Армысыздар.Эфирде « Айтуға оңай» .Біздің бүгінгі хабарымызда ғаламторға байланып,шынайы өмірден алшақтап бара жатқан оқушылар мәселесі жайлы сөз болмақ.Селикон алқабы дегенді естігеніңіз бар ма? Калифорния штатында орналасқан,АҚШ-тың ғана емес,әлемнің керемет технологиялық жаңалықтары жасалатын жер, сүттің бетіндегі қаймақтары жиналған ғылыми орта .Білесіз бе? Сондағы мектептерде компьютер атаулы атымен жоқ,тақта мен бор,ағаш парта мен тау-тау кітаптар тұратын сөрелер ғана бар. Ондағы оқушылар ұялы телефон,айфон,айпат,планшет дегенді мүлдем ұстамайды.Милары бос,тынық,тыныш.Бір компьютерсіз, тіпті бір экрансыз мектептің мұғалімдері гаджеттерді оқушылардың үйде де қолданбауын жөн санайды.Қиын көбейту мен бөлуді оқушылар қағаз бен тақтаға шығаруға міндетті.Бір ғажабы мұндай тәртіп осы селикон алқабында ғылыми зерттеулер жасайтын ғұлама ата-аналардың талабы бойынша қалыптасқан.Ал біз ше? Қалта телефонсыз өмір сәнсіз, интернетсіз өмір мәнсіз. Әлеуметтік желілерге күніне кемінде бір кіріп шықпасақ,ауа жетпеген ,демі тартылған адамның күйін кешеміз. Бұл дерт пе өзі? Сюжетке назар аударайық.(№1)Сол 96 % - дың құрамына кіретін алғашқы кейіпкерлерімізді ортаға шақырайық, 10 класс оқушылары Альмира,Бекзат, Даяналардың пікірін білейік. Бәріңізге ортақ сауал әлеуметтік желі сіздің өміріңізде қандай орын алады?Қанша уақытыңызды жұмсайсыз?Қаншалықты маңыздылыққа ие? (Оқушылар пікірлері тыңдалады)Альмира өздері түсірген видео туралы айтады,видео көрсетіледі. №2Ал,сіздер әлеуметтік желі тұтқыны емеспіз дейсіздер.Әлеуметтік желі тұтқыны болу оп-оңай,оны қазір дәлелдеп көрейік. Балалар бүгін ортамызда бір оқушының туған күні. Кім деп ойлайсыздар? Сол оқушыны ортаға шақырайық. Қазіргі кезде балалардың көбі өздеріне сыйлыққы қымбат телефон сыйлағанды күтеді. Мысалы:Исламбекке ата-анасы қымбат телефон сыйлады делік,оның алғашқы әрекеттері әртүрлі әлеуметтік желілерге тіркеледі.Қасына 5-6 оқушы шығады да,қолдарындағы жіпті әртүрлі әлеуметтік желілердің атын атап бір-біріне лақтырады.Сол кезде туған күн иесі ортада жіптердің ортасында шырмалып қалады.Міне әлеуметтік желі тұтқыны болу оп-оңай. Қалай шығады? Біір оқушы:Сотка қарау заманның шарты ма еді,Пенденің парасаты парқы ма еді.Лайк жинап алданып мәз болғаншаСауап жинап қалғаның артық еді.Байқамастай, көрместей айналаңдыВиртуальды бір әлем байлап алды Шыны ішінен шыға алмай шыр айналдыңШынайы өмір шынымен қайда қалды?Ауызба-ауыз елге сыр айта алмайсыңҚұмарға бір кірген соң қайта алмайсыңСаусақпенен сотканың бетін сипауҚұлшылық боп кеткенін байқамайсыңМамандар ғаламторға деген тәуелділікті ішімдік пен нашақорлықпен бірдей ауру деп санайды. Дүниежүзілік денсаулық сақтау ұйымының мәліметтеріне сүйенсек,ғаламторда бүкіл уақытын өткізетін адамның миы терең ойланудан қалады. Оның үстіне мұндай адамдар бір нәрсені үйренуге қабілетсіз болады. Қазіргі кезде ата-аналарды көп мазалайтын балалар арасындағы ауру түрлері қандай? Олардың негізгі себептері не? Оған ғаламтордың әсері бар ма? Осы сұрақтарға жауап іздеп көрейік. Мектеп мейірбикесі Каримова Ақгүл ның ойын білсек. (Мектепке қанша оқушы бар? Қанша бала есепте тұр? Соңғы жылдар есебіне тоқталсаңыз?)