Студенттер күні құтты
болсын!
Ең қызықты, көңілді, уайым-қайғысыз кезең –
жастардың студенттік шағы. Бұл кезең жаңа адамдармен танысу,
іздену, үйрену мен жаңашылдыққа ұмтылумен ерекшеленеді. Шаршауды
білмейтін, энергияға толы жастар білім нәрімен сусындап, түрлі
шараларға ат салысып, уақыттарын қызықты өткізіп, естен
кетпейтіндей естеліктерімен бөлісіп жатады. Бүгінгі күні жастарымыз
түрлі мерекелерден ерекше «Студенттер күнін» атап
өтуде.
Енді осы мерекенің тарихына қысқаша
тоқталсақ, 1939 жылы 16 қараша прагалық студенттер мен ұстаздар
неміс басқыншыларына қарсы көтеріліске шығады. Көтерілістің арты
қайғылы оқиғаға ұласып, сол жылы
17 қараша чех жоғары оқу орындары жабылып,
көтеріліске қатысқан 1200 студентті тұтқындап, белсенділік танытқан
10 студентті ату жазасына кеседі. 1941 жылы Лондондағы нацизмге
қарсы студенттердің Халықаралық кездесуінде Чехославак коммунисті
Отто Шлингтің ұсынысымен бұл күнді қаза тапқандар құрметіне
«Студенттер күні» ретінде атап өту туралы шешім қабылданады.
Халықаралық студенттер күні барлық студенттерді біріктіретін
оқиға.
Барша студент жастарын осы атаулы мерекемен
құттықтай отырып соғыссыз, аспаны ашық, жарқын болашақ
тілейміз!
Әл-Фараби атындағы Қазақ
ұлттық университеті
Жоғары оқу орнына дейінгі
білім беру факультеті
Жоғары оқу орнына дейінгі
дайындық кафедрасының
оқытушысы Ибрагимова
М.Н.