Ұжымдағы ынтымақтастық

Мақсаты: Оқушыларға ұжымдағы ынтымақтастықтың маңызы туралы түсінік бере отырып, сүйіспеншілік құндылығының мәнін ашу.

Міндеттері:

1. Білімділік: Оқушыларды адамдарға риясыз қызмет етуге үйрету.

2. Дамытушылық: Оқушылардың жанашырлық қасиеттерін дамыту.

3. Тәрбиелік: Оқушыларды шынайылыққа тәрбиелеу.

Ресурстар:

(материалдар, дереккөздер)

1. u-s.kz

2. https://infourok.ru

Сабақтың барысы:

1. Ұйымдастыру кезеңі. Жағымды көңіл күй.

«Сенікөргенімеқуаныштымын...» жаттығуы
Мақсаты: Қатысушылардыңжағымдыжақтарынанықтау.
Жаттығубарысы
Әрбірқатысушыөзкөршісінекелесісөздердіайтады: «Мен сенікөргенімеқуаныштымын, себебі ...». Бұлсөйлемдіадамныңсыртқыкелбетінебайланыстысөзбенемес, мінезерекшелінебайланыстысөзбенаяқтаукерек.

2. Үйге тапсырманы тексеру.

1. №19 – сабақ. 3 – тапсырманы орындау.

2. Келесі сабақ. №20, «Мектеп бағында» мәтінін оқып келу.

Сұрақтар:

1. Мәтіндегі «Мен Темір үшін істемеймін, біздің отрядтың абыройы үшін істеймін. Егер мына ағаштар өспей бүлінсе, ол кемшілікке бәріміз ортақпыз» деген ойдан қандай қорытынды жасауға болады?

2. Темір Ерденмен арадағы болған жағдайдан қандай сабақ алды деп ойлайсыздар?

3. Досқа адал, қамқор болу үшін адам бойында қандай қасиеттер болуы тиіс деп санайсыздар?

4. Осы әңгімеден қандай қасиеттер мен құндылықтарды байқадыңыздар? Әңгімелеп беріңіздер.

5. Өз сыныбыңызда оқушылар арасында сыйластық, достық қатынас орнаған ба? Әңгімелеп беріңіздер.

3. Сабақтың дәйексөзі.

(Оқушыларға бір рет айтқызып, дәптерге жаздырту)

Ынтымақ жүрген жерде,

Ырыс бірге жүреді.

Халық даналығы

Сұрақтар:

1. «Бірлік», «ынтымақ» сөздерінің мәнін қалай түсінесіңдер?

2. Ынтымақ пен бірлікте болғаніс-әрекеттерің туралы жағдаяттарды айтып беріңіздерші.

3. Дәйексөзден қандай ой түйдіңіз?

4. Оқиға айту (Мұғалім сыйы)

Ханның ісі қараға түседі ме?¹

Адам үмітсіз, армансыз өмір сүре алмайды. Көңілімдегі ойға алған істеріне қол жеткізуді ойлайды. Оның жолында қанша адамдармен сыйлас, сапарлас болады. Жанын түсінетін серік іздейді. Бәлкім, адамдардың мүмкіндігі де осыдан бастау алатын шығар?

Адамдардың өмір жолдарының тоғысуы да қызық-ақ. Біреу мектепте, бірі жоғарғы оқу орнында, біреу әскери борышын өтегенде, бірі қызметтес болғанда, енді бірі ауруханада... танысып, табысып жатады. Әсіресе, өмірге деген көзқарастарының бірлігі, мінездерінің сәйкестігі жолдастық жолдарын ұзарта түседі.

Осындайда бабаларымыздың сөзі ойға оралады «Жүз теңгең болғанша, жүз жолдасың болсын» - деген. Мұны бүгінгі өмірдің адамдары «жүз долларың да, жүз жолдасың да болсын» - дейді. Қазіргілер араласар адамын таңдап барып, белгілейді. Ал кейбіреулерін өмірдің өзі көрсетіп жатады.

Шынын айту керек, көбінесе бастық пен бастық, бай мен бай, іскер мен іскер, қойшы мен қойшы... достасуға ұмтылады. Бұл әсіресе жұмысы, тыныс-тіршілігі, ойы, қызығушылығы, мүддесі бір болғаннан шығар. Ал бастық пен қарапайым қызметкердің, баймен кедейдің, іскер мен жұмыссыздың сыйластығын байқай қоймайсыз. Күштілер әлсіздерді менсінбейді. Әлсіздер күштілерге жете бермейді. Оны уақытты текке өткеру деп біледі. Бүгін кедей ертең бай болмасына кім кепіл. Бүгінгі байдың ертең кедейге айналмасына ешкім де ештеңе айта алмайды. Тағдыр - шебер бәрін орнына қойып жатады. Жалғанды жалпағынан басып, асып-тасқандар да тәубасына келеді.

