Технология сабағына рефлексивті есеп

М аңғыстау облысы,Қарақия ауданы

Құрық ауылы

«Құрық орта мектеп-гимназиясы» кмм

технология пәні мұғалімі
Серекбаева Күмісай Әлімбаевна

Технология сабағына рефлексивті есеп.

6«Б»сыныбына сәуір айының 27күні технология пәнінен «Жобалау жұмыстарының негізгі кезеңдері» атты сабағымды өткіздім. Сабаққа 6 оқушы қатысты.
Сабақтың мақсаты:
Білімділігі: жобалау, дайындау, жобаны қорғау тәсілдері мен таныстыру.
Дамытушылығы: жобалау жұмыстарының негізгі кезеңдері туралы ұғым қалыптастыру.
Тәрбиелілігі: түсініктеме хатты дұрыс толтыруға үйрету.
Мұғалім ретінде оқытып жүрген оқушыларымның ерекшеліктерін зерттей келе, олардың даму деңгейіне қарай әдіс – тәсілдерді іріктеп, талдап қолдануға, жетілдіруге ерекше назар аудармақшымын. Сондықтан да орта мерзімді жоспар құрастырған кезде тапсырмалар барлық оқушылардың қажеттіліктерін қамтитындай болуы тиіс. Сыныптағы оқушылардың жұппен, топпен жұмыс істеу арқылы ұйымдастырылған сабақтарда олардың дарындылығын дамыта отырып, білімдерін шыңдау жолдарының бірі болып табылады, олардың арасында ынтымақтастық пен серіктестік туып, ойымен де есептесу қажет екенін де түсінеді, уақыт үнемделеді.
Сабақты ұйымдастыру кезеңінен бастадым.
Т – тәртіп
Т – тазалық
Т – тыныштық
Т – талап
Т – татулық
5»Т» ережесін естеріне түсіріп, осы ережені сақтай отырып сабағымызды бастаймыз деп, оқушылардан үй тапсырма бойынша сұрақтар қойдым.
Сынып оқушыларын топқа бөлмес бұрын, оқушыларды сабаққа дайындадым. Мен әрбір сабағымда ең бірінші сабаққа қойылатын мақсатқа аса үлкен мән беремін.
Топқа бөлініп болған соң, оқушылар өз топ басшыларын сайлады. Бағалау қағазы таратылды. Топ басшысына топқа оқушыларды қалай, қайтіп бағалайтыны жөнінде кретерий де таратылып берілді. Жаңа сабаққа постер жасау барысында оқушылар екі топта жұмыс істеді. Топтарға мен тек постер жасап, оны қорғап, өздері я басқа топтардың бағалайтынын таныстырған болатынмын, сонда да мен оларға постерден бөлек топ басшысына деңгейлік тапсырмалар мен сұрақтар бердім.
Мен оқушыларға: Жобалау дегеніміз не? деген сұрақ қойдым.
Оқушылар: нақты жауап айталмай жобаның кезеңдерін айтып кетті.
бірінші кезең – менің ойым
екінші кезең – себебі
үшінші кезең – қорытынды деп жауап берді. Мен оқушыларға жобалаудың негізгі кезеңдерін түсіндірдім және де дәптерлеріне жаздырдым. Жобалау жұмыстарының негізгі кезеңдерін түсіндіру мақсатында сабақты қорытындылай отырып, екі топқа бұйым жасау жұмысын тапсырдым. Екі банканы беріп, банкадан не істеуге болатындығын тапсырдым.Оқушылар тапсырмаларын тиянақты орындап,өз жауаптарымен бөлісті. Бірінші топ банканы түрлі түсті қағаздар мен қаптап, әшекейлеп қалам салып қою үшінде пайдалануға жасағандарын айтты. Екінші топта мата мен қаптап моншақтар мен безендіріп, пластилин жабыстырған. Бұл жасаған бұйымын достарына сыйлыққа беруге болатындығын айтты. Өздеріне берілген жұмыстарын аяқтап, екі топта өздері жасаған бұйымдарын қорғап шықты.
Оқушылардан бүгінгі сабақтан алған әсерлері туралы сұрадым. Олар өздерінің сабақтан алған әсерлерін, қолда Олар өздерінің сабақтан алған әсерлерін, қолдарына берген сары шеңберлерге жазып берді.
Сергіту сәтіне оқушылардың бір-біріне жақсы қасиеттерін айтуды жөн көрдім.
Менің бүгінгі сабағым өз денгейін өтті деп ойлаймын. Өйткені оқушылар тапсырманы жоғары денгейде орындады. Бәрі тиісті бағаларын алды.