Сынып сағаты: «Кітапханаға саяхат»

Педагогтің Т.А.Ә.

Күні:

Сынып:

Қатысушылар саны:

Қатыспағандар саны:

Тәрбие тақырыбы

«Кітапханаға саяхат»

Құндылық

Ұлттық мүдде

Мақсаттары

Білімділік: Білімнің кілті кітап арқылы берілетінін ұғындыру, кітаптың адам өміріндегі маңызы, ғылым мен білімнің пайдасы жайлы түсіндіру; Рухани жаңғыру бағдарламасына сай, балаларға қазақ ақын-жазушылары туралы мәліметтер беру.

Дамытушылық: Оқушылардың бойында ұлттық сананы ояту; кітапқа деген қызығушылығын арттыру; сүйіспеншілік, мақтаныш сезімін ұялату, ұлттық рухты сіңіру.

Тәрбиелік: Кітапты сүюге, оны күтіп, таза ұстауға тәрбиелеу.

Сабақтың кезені/ уақыт

Педагогтың әрекеті

Оқушының әрекеті

Ресурстар

Сабақтың басы

Сабақтың ортасы

Сабақтың соңы

Оқушылармен амандасу.

Оқушыларды түгендеу.

Қызығушылықты ояту.

«Кітап-ғалым, тілсіз мұғалім» деп тегін айтылмаған ғой. Бүгінгі тәрбие сағатымыз бәрімізді білімді, өнерлі болуға тәрбиелеп, талай ғажайып істердің құпиясын ашуға көмектесетін ақылдың кені-кітапқа арналады.

«Пайда ойлама, ар ойла,

Талап қыл артық білуге.

Артық білім кітапта,

Ерінбей оқып көруге».

Абай Құнанбаев

«Ой қозғау»

Оқушыларға жетекші сұрақтар беріледі.

1. Мектепте кітапхана бар ма?

2. Кітапхана не үшін керек?

3. Алматы қаласында қандай кітапханалар бар?

Сендер кітапханаға не үшін барасыңдар?

1.Ең бірінші кітапхана қанша жыл бұрын пайда болған?

2. Қазақстанда ең бірінші кітапханақай жылы ашылған?

3. Кітап қорында қанша кітап болған?

4. Ең ірі кітапхана қайда орналасқан?

5. Алғашқы директоры кім болған?

6. Кітапханаға 1991 жылы қандай ат берілді?

7. Ұлттық кітапханада неше оқу залы бар?

8. Кітапханаға бір жылда қанша оқырман келеді?

1 Ең бірінші кітапхана осыдан сегіз мың жыл бұрын пайда болған.

2 Қазақстанда ең бірінші кітапхана 1883 жылы Семейде ашылған.

3Кітап қорында 260 том кітап болған.

4Қазақстан Республикасындағы ең ірі кітапхана- Ұлттық кітапхана. Ол Алматы қаласында орналасқан. 5Кітапхананың алғашқы директоры –мемлекет қайраткері Ораз Жандосов. О. Жандосов кітапханаға Қазақстан туралы, қазақ тіліндегі басылымдарды жинаған.

6 Кітапханаға 1991 жылы «Ұлттық кітапхана» деген ат берілді.Кітапханаға 1 жылда 1 миллионнан астам оқырман келеді, 2 миллиондай кітап қолға беріледі.

7Ұлттық кітапханада 14 оқу залы жұмыс істейді. 8Кітапхана – Қазақстандағы тарихи, мәдени ескерткіштердің бірі.

Үлгі - сөзі атаның, үйренеміз мақалың - дегендей «Мақал - мәтел» сайысына көшеміз. Мен мақалдың сыңарын айтамын, сендер жалғастырасыңдар:
• Кітап – білім бұлағы, ... (білім өмір шырағы)

• Кітапсыз білім жоқ, білімсіз ... (күнің жоқ)

• Кітапсыз үй - ... (жансыз дене).

• Күш – білімде, ал білім – ... (кітапта)

• Артық ғылым кітапта,

Ерінбей...( оқып көруге).

• Наданмен дос болғанша,

...(Кітаппен) дос бол.

• Оқысаң озарсың...(оқымасаң тозарсың)

«Құпия хаттарға» жауап беру
Әр топқа құпия хаттар жазылған конверттер таратылып беріледі. Жауабын әр топ ойланып, ақылдаса отырып айтады.

Соңғы тыныштық сәтi.

Балалар,бүгінгі сабағымыз аяқталды.

Заманымыздың заңғар жазушысы Мұхтар Әуезовтің сөзімен айтқанда, «Кітап – әр адамның өмірлік досы». Сондықтан, балалар сендер кітаптарды оқып кітаптармен дос боласыңдар деп ойлаймын.

Сабақтан алған әсерлеріңізді стикерге жазып тақтаға жабыстырамыз.

Деп сабағымызды аяқтаймыз!

Қош, сау болыңыздар!

Оқушыларға сұрақтар ұсынылады.

Оқушыларға сұрақтар ұсынылады.

Оқушыларға сұрақтар ұсынылады.

Мақал-мәтел жалғастыру.

Оқушылар хатты талдап сабақты қорытындылайды.

Плакаттар

Презентация

Таратпа қағаздар

Таратпа қағаздар

Таратпа қағаздар

Стикерлер