Менің туған жерім, елім ол - Қазақстан. Еліміз барлығымыз білетіндей
тәуелсіздігін 1991 жылы жариялады. Бірақ, тарихы сонау ежелгі заманнан
басталады. Ежелгі кезде "қазақ" деп аталмасақта, түркі елдері деп бір
шаңырақ астында өмір сүрдік. Оған мысал ретінде, сақ, ғұн, сарматтарды
айтар едім. Олардың тілдері де, дәстүрлері де, тұрған аумақтары да қазіргі
елімізге ұқсас келеді.
Одан кейін ата-бабамыз Керей мен Жәнібек хандар, "қазақ" атын
қолданысқа енгізу үшін, бөлек елдік атымызды шығару үшін, 1465 жылы
Шу, Талас өзендері бойында "Қазақ хандығын" құрады. Бұл тарихи оқиға,
сол заманда есте қалар ерлік пен болашаққа тарих болып қалды.
Одан кейін тағы бір тарих бөлшегі деп 1986 жылғы ұлт-азаттық қозғалысын
айта аламын. Осы оқиға арқасында қазіргі, елдігіміздің белгісі
егемендігімізге жеттік. Оған себепкер болған сол кездегі "жастарымыз". Одан
бөлек, тұңғыш президентіміздің, Нұрсұлтан Әбішұлы Назарбаевтың үлесі өте
зор. Бұл кісіні керемет дипломат деп айтуға татырлық. Мемлекет болып
құрылып, жан-жақтан қандастарымызды жинағанда осы кісі десем артықтық
етпес.
Республика деген ат алғаннан кейін біздің "ту", "гимн", "елтаңба" қолданысқа
енді. Мемлекеттік тіл "қазақ тілі" болып қабылданды. Қазіргі оңтүстік астана
аталып кеткен Алматы, елорда дәрежесін Сарырқа төріндегі Нұр-Сұлтанға
берді.
Еліміз егемендік алғаннан кейін көршілес елдермен татулық орнатып,
тереземіз тең бола түсті. Түркі тілдес халықтарымен де байланысымызды
жоғалтпадық. Өйткені Тәуелсіздігімізді алғаш болып мойындаған солар,
оның бірі Түркия болатын. Бұл елмен әлі де көмек сұрасып, берісіп тұрамыз.
Біздің аумағымызға келсек сонау Батыстағы Каспийден басталып,
Шығыстағы Тянь-Шань жоталарымен бітеді. Оңтүстігіміз шырайлы
Шымкент, жер жәннаты Жетісу болса, солтүстігіміз табиғатына көз
тоймайтын, қазақ жеріндегі Швейцария аталып кеткен Көкшетау, Бурабай
деп мақтанышпен жеткізер едім. Осы өңірлерден шыққан белгілі саясат,
өнер, спорт қайраткерлері өте көп. Оған мысал, Елбасымыз Нұрсұлтан
Назарбаев, кіндік қаны тамған жер "Жеті өзен(су)" жері. Барлық қазақ біліп,
мектеп қабырғасын аттағаннан бастап оқыған Абай атамызға келсек,
шығармашылық майталмандары шыққан, Семей өлкесінде туып-өскен. Тағы
бір Жетісу өңірінің бетке ұстар спортшы қызы, Қазақстанның жеті дүркін
чемпионы Назым Қызайбай. Жасы 28де болса да жеткен жетістіктері көп.
Осы кісілер арқылы біз өз тарихымыз бен әлем тарихында қаламыз дер едім.
Ойымды қорытындылай келе, елімнің тарихы айтса ауыз толтырарлықтай,
көрсе көз қызығарлықтай. Мен туған жеріммен мақтанамын!