Сынып сағаты: «Жолда жүру ережесін сақтаймыз.»

Сабақтың тақырыбы

Жолда жүру ережесін сақтаймыз.

Мақсаты

Жолда жүру ережесін дұрыс түсініп оны пайдалана білуге үйрету.

Оқушыларды жауапкершілікке, сергектікке, жол ережесін бұлжытпай сақтауға тәрбиелеу. Балаларға жол белгілерін қайталату арқылы, есте сақтау, шығармашылық қабілеттерін дамыту.

Сабақтың көрнекілігі: Интербелсенді тақта, бағдаршамның суреті, әр түрлі жол белгілерінің суреттері.

Қолданылатын әдіс-тәсіл: сұрақ-жауап, талдау, проблемалық сұрақтар

Мұғалімнің кіріспе әңгімесі.

Жұмбақ.

Көзін ашып жұмады

Бағыт сілтеп тұрады. /бағдаршам/

Оқушылар жұмбақтың жауабын шешкеннен соң бағдаршам туралы өлеңдері оқылады.

Бағдаршам қамқорыңдай жанашыр,

Деп тұрғандай: «Адамдарға жол ашық!»

Кезек ашып, жұмғанында үш көзің

Қалт жібермей, орында дәл, тос өзін.

2. Қызыл көзі жанғанда,

Сары көзі жанғанда,

Сақ абай бол барынша.

Жасыл жарық жол ашық,

Жүгіре бер бел асып.

Бас аяқты ойлап,

Бол ұқыпты жолда

Топпен жұмыс.

Әр топқа сұрақтар беріледі. сол сұрақтарға дұрыс жауап беру.

1 сұрақ: Бағдаршам дегеніміз не? Оның адам өмірі үшін қандай пайдасы бар?

2 сұрақ: Жолдағы қозғалыс бағдаршамның басқа қандай белгілермен реттеледі?

3 сұрақ. Жүргіншілерге қай жолмен жүру керек?

4 сұрақ. Жиек жол болмағанда ше?

5 сұрақ Жолдың қай жағынан жүру керек?

6 сұрақ. Ата - аналарға барғанда қоғамдық көлікке қай жерден отырасыз?

Бағдаршам ойыны:

Барлық оқушы айнала билеп жүреді. Қызыл жанғанда тоқтап қалады. Жасыл жанғанда билеп жүреді. Сары жанғанда 1 аяғын көтеріп, екі қолын жайып тұра қалады. Шартты бұзғандар ойыннан шығып қалады.

Жолда жүру ережесі туралы ережелерді еске түсіреміз.

Топтарға тапсырмалар беру.

Әр топ өздеріне берілген мәтінмен танысып, әуелі жұпта, содан соң топта талқылап, бір-біріне түсіндіреді. Жол белгілерінің суреттерін көрсету.

1. Сен көшеге шықтың. Жүріп келе жатқан адамдарға бөгет жасамау үшін әуелі сол жағыңа, содан кейін оң жағыңа қара.

2. Мектепке барар жолды, не көшені барынша аз қиындықпен өтетін ең қауіпсіз жолды таңдап ал.

3. Қала көшесімен келе жатқанда абай бол! Асықпа! Тек тротуармен немесе жол жиегімен ғана жүр.

4. Көшеде келе жатып қақпадан шығып келе жатқан машинаны көрсең күте тұр. Тротуар сөзі француз тілінен аударғанда “Жаяу жүргіншіге арналған жол”дегенді білдіреді.

Тротуарда жүру тәртібі. Жеке жүрсең:

1.Тротуардың оң жағын ала жүр.

2.Жүгірме,асықпай адымда.

3.Жол жиегін аттама,оның үстімен жүрме.

4.Тротуар үстіндегі кедергілерді жүргін бөлікке шықпай айналып өт.

5.Тротуардың ортасына тұрма,үйлерге жақын қапталына қарай барып тұр.

6.Тротуар үстінде ойнап,алыспа.

7.Әлдеқандай затыңды жүргін бөлікке түсіріп алсаң,ересектердің бірінен жәрдем сұра.

8.Жолаушылар қоршауынан асып өтпе. Оның астынан өтпе және үстіне асылып отырма.

Топпен бірге жүрсең:

1. Қатардан шықпа.

2. Алысып, ойнама.

3. Жүгірме, секірме, итеріспе.

4. Шуылдама.

5. Мұғалімнің жөн сілтеуіне ғана құлақ ас, басқаларға алаңдама.

6. Әлдеқандай затыңды жүргін бөлікке түсіріп алсаң, тротуар үстінде тұрып ересектерден көмек сұра.

Қорытынды

Емтихан. ( Интербелсенді тақтамен жұмыс)

1.Жүргіншілер деген кім?

А) машина жүргізетін адамдар В) көшеде жаяу жүрген адамдар С) белгілер

2. Көлік жүріп келе жатқанда жолаушыға жүргізушімен сөйлесуге бола ма?

А) болады В) болмайды С) білмеймін

3.Жолаушылар таситын қоғамдық көлікті қай жерден күтіп,міну керек?

А) аялдамалардан В) кез-келген жерден С) дүкен алдарынан

4. Қала көшелерінде жаяу адамдар қандай жолмен жүруге тиіс

А) кез-келген жолмен В) тротуармен С) автомобиль жолдарымен

5. Қала көшелерінде велосипедпен жүруге неше жастан бастап рұқсат етіледі?

А) 10 В) 12 С) 14

6. Дөңгелек шеңбер түрінде қызыл түспен белгіленген белгілер қандай ұғымды білдіреді?

А) ескерту белгілері В) көрсеткіш белгілер С) тыйым белгілері

7. Қай түс жанғанда машиналар жүреді?

А) сары В) жасыл С) қызыл

Қорытынды.