Тәрбие сағаты. "Балғын балалық шақ" 1-сынып

Тақырыбы  :  Балғын балалар – біздің болашағымыз

 Мақсаты :

1. Бала тәрбиесіне ата-ана мен ұстаздың жауапкершілігін арттыру .

2. Қоғамда қиын бала болдырмау үшін ата-ана мен  мұғалім арасында  үйлесімді жұмысты жолға қою.

Көрнекілігі : Өсиет  сөздер, тест сұрақтартары , қабырға газеттері .

Кіріспе бөлім :

Адамзаттың өмірдегі қымбаттысы , көз қуанышы – бала . Бала – дербес тұлға. Оның бойындағы табиғи қасиеттер, адамгершілік құндылықтары отбасында, мектепте, әлеуметтік ортада нәрленеді, толысып , әрленеді.

Бұл орайда  мектептің де ролі зор. Өйткені , отбасы тәрбиесі мен мектептегі тәрбие  бір- бірімен тығыз байланысты. Баланың басты ұстазы – ата- анасы.  Бала ата-анасының, ата-ана баласының жан-дүниесін түсінбейінше , іс алға баспайды .  Ата-ана  мұғалімге көмекші , сенімді тірек болса , мұғалімде сондай болуы керек. Екі жақты  байланыс нығайғанда ғана , барлық  күрделі  мәселелердің  түйіні шешіледі.

 Негізгі бөлім :

1-жүргізуші: Ана – үйдің берекесі,

Бала – үйдің мерекесі.

2-жүргізуші: Бұтағымен ағаш сымбатты,

Ұрпағымен адам қымбатты.

1-жүргізуші: «Бала болсаң болғандай бол

Айналана қорғандай бол» - деген қағиданы берік ұстанған ата-бабамыз өз ұрпағын адам,адамзат деген атқа лайық етіп өсіруді мақсат еткен.

2-жүргізуші: Олай болса,біз ертеңгі болашақ иесіміз. Жақсы тәрбие алып, жақсы оқу біздің міндетіміз.

1-жүргізуші: Дұрыс айтасың, Жаннұр. Кеше ғана 1-сынып табалдырығын аттаған едік. Міне, бүгін есейгендейміз.

2-жүргізуші: Қойшы, біз әлі баламыз ғой. Оқуды енді ғана үйрендік, санауды да әзер үйрендік.

1-жүргізуші: Бәрін айт та бірін айт. Онда оқушылардың өнерін тамашалайық.

• Кәусар. Оқу, білім саған пайда.

• Математика сабағында

2-жүргізуші: Ұланым менің ақылды

Қадірлей біл салтыңды.

Мақтан ет сен де мәңгілік

Туған тілің халқыңды.

1-жүргізуші: Оқушылардың туған жер туралы тақпақтарын тыңдап көрелік.

• Оқушылар тақпағы

1-жүргізуші: Өзі әдепті, салмақты

Өнерлі де жан-жақты

Шақырайық ортаға

Біздің Асылмұратты

• Құттыбаев Асылмұрат «Туған жер» мәнерлеп оқу

2-жүргізуші: Сынып ұлдарының қыздарға арнаған тақпақтарын қабыл алыңыздар.

• Ұлдардан арнау

• Би «Каша»

• Ән «Біз – бақытты баламыз»

2-жүргізуші: Әңгімені айтса жұртым мақтанады,

Жеңіліп сөзден шіркін қала алмайды.

1-жүргізуші: Жүз сұрақ қойсаң дағы дарындылар

Жасырып жүзін дағы қала алмайды.

• Қызықты логикалық сұрақтар

• «Ойлан, тап!»

2-жүргізуші: Білім деген – менің жарқын көнілім,

Білім деген – шаттық толы өмірім

1-жүргізуші: Білім деген – талмас қанат, ақыл-ой

Білім сенің болашағын, біліп қой!

• «Жалғасын тап...»

2-жүргізуші: Талмасын қанат, сөнбесін үміт,

Армандар алға жалғансын.

1-жүргізуші: Соқса да дауыл, өрт болып өмір,

Қанаттар балғын талмасын

Мұғалімнің сөзі:

Жас жеткіншек, бойыңдағы бар қабілетіңді тек жақсылыққа бағыттай біл. Зиянды әдеттерден аулақ бол. Тәртіпті бол, өз құқығыңды дұрыс пайдалан. Сен ел үшін керексің. Өйткені сен – тәуелсіз елдің болашағысың!

Қорытынды:

Қадірлі Ұстаздар, ата-аналар , « Отбасында берілген тәрбие жігеріңді құм қылып , жерге қаратпасын десең , балаға кішкентайынан түзу тәрбие бер » деп, ата-бабамыз айтқандай, бала тәрбиесіне  уақытында көңіл бөліп , еліміздің инабатты, адамгершілігі мол, білімді, саналы ұрпақ тәрбиелейік . Егер ата-ана мен  мектеп өзара  тығыз байланыста болса, балаларға бірдей  талап қойып отырса , тәуелсіз еліміздің ұл-қыздары  жан-жақты дамыған азамат болып шығары сөзсіз.

  « Ырыс-ынтымаққа жолығады , дәулет-бірлікпен толығады » деп Елбасымыз жолдауында айтқандай , ынтымақ пен бірліктің артуына барынша күш-жігеріміз бен білімімізді аямай жұмсайық .