Мұғалімнің аты-жөні: Қуекесова Г.Т.

Күні: 11.03.2021

Сыныбы: 2^д– сынып

Пәні: Математика

Оқушылар саны: 2 Сабаққа қатысқан оқушылар саны: ____

Сабақтың тақырыбы: Тәулік бөліктері

Сабақтың мақсаты:

Білімділік: Тәулік және тәуліктің бөліктері туралы білімдерін жалпылау, тәуліктің бір бөлігін ажыратып, атай білуді бекіту.

Түзету-дамытушылық: Танымдық қабілеттерін арттыру. Танымдық іс-әрекетке қызығушылықтарын арттыру, таңертең, түс, кеш, түн сөздерін пайдалану ұғымдарын дамыту.

Тәрбиелік: Ұқыптылыққа,тазалыққа, күн тәртібін жоспарлауға тәрбиелеу.

Көрнекі құралдар: түрлі-түсті қарындаштар, қалам, сағат, тіл дамытуға арналған сурет, логикалық есеп, күн тәртібіне байланысты суреттер.

Әдіс-тәсілі: сұрақ-жауап, түсіндіру, көрсету, әңгімелеу, талдау.

Сабақ барысы

І. Ұйымдастырушылық кезеңі.

Психологиялық дайындық

Біздер тату баламыз,

Өсіп алға барамыз.

Есептерді шығарып,

Біз білімді боламыз.

ІІ. Негізгі бөлім.

• Қазір жылдың қай мезгілі? (Көктем).

• Көктем мезгілінде неше ай бар? (Үш ай).

• Айлардың атын атаңдаршы. (Наурыз, сәуір, мамыр).

Тәулік бөліктері төртке бөлінеді. Олар: таң, түс,кеш, түн.Тәуліктің бөлінуі бір жағынан қоршаған ортада болып жатқан өзгерістермен байланысты мысалы, күннің, айдың,жұлдыздардың пайда болып жоғалуы,екінші жағынан  адамдардың тәулік бөліктеріне байланысты еңбек етіп және демалуының алмасуы.

Балалар күн шығады, түс болады, одан кейін кеш болады, осылай күн мен түн ауысып тұрады. Бірақ уақыт ауысып қайта келгенмен, күн ай, жыл өзгеріп отырады. Сонымен бірге сендердің бойларында, ойларында өзгеріп отырады.

Тақтаға 4 сурете бейнеленген пейзажда тәуліктің 4 мезгілін көрсету. Әр суреттің қай тәулік мезгілінде болатының сұрау. Осы суретте бейнеленген тәулік мезгілдеріне қарап тәулік ұғымымен таныстыру. Балалардан сұрау: Қанша тәулік мезгілдері мына суреттерде бейнеленген?  Барлық төрт тәулік мезгілдерін біріктіріп қалай атауға болады?

ІІІ. Тапсырмалар орындау.

1-тапсырма.

Суретте көрсетілген тәуліктің қай бөлігіне сәйкес келетінін жаз.

2-тапсырма.

«Қай уақыт?». Сағатта көрсетілген қай уақыт екенін анықтап, соған сай іс-әрекет түрін көрсету қажет. Басқа іс-әрекеттерді де талдап кету қажет.

3-тапсырма.

Логикалық есеп. Оқушылардың әрқайсысына беріледі.

ІV.Сергіту сәті.

Шаршасаңдар, балалар,

Қолдарыңды созыңдар.

Саусақтармен ойнаңдар,

Қолдарыңды сермеңдер.

Денелерiң шынықсын,

Саналарың тынықсын.

4-тапсырма.

Сағатта көрсетіліп тұрған уақытты бос тор көзге жаз. Тәуліктің қай бөлігі екенін айт.

5-тапсырма

Хикая картасы бойынша өзіңді мысалға ала отырып, әңгімелеп бер.

V. Кері байланыс

Сұрақ-жауап әдісі арқылы.

Тәулік бөліктерін деген не?

Таңертең не істейміз?

Түсте не істейсіңдер?

VІ. Қорытынды

Оқушылар, біз бүгін «Тәулік бөліктерімен» таныса отыра, уақыт мезгілдерді білдік. Тәулік бөліктерін пайдалана отырып, күн тәртібін жоспарлауға болады. Бұл бізге күнделікті жасайтын жұмыстарымызды ұмытпай орындауға көмектеседі.

Осымен сабағымыз аяқталды, белсенді қатысқандарыңызға рахмет, сау болыңыздар!

Жетекшісі: Дефектолог: Ғиниятова Н. Т.