"Тәуелсіздік бәріннен қымбат"

Тәуелсіздік бәрінен қымбат!!!

Қаншама ғасырлар бойы бабаларымыз аңсап өткен азаттық таңын, елдің егемендігін көру біздің заманның ұрпақтарына маңдайына жазылған. Сыртқы жауларда жерді қорғап, ішкі жаулардан елді қорғап, "аты ауыздықпен су ішіп, өздері етікпен су кешкен" аталарымыз артына мəңгілік мұра ретінде асты-үсті байлыққа толы даңғайыр жер қалдырып кетті. Жүректің күшімен, найзаның ұшымен қасиетті қара жерді қорғағаны-ертеңгі ұрпағымыз көрінгенге көз сүзіп, кіріптар болмасын, үсті мен астындағы байлықты байыппен жұмсаса, талай ғасырлар бойы тойдырып тамақ ішкізер, дүрілдер дəурен кешкізер дегені еді.

Тарих бүгінмен өлшенбейді. Кешегі күндер ойға оралады, бүгінгі жағдайларға байлам жасалады, ертеңгі тарихқа жылнамалар түзіледі.

Президентіміз Қ.Тоқаевтың "Тəуелсіздік бәріннен қымбат" мақаласын оқығанда осындай пікірлер көңілге қонақтайды. Еліміздің егемендігін алып, Тəуелсіздік тұғырына көтерілгенге дейінгі кезең кең қамтылған. Мақаланы оқи отырып, қаншама қасірет көрсе де, қасиетін жоғалтпаған киелі ұлттың қадірлі салт-дəстүрі дəріптеледі, бастан кешкен жағдайлары нақты деректермен түзілген.

Кеңестік империяның күйреуін 1986 жылғы Желтоқсан көтерілісі жеделдетті. Қаншама қазақ қыз-жігіттері құрбан болды, қуғынға ұшырады. Бірақ, олардың асыл арманы араға бес жыл салып барып бас иді. Сондықтан он бес одақтас елдің Тəуелсіздікке тезірек қол жеткізуіне  қазақ жастарының бас көтеруі бастау болды.Мемлекет басшысы осы көтеріліс туралы кеңінен тоқталып, лайықты бағасын берудің уақыты келгенін айтты.

Бұл егемендіктің отыз жылдығын мерекелеу қарсаңында тарихты түзетудің бір белгісі боп табылады.

  Президентіміздің мақаласы маңыздылығымен қатар, мəңгілік ел болуға мəн берген қазақ елінің ертеңіне бағыт, кешегісін көңілге тоқуға жол ашады.