Тапқыр достар сайысы

Тақырыбы: «Тапқыр достар» зияткерлік ойын.
Мақсаты: Сынып аралық білім сайысы арқылы оқушылардың білімін шыңдай түсу, логикалық шапшаң ойлау дағдысын арттыру, дарынды, білімді оқушыны анықтай білу, жеңімпаз, озат болуға тәрбиелеу;Сөйлеу шеберліктерін арттырып,сөздік қорларын дамыту.
Көрнекілігі: мақал-мәтелдер, жасырын сөздер, ребустар бетшесі;

Түрі: сайыс
Жүру барысы: 1. Ұйымдастыру
Ал, қанекей, келіңдер, келіңдер,
Бір - біріңе серік болып еріңдер
Білгендеріңді тексеріп, еске түсіріп
Зияткерлік сайыста сайыста
Бақтарыңды сынап, қатысып бір көріңдер - деп білім сайысына құлшынып келген білімді оқушыларымызды шақырамыз.
1 - топ –«Болашақ»

Бір сыныпта оқимыз, бәріміз де
Достық сөзі әрқашан дәрі бізге
Жарысуға сендермен келіп тұрмыз
Мына жұрттың таңырқасын бәрі бізге.
Біздің тобымыздың ұраны: «Білімдіге – дүние жарық, білімсіздің күні – кәріп»
2 - топ –« Арман»

Біз дайынбыз жарысуға достарым,
Көрсетеміз бізде қандай күш барын.
Біздің тобымыздың ұраны: «Оқу – білім бұлағы, білім – өмір шырағы»

Шын жүйріктер сыналады жарыста
Жарыстың ба орта жолда қалыспа
Әділқазы бағалайды сіздерді
Жеңіс мәре жақын ба, әлде алыс па?- деп әділ қазылар алқасымен таныстыру:
Бүгінгі сайысымыздың жоспарымен таныс болыңыздар:
1. «Кәне, ойлан!» Ребус шешу
2. «Елімнің болашағымын» жоба қорғау.
3. Суреттер сөйлейді (Суреттерге қарап мақал-мәтел құрастыру)
4. «Кім тапқыр» ақын-жазушылардың кім екенін табады.
5. Сөз тапқанға.... (әріп суыру арқылы сол әріптен басталатын сөз арқылы
сұраққа жауап беру)

6. «Түсін мені» (берілген сөзді өз топ мүшелеріне ымдап түсіндіру)

- Білім деген биік шың
Бақытқа сені жеткізер
Білім деген ақылшың
Қиындықтан өткізер - деп білім сайысымыздың бірінші бөліміне кезек береміз.

1-бөлім «Кәне, ойлан!» ребус шешу

2-бөлім «Елімнің болашағымын» жоба қорғау
3-бөлім Суреттер сөйлейді (Суреттерге қарап мақал-мәтел құрастыру)
1.Біреуге ор қазба,өзің түсерсің.

2.Сырты бүтін,іші түтін.

3.Асыққан қалар ұятқа.

4.Қолыңмен істегенді, мойныңмен көтер.

5.Жеті рет өлшеп,бір рет кес.

6.Қорыққанға қос көрінер.

5. «Кім тапқыр» ақын-жазушылардың кім екенін табады
Қазақтың аса көрнекті ақыны,ірі қоғам қайраткері,өте білімдар ғалымы,Торғай өңірінде туған,балаларға арнап тұңғыш қазақ “ Әліппесін” жазған. Оның “Оқуға шақыру”, “Әліппенің атасы” т.б шығармаларымен таныспыз.Бұл кім туралы айтылған?(Ахмет Байтұрсынов)

Қазақтың аса көрнекті ақыны,Солтүстік Қазақстан облысының тумасы,4 жастан мектеп табалдырығын аттаған,өз ұлтың өте жақсы көрген ,жастарға үміт артқан ақын.Оның “Қарағым”, “Аққала” т.б шығармаларымен таныспыз.Бұл кім туралы айтылған?( Мағжан Жұмабаев)

Жырау,жыршы әрі айтыс ақыны.Жамбыл облысында дүниеге келген.Ол он бес жасынан қолына домбырасын алып,ел кезіп,өлең айтып,айтысқа түскен.Ұлы Отан соғысы кезінде ел жігерін қайраған ақын.Бұл кім туралы айтылған?(Жамбыл Жабаев )

Дарынды ақын.Ол небары 27 жас қана өмір сүрген.Сол азғана өмірінде ақын артына мол мұра қалдырды. «Қараңғы қазақ көгіне өрмелеп шығып күн болам» деп жырлаған жалынды ақын мысал өлеңдерде жазды. (Сұлтанмахмұт Торайғыров)

6. Сөз тапқанға.... (әріп суыру арқылы сол әріптен басталатын сөз арқылы
сұраққа жауап беру)
1- топқа ( Б)
Суды немен ішесің?
Сенің досың кім?
Бүгін сенде неше сабақ?
Қандай тағамды ұнатасың?
Қай көшеде тұрасың?
Жасың нешеде?
Қай ертегіні ұнатасың?
Қарлығаштың құйрығы неге айыр?
Көршің кім?
Ағаңның есімі?
2-топқа (М)
Сенің көршің кім?
Дос қызыңның есімі?
Қандай ертегі ұнатасың?
Қай жануар ұнайды?
Зат есімге мысал?
Көйлекті неден тіккен?
Пырылдап ұйықтайтын не?
Сүйікті пәнің?
Күн ішінде не бар?
Үй тапсырмасын шығаруға кім көмектеседі?

6. «Түсін мені» (берілген сөзді өз топ мүшелеріне ымдап түсіндіру)

Шарты: Топтан бір мүше шығып үстелде тұрған сөздерді таңдап, 1 минут ішінде қалған өз топ мүшелеріне ымдап немесе жұмбақтап сөзбен жеткізуі керек. Балмұздақ, түйе, пияз, күшік, қоян,жылан

Еліміздің   ертеңі,  Тәуелсіз    Қазақстанның    кемел болашағын келешекке  жеткізер  осынау  озық  ойлы  ұрпағы  бар елдің   жалауы  ешқандай  еңкеймек  емес. Алдағы  уақытта  да  тек  қана  биіктерден  көріне  бер деген   ізгі  ниетпен  біз  сайысымызды  аяқтаймыз.