Тест Соғыс дабылы

Соғыс дабылы

Шырт ұйқыда жатқан Жомарт төрдегі үстел үстінде тұрған телефонның безектей шырылдаған дауысынан кенет оянып кетті.

Майор Жамалы мен Серігінің беттерінен сүйіп, киімдерін апыл-ғұпыл түзей салды да, үйден жүгіре шыға жөнелді.

Жамал мен Серік тез киінді де, үйдің ішін буып-түйе бастады. Жамал ойына әр түрлі қорқынышты күдіктер ұялай берді.

Бұл қала шекарадан небары қырық-ақ километр жерде болатын. Шекарадан өтіп кеткен жау бірнеше сағаттан соң осы қалаға, өздері тұрған зәулім биік үйлерге оқ атуы мүмкін. Сонда қайтпек? Жамал әрі ойлап, бері ойлап, Серікті атасы мен әжесінің қолынан алып келгеніне қатты өкінді. Жап-жас баласының ендігі күндері немен шектелмек? Көңілінде ешбір күдігі, алаңы жоқ сәби енді жау оғынан бұқпантайлап, бас сауғалап жүрмек пе? Бұл қалай болғаны сонда? Жамал әлсін-әлі балконға шығып, полк тұрған казармаларға, зеңбірек алаңдарына, ат қоралар жаққа көз жіберді. Қайда болмасын, абыр-сабыр, асығып-үсігіпқайшыласып жүгіріп жүрген солдаттар мен офицерлер.

Терезелерден, балкондардан бастары қылтиып, жан-жағына күдіктене көз жіберіп тұрған офицер семьялары, жай адамдар. Сонан соң тұрып тың тыңдады. Қаланың әр жерінен соғыс дабылы, анда-санда саңқ-саңқ еткен офицерлердің бұйыра айқайлаған даусы естіледі.

Тыныштық құшағында мүлгіген осы көркем қаланы мұнша әбігерлендіріп, шырқын бұзған кім? Неге өшікті екен осынша? Керегі не оған?

Қ.Қайсенов

6. Жамалдың қандай көңіл-күйін байқағаныңызды көрсетіңіз.

А) Қуаныш

В) Сағыныш

С) Өкініш

D) Өшпенділік

Е) Армандау

7. «Құлақ түру» тіркесінің мәтіндегі мағынасын анықтаңыз.

А) Буып-түйе бастады

В) Көз жіберді

С) Күдіктер ұялай берді

D) Тың тыңдау

Е) Бұқпантайлау

8. Мәтінге сай емес қатарды тап.

А) Майор Жамалы мен Серігінің беттерінен сүйді.

В) Сонан соң тұрып тың тыңдады.

С) Жамал мен Серік тез киінді.

D) Жамал ойына әр түрлі қорқынышты күдіктер ұялай берді.

Е) Серікті атасы мен әжесінің қолынан алмағанына қатты өкінді.

9. Жомарттың қызметтік шенін белгілеңіз.

А) Офицер

В) Солдат

С) Қарапайым жан

D) Майор

Е) Жау

10. Мәтіннің стиль түрін анықтаңыз.

А) Ауызекі сөйлеу стилі

В) Көркем әдебиет стилі

С) Публицистикалық стиль

D) Ресми іс қағаздар стилі

Е) Ғылыми стиль