Нұға Рая

Ақмола облысы Жақсы ауданы

Беловодское орта мектебінің

биология және география

пәндерінің мұғалімі.

Сабақтың тақырыбы: «Айналадағы ортаның ластануы»

Сабақтың мақсаты: Оқушылардың экологиялық көзқарастарын, табиғатқа жанашырлық және жауапкершілік сезімдерін қалыптастыру.

Сабақтың түрі: тренинг.

Құрал-жабдықтары: интерактивті тақта, фличарт, слайд.

Сабақтың барысы.

Ұйымдастыру кезеңі. Оқушылар дөңгеленіп отырып жайғасады.

Тренинг сабақ барысы.

І.қезең- Танысу.

Мұғалім оқушылармен бірге отырып « айналадағы ортаның ластануы » туралы видео көрсетеді. Көргеннен кейін оқушылармен пікір алмасып, олардың көзқарастарыман танысады. Мысалдар келтіріледі:

Күнделікті өмірден және ғаламдық проблемелер бойынша.

ІІ.кезең-Сергіту ойыны.

Оқушылар бірнеше минутқа сергіту мақсатында «қандай заттар айналадағы ортаны ластайды?» тақырыбымен ойын ойналады. Әр оқушы орнынан тұрып, берілген мысалдармен айналадағы ортаны ластайтын заттарды нұсқап көрсетеді.Мысалы, улы газдар немесе түрлі қалдықтар т.б.

ІІІ.кезең-Экологиялық тапсырма.

Сынып оқушыларын екі топқа бөліп, тапсырмаларды орындайды.

Тапсырма : Көз алдарыңызға бір сәт елестетіңіздерші, табиғаты әсем қалың орман,қасынан таза суы бар өзен ағып жатыр. Осы жерге зауыт және жұмысшылар тұратын жұмысшы қалашығын тұрғызу көзделеді(құрылыс басталып кетті дейік). Қандай экологиялық жағдай болатынын анықтаңыздар. Оқушылар постерге салып топ бойынша қорғайды.

ІҮ кезең- Шығармашылық тапсырма.

І топ тапсырмасы: Зауыттың түтін мұржасы, қышқылдық жаңбыр және өзен.

ІІ топ тапсырмасы: өзен-кәсіпорын-өзен.

Ү кезең- Өнеркәсіптің пайдасы мен зияны.

Екі топ өнеркәсіптің пайдасы мен зияны туралы өздерінің көзқарастарын білдіреді.

І топ Өнеркәсіптің пайдасы

ІІ топ Өнеркәсіптің зияны.

ҮІ кезең-«Қоқысты іріктеу» ойыны.

Екі топқа арнайы дайындалған түрлі қалдықтар(қалбырлар. пласмасса бөтелкелер , шыны сынықтары,полэтилен пакеттері т.б.) беріледі.

Тапсырма:

Алдарына күнделікті тұрмыста көріп,пайдаланып жүрген заттар беріледі.Бұлардың қайсысылары өте зиянды және табиғи жолмен бұзылмай. табиғатқа кері әсерін тигізетінін анықтап, өңдеу жолдарын іздестіріңіздер.

Мұғалім оқушылардың жауабын тыңдап, толықтырып, сабақты қорытындылайды.