан Момышұлының бұл ұлағатты сөзі кейіпкердің әр жекпе-жекке намысын қайрап, жігерін арттыратын ұстанымы. Кездесуде, Әлішер өзінің балалық шағынан бастап, спортқа алғаш жасаған қадамы жөнінде әңгімелесіп берді. Қәзіргі таңда, Әлішер Мәжитұлы бапкерлікпен айналысып, көптеген тәрбиеленушілерді жаттықтырып, жарыстарға дайындайтыны жөнінде баяндады.

Оқушылардың бар сұрақтарына жауап беріп, құнды кеңестер берді. Кездесуден кейін, жасөспірімдер туған жеріне деген сүйіспеншілік, салауаттық өмір салтын сақтап, спортпен айналысуға құлшыныс пайда болды. Ар-намыс ұғымын жоғары қойып, ешқашан ешкімге таптауға бермеу керектігін түсінді. Кездесудің мақсаты да осы болатын. Осындай мәнді, әсерлі кездесу сыйлаған кейіпкерімізге алғысымыз шексіз.