Талдықорған қаласы Ш.Уәлиханов атындағы №10 орта мектеп гимназия

Көркем еңбек пәні мұғалімі Шукеева Г.К.

Көркем еңбек сабағында оқушылардың шығармашылық қабілеттерін жетілдіру.

“Адамды биік шынға жеткізетін еңбек. Біз баға жетпес білім қорын арттырып, оны жаңаша түрлендіре білуіміз керек” – деген бірінші Қазақстан Президенті Н.Ә.Назарбаевтың сөзін қолдай отырып, жас ұрпақты тәрбиелеуде технология пәнінің мұғалімдері білімді, білікті, жан жақты дамыған, шеберлі, мәдениетті, адамгершілігі мол болуы қажет деп есептеймін.

“Технология” грек тілінен аударғанда өнер, шеберлік, іскерлік деген мағынаны білдіреді. Сонымен технология пәнінің негізгі мақсаты болып жалпы білім беретін мекемелердегі оқушыларды еңбек саласына даярлау болып тадылады. Өйткені технология сабағы – мектеп оқушыларын рухани байытып, дүние танымын қалыптастыратын пәндердің бірі болып табылады.

Оқушылардың шығармашылық қабілетін жетілдіруге технология сабағының атқаратын маңызы зор.

Мұғалімнің міндеті әр оқушының бойында жасырынып жатқан өнерін аша білу. Шығармашылық қабілетін ашудың және дамытудың көп тәсілі бар. Оларды әр түрлі шығармашылыққа қызықтыру, бірте-бірте күрделене түсетін тапсырмалар мен шешуін таба алатын міндеттер жүктеу арқылы орындалады. Берілген тапсырмалардың шешу жолдарын өздері тауып, ойлау қабілеттері өз бетімен болса шығармашылықтың дамуына түрткі болады.

Технология сабағында, оқушылардың шығармашылық қабілеттерін жетілдіру үшін алдыма келесі мақсаттарды қойдым:

• оқушылар білім алу үшін оңтайлы жағдай жасау;

• оқушылармен арақатынасты жақсы жолға қойып, сенім туғызу;

• оқушыларды еңбекқорлыққа, рухани мәдениетке, іскерлікке, шыдамдылық пен ізденімпаздылыққа дағдыландыру;

• әр оқушыға жеке әдіс тәсілдерді қолдану;

Оқушылардың шығармашылық қабілетін, шеберлігін дамыту және өз бетінше орындайтын жұмыстардың деңгейін көтеру үшін әр түрлі әдіс тәсілдерді қолданам. Жәй ғана түсіндіріп, бірақ орындалу әдісін көрсетпесе менімше оқушылар еш қандай жұмыс жасай алмайды. Тіпті дайын көрнекілікті алдарына қойып қойсада, орындалу тәсілін білмегендіктен жалқауланып түк істемейді. Соның салдарынан үлгерімі нашарлайды. Сондықтан да мен оқушылардың қабілеттерін дамыту үшін жұмыстың орындалу реттілігін көрсетіп отырамын, соның ішінде ең тиімділігін, тез жасалатын әдісін көрсетіп үйретемін. Негізгі орындалу әдісін үйренген оқушы өз ойымен әр түрлі заттар жасап жататы.

Шығармашылық міндеттерге жүгенсек, ол ең алдымен, дәстүрлі халықтық қолданбалы қолөнермен таныстыру, өндеу технологиясын көрсетіп үйрету. Таныстырудың түрі көп, мысалы түсіндіру арқылы мәлеметтер беру, оның ішінде ең бастысы – сабақта көрнекі құралдарды тиімді пайдалана отырып таныстыру.

Қазіргі заман талабына сай, және де сұранысқа байланысты халықтық қолданбалы қолөнері дамып келеді. Сондықтан да оқушылардың шығармашылық қабілеттерін жетілдіру үшін мен көп ізденіс жұмыстарын жұргізем.

Оқушыларды қызықтыру үшін алдымен өзім қолданбалы өнер элементтерін пайдалана отырып бұйым жасаймын, дайын бұйымды әшекейлеп оқушыларға көрсетіп қызықтырамын. Қызыққан оқушы бастаған жұмысты бітірмей қоймайды. Бастаған жұмыстары қандай болатынын олар білмейді, сондықтан да оны бітіруге асығады.

Қазіргі кезде оқушылар көбінесе ұсақ моншақтан әр түрлі гүлдер тоқуға, капроннан раушан гүлдерін жасауға, үлкен моншактан гүл салатын құты, кәмпит салғыш, қобдиша, нан салғыш, сонымен қатар құрақ құрау өнерлеріне әсіресе кейінгі кезде гипстан әр түрлі жұмыстар жасап, көп қызығуда, осы қызығушылықтың арқасында оқушылардың шығармашылық қабілеттерін дамытудамын. Оқушылардың өздерінің жетістіктерін өздеріне талдатып, өзін-өзі бағалау әрекеттерін ұйымдастырып, дайын жұмыстарын қалалық және мектепшілік көрмелерге шығарамыз.

Оқушыларымның жетістіктері