Көптеген адамдар әлеуметтік желіні өмірінің жақсы жақтары жайлы айту үшін пайдаланады. Мысалы саяхаттан сурет,қымбат бір жерде тамақтанып отырғаныңнан белгі беретін сурет.(Мысалы:кім-күніне қанша сурет салады?Қанша лайк жинайсың?) Біреудің осы әдіс арқылы мақтануын көріп,ызыланасыз.Қызғаныш,ашу,мұң және бұл жайлы ешкімге де айта алмайсыз.Себебі мұны бірден көреалмаушылыққа жатқызатыны анық.Мұның аяғы күйзеліске апарады. Зерттеушілердің пайымдауынша әлеуметтік желілер сізді мінезіңізге тән болмаса да, қызғаншақ,ашушаң етеді. Осы пікір қаншалықты шындыққа жанасады? Ортамызда психолог маман Кәдірқұлова Нұрғиза Әкімәліқызы қонақта, пікірін тыңдасақ.Жаңа психолог әлеуметтік желіні көп қолдану адамның есте сақтау қабілетіне де әсер етеді де деген болатын.Осы жерде шағын тренинг өткізіп көрейік. Ортаға келген қонақтардан 3 адам және 2 оқушы шықса.Сіздердің ең жақын адамдарыңыз кімдер? Сол адамдардың телефон номерлерін жатқа айтып бере аласыз ба?Міне көрдіңіздер ме, біздің телефонға сеніп кеткеніміз сонша,ең жақын адамдарымыздың телефон номерлерін жатқа білмейміз. Ауызба-ауыз сөйлеспейміз,туған күндерінде,мерекелерде бір гүлдің суретімен құттықтау хат жібере саламыз.Осынымыз дұрыс па?Казинформ кз халықаралық ақпарат агенттігі ұсынған статистикаға сай,әлеуметтік желілерде әрбір екінші адам өзі жайлы өтірік мәлімет жазады. Оның ішінде 29 %-ы есімі мен жасына қатысты, 23 %-ы отбасылық жағдайы жайлы,22 %-ы түр әлпеті мен қызығушылықтары туралы,17 %-ы білімі мен жұмысына қатысты. Осы жалған ақпараттардың соңы қылмысқа итермелемей ме? Содан соң ортамызда зауыт полиция бөлімінің жасөспірімдер ісі жөніедегі инспекторы,полиция капитаны Аманкулова тұрсынгүл Серғазықызы отыр.Сол маманның пікірін тыңдаймыз.(Қымбат телефонға қатысты ұрлықтар саны қанша?Дінге қатысты телефонмен танысу,ата-ана рұқсатынсыз некеге тұру қаншалықты рас? )Әлеуметтік желілерге деген тәуелділік әсіресе мектеп оқушыларының арасында қызып тұр,алдымен экранға назар аударайық.(№3)Ортамызда №24 ЛМГ директорының орынбасары Ғалия Ағымбетқызы отыр. Сіздің мектепте бұл жағдай қалай шешілуде?Сізге ғаламтор зиян деген сөз,өмір зиян деген сөз секілді естілмей ме?Әлеуметтік желі күн санап,сағат санап,минут санап өсіп келе жатыр.Оған балаларымыздың құмарлығы артпаса,кемімейді.Бала тәрбиесінде ата-аналардың алатын орны ерекше. Осы жерде бәріміз де ата-анамыз,балаларымызға,ең жақын адамдарымызға жанымыз ашиды. Балаларыңызбен әңгімелесіп көрдіңіз бе? Қандай әлеуметтік желілерді қолданады? Қандай сайттарға кіреді?Сюжет көрейік ( №4).Содан кейін әңгімемізді жалғастырамызОсындай жағдай қай-қайсымыздың үйімізде де бар шығар. Қонақтар пікірін білсек. (Семинарға келген қонақтар пікірі тыңдалады) Әлеуметтік желілердің маңыздылығын ешкім жоққа шығара алмайды.Әлеуметтік желі жайлы кім қалай ойласа да ол өз еркі. Бәсекеге қабілетті жеке тұлға негізі ұлттық құндылықта десек, айтар ойға тұздық болған әлеуметтік желі оқушы өмірінде қандай орын алса да,ұлттық мәдениетіміз бен рухани қазынамыздың ойға,бойға қажет нәрін жоғалтып алмасақ деген оймен біз болып,сіз болып жас ұрпақты алтын уақыттарын бағалай білуге,әлеуметтік желілердің жетегінде еріп кете беруіне жол бермейік. Ток-шоу аяқталды. Ән орындау.
21 Желтоқсан 2017
2656
3 рет жүктелген
Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған