Материалдар / ҰЛТТЫҚ ҚҰНДЫЛЫҚТАР – РУХАНИ ЖАҢҒЫРУДЫҢ НЕГІЗІ

ҰЛТТЫҚ ҚҰНДЫЛЫҚТАР – РУХАНИ ЖАҢҒЫРУДЫҢ НЕГІЗІ

Материал туралы қысқаша түсінік

Ұлттық құндылықтар негізінде рухани жаңғырудың түп-тамыры -ежелден келе жатқан бабаларымыздың ғибратты ғұмыры мен тұрмыс салтында жатқандығы шындық. Жаңа заманда, жаңа технологиялардың күнделікті өмірімізге тереңдеп еніп жатқан кезеңінде, әр адам өзінің өткен тарихын ұмыта бастауы да ғажап емес. Сондықтан да ұлттық рухани құндылықтарды жадымызда жаңғыртып, халықтың есіне салып отыру-өте маңызды. Себебі, өткенімізді қайта түлетпей, алдағы күнді елестетудің қаншалықты қиын екендігі тарихтан белгілі. Түйін сөздер:рухани жаңғыру, экспо, жолдау, салт-дәстүр, ұлттық құндылықтар, тәуелсіздік, тарих

ЖАНБЫРШИЕВА ХАМАР

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

18 Ақпан 2019

1449

1 рет жүктелген

Сызу Мақала Басқа

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

ЖАНБЫРШИЕВА Х.О

ҰЛТТЫҚ ҚҰНДЫЛЫҚТАР – РУХАНИ ЖАҢҒЫРУДЫҢ НЕГІЗІҰлттық құндылықтар негізінде рухани жаңғырудың түп-тамыры -ежелден келе жатқан бабаларымыздың ғибратты ғұмыры мен тұрмыс салтында жатқандығы шындық. Жаңа заманда, жаңа технологиялардың күнделікті өмірімізге тереңдеп еніп жатқан кезеңінде, әр адам өзінің өткен тарихын ұмыта бастауы да ғажап емес. Сондықтан да ұлттық рухани құндылықтарды жадымызда жаңғыртып, халықтың есіне салып отыру-өте маңызды. Себебі, өткенімізді қайта түлетпей, алдағы күнді елестетудің қаншалықты қиын екендігі тарихтан белгілі. Түйін сөздер:рухани жаңғыру, экспо, жолдау, салт-дәстүр, ұлттық құндылықтар, тәуелсіздік, тарих.

Біз жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қасиеттерді қайта түлетуіміз керек.Ұлттық жаңғыру деген ұғымның өзі ұлттық сананың кемелденуін білдіреді. Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс». Елбасымыздың Қазақстан халқына жасаған биылғы жолдауындағы осы бір маңызды сөздер жадымызда ерекше сақталып қалды. «Рухани жаңғыру» деген бастаманың негізінде біздің еліміз үшін ең қасиетті болып табылатын, мемлекетіміздің егемендігін білдіретін «Тәуелсіздік» ұғымы жатыр [1].Тәуелсіздік! Бұл қасиетті ұғымды біз қастерлеп өстік. Алайда кейбір адамдар осы бір астарында терең мағына, кемел ой жатқан сөзді жеткілікті дәрежеде түсіне алмайтын сияқты. Ата-бабамыз көне замандардан бері аңсап, ер азамат аттан түспей, қол қылыштан босамаған жаугершілік уақытта сол еркіндікке жету үшін талай қиындықты бастан өткерді. Баянды болашақ үшін, келер ұрпақ азаттықтың арайлы таңын көре алсын деген ізгі ниетпен ұшқан құстың қанаты талатын осындай кең байтақ даланы ақ найзаның ұшымен, ақ білектің күшімен қорғап, бізге мирас етіп қалдырды. Сонымен қатар, батыр да дана бабаларымыз біздерге бай мәдениетіміз бен салт-дәстүрімізді де аманат еткендігі шындық. Бүгініміз байлыққа, ертеңіміз берекеге толы 21 ғасырда сол Дешті – Қыпшақты тұлпарының тұяғымен дүбірлетіп, қазақтың кең даласын қақпақыл ойнаған, алыспен ағайындасып, жақынмен жұғысып, көршілерге құшағын кең ашып, өзінің достық пейілі мен бейбітшілікті сүйгіш тілегін жасырмаған аталарымыздың дархан мінезі біздің де бойымыздан табылып жатқандығы қуантады. Соның арқасында, қазір еліміз көркейіп, жеріміз гүлдеп, жүздеген ұлт пен ұлыстан құралған Қазақстан халқы бір атаның баласындай тату-тәтті тіршілік етіп, өмір сүруде. Солтүстік пен оңтүстікте жайғасқан екі алып держава Ресей мен Қытай біздің стратегиялық әріптесіміз. Одан басқа, атам аманнан бері төсекте басымыз, төскейде төсіміз қосылып жүрген бауырлас халықтармен де қарым-қатынасымыз жақсы. Сол сияқты бүкіл Түркі әлемінің ішінде де абырой беделіміз жоғары, кәрі құрлық Еуропамен, алып мұхиттың ар жағындағы адуынды мемлекет Америкамен де саяси, экономикалық байланысымыз жылдан жылға дамып жатыр. Азия халықтары мен әлемнің басқа да елдерінен келген спортшылар Қазақстанда өткізілген байрақты бәсекелерде бақ сынап, арасындағы жүзден жүйрік, мыңнан тұлпарын анықтап жатыр. Бірнеше жыл қатарынан өткізілген Әлемдік және дәстүрлі діндердің съезінде адамзатты толғандырған келелі мәселелер талқыланып, түрлі өркениеттердің басшылары ортақ мәмілеге келу жолын қарастырды. Қуатты да айбынды әскеріміз жасақталды, жыