Сын есім 2 сынып

Сабақтың тақырыбы: Сын есім

Сабақтың мақсаты:

1. Оқушыларға сын есім туралы түсінігін кеңейту тапсырмаларды өз бетімен орындауға дағдыландыру.

2. Мұғалім мен оқушы арасында бір-біріне құрмет, ынтымақтастық қалыптастыру.

3. Оқушының сөздік қорын , ойлауын дамыту.

Сабақтың әдісі: Көрнекілік, слайд,сұрақ-жауап,талдау, ойын.

Жұмыс түрі: топтық, жеке,жұптық.

Сабақтың көрнекілігі: Суреттер,слайд, тірек-сызба, ойын құралдар.

Сабақ барысы

І. Бағдарлау-мотивациялық кезең

Оқушы қызығушылығын ояту.

Көбелек

Жаңбыр жауды себелеп

Қонды гүлге көбелек
Қызыл сары ақ түспен

Жасап берді сан өрнек

Қанаттасып сан түрлі

Ұшты самғап көбелек

Ақ пен сары қызыл түс

Жатыр гүлді бейнелеп.

Түрлі түсті көбелектерді таңдау арқылы топқа бөлу.

1-топ 2-топ 3-топ

Сары қызыл көк

«Кім тапқыр?»

-Балалар бұл не?

-Көбелек

-Осы сөзге сұрақ қоямыз?

-не?

-Көбелек қай сөз табына жатады?

-зат есім

-Осы сөзді қатыстырып бір сөйлем құрайық

Көбелек гүлге қонды.

-Олай болса балалар, сендердің топтарыңа қандай көбелек қонды?

-Сары, қызыл, көк.

-Енді осы жаңа сөздерді қатыстырып сөйлем құрайық.

Сары көбелек гүлге қонды.

-Екі сөйлемдерді салыстырайық. Не өзгеріс байқадық? Ендеше біз бүгін СЫН ЕСІМ деген жаңа ғылыми терминмен танысамыз.

Тірек сызба арқылы ережені шығарамыз.

Сын есім

Қандай ?

Қай?

Сары, ұзын,қатты,

тәтті,ащы.

Сапасын,түр түсін білдіреді.

ІІ. Операциялық-орындаушылық кезең

Оқулықпен жұмыс: Кітаптағы ережені оқып, өздерінің шығарған ережелерімен салыстыру.

Ұжымдық жұмыс.

1-жаттығу. Көшіріп жазу. Қарамен жазылған сөздерге сұрақ қою.

Суық солтүстікте ақ аюлар өмір сүреді. Ақ аюлар сексен градус суыққа шыдамды. Жылы жақтағы ақ аюлар алты ай ұйықтайды. Қоныр, қара аюлар қыс бойы ұйқыда болады.

2-жаттығу: Сын есімдерді теріп жаз.

Түйенің мойны ұзын. Екі өркеші бар. Құйрығы қысқа болады. Түйенің өркешіне кісілер отырады. Түйе күшті мал. Оны арбаға жегуге болады. Түйе шөлге шыдамды. Адам түйенің етін жейді. Сүтінен шұбат жасайды. Түйенің сүті қою және тоқ болады. Түйе жүні ең бағалы жүн болып саналады. Онда қымбат маталар тоқылады. Матадан польто, костюм тігеді.

Ұ зын,қысқа,күшті, шыдамды, қою, қымбат.

О қулықтан тыс берілетін жаттығулар.

Ойын: «Гүл күлтешесін жинау»

1. Қоңыр аю ақырады.

2. Биік үй тұрғызды.

3. Әдемі гүлдер өсті.

4. Қызықты кітап өсті.

5. Ала сиыр жайылды.

6. Ақ үйрек ұшты.

Шығармашылық тапсырма.

Берілген суретке қарап әр топ өзіне берілген тапсырманы орындайды.

1-топ 2-топ 3-топ

Мәтін жазу. Сурет салу. Жұмбақ құрау.

ІІІ. Рефлексиялық-бағалау кезең

Топтық жұмыс

Постерге қандай ? сұрағына жауап беретін сөздерді жазу.

«Жұмбақ зат» ойыны
Бұл ойынның шарты бойынша көрсетілген затты сыныптағы оқушылар түрлі сөз таптарымен сипаттайды. Тақтаға шыққан бала жасырылған затты табуы тиіс. Алғашқы үш сөйлемге дейін тапқан бала жеңімпаз атанады.
Мысалы, шахмат тақтасы туралы оқушылардың берген сипаттамасы мынадай болды.
- Онда ақ, қара фигуралар бар. Ол төртбұрышты. Онда 64 тор көз бар.
Терезе, дөңгелек, жол белгісі, орамал жасырылды.

Өзін-өзі бағалау парағы

Үйге тапсырма: 4-жаттығу. Мәтінді көшіріп жаз. Сын есімді табу. Сөз байланысын табу.

Қазақ тілі пәні

2 класс

Тақырыбы: Сын есім

Орындағандар :Бахтыбаева М.Ж. Сәтбаев о.м.

Прназарова А.К. Нұрлыкөш о.м.

Ташанова С.А. Абай о.м.

Жухина Ж.Қ. Ақжар қазақ о.м.

Максимова Г.Т. №6 ХГ

Умарова Г .К. №3 ХОМ

Қалабаева Б.М. № 5 ХГ

2015 жыл.