Ертеде бір жолбарыс ұйықтап жатса үстінен бір тышқан өте беріпті. Оянып кеткен жолбарыс тышқанды ұстап алып, сығымдап, өлтіруге айналады.

Жаны қиналған тышқан еңіреп жылап тұрып:

О, тақсыр! Өзіңе айтатын арызым бар. Мені өлтіре көрме. Күнәмды кешіре гөр.

Білместік өтті басымнан. Тірі жүрсем мен де саған пайдамды тигізермін, – деп жалбарыныпты.

Сонда жолбарыс бармақтай тышқанның сөзіне қарқылдап күліп:

–Мен жолбарыспын! Күшім де мығым. Сен шырпы сындыра алмайтын тышқансың.Сонда да қалжыңың қызық екен. Мына түріңмен сен маған қалай қызмет етпексің? Дегенмен, әзілің ұнады. Босатайын, бар, бара ғой, – деп тышқанды қоя беріпті.

Тышқан:

–Жолбарыспен дос болдым! – деп мақтанып жорғалай жөнеліпті.

Өмір деген қарама-қайшылыққа толы емес пе? Күндердің күнінде жолбарыс тоғайда жортып жүргенде мойны аспалы тұзаққа ілініп қалыпты. Қанша бұлқынса да босана алмай қиналыпты. Жолбарыстың гүрілдеген дауысын естіген тышқан жетіп барыпты.

Жолбарыс қинала:

– Ей досым, мынаның бір амалын жасашы, – деп көмек сұрапты.

– Қазір, қазір... – деп зыр жүгіріп жүріп, тұзақтың жібін тісімен қырқып үзеді.

Тышқанға разы болғанжолбарыс:

– Рахмет, досым. Бұлжақсылығыңдыөмір-бақиұмытпаймын, – депқайталайберіпті.

Иә, ажалтырнағынаналыпқалғанбармақтайтышқанғажолбарысосылай разы болғанекен.

Иә, мұндайжағдайөмірдеболмайқалмайды.

Ауылданіздепкеліпқаладағыбастықдосыныңкабинетінекіреалмайотыратындар да бар. Немесекерісінше, үлкенлауазымдағыбасшыауылдағықарапайымшаруадосынарнайыіздепбаратыны бар.

* * *

Иә, кіршіксізкөңілге, шынайысыйластыққа не жетсін? «Қайтакірересігіңдіқаттыжаппа» - дегенсөз бар халқымызда. Ертеңгікүніңдіойлан.

• Риясыз сүйіспеншілік болмаған жерде достық бола ма?

• Жолбарыстышқанды не үшінжібересалды?

• Тышқан досына қандай көмек көрсетті?

• Бармақтай тышқанға жолбарыс қалай разы болды?

5. Шығармашылық жұмыс, топпен жұмыс.

Оқушылар үш топқа бөлінеді.

5-тапсырма. Тақырып бойынша өтілген материалды қайталап, «Ынтымақтастық» сөзжұмбағын шешіңіздер.

6. Топпен ән айту.

Жан досым

Сөзін жазған Тұманбай Молдағалиев

Әнін жазған Сейдолла Бәйтереков

Iздегенде табылатын қасыңнан,

Көңілі бар қызғалдақтай ашылған.

Көрiспесек сағыныштан жүдейтiн,

Кiм бар екен бала күнгi досыңнан!

Қайырмасы:

Жан досым, үстем болсын мерейің,

Әрқашан жеңiсiңді көрейiн.

Сырымыз да бiтпесiн,

Жырымыз да бiтпесiн, жырымыз да бiтпесiн!

Қос бұтағы секiлденiп ағаштың,

Қатар жүріп сырымызды сан аштық.

Жол тапсақ та бiрге жүрiп жол таптық,

Адассақ та бiрге жүрiп адастық.

Қайырмасы:

Жан досым, үстем болсын мерейің,

Әрқашан жеңiсiңді көрейiн.

Сырымыз да бiтпесiн,

Жырымыз да бiтпесiн, жырымыз да бiтпесін!

7. Үй тапсырмасы.

1. №20 – сабақ. 4 – тапсырманы орындау.

2. Келесі сабақ. №21, «Дінмұхамед Қонаев: «Өзге елдің оты өз еліңнің түтініне де татымайды»» мәтінін оқып келу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет)немесе1..................2 [3]. Рахмет!

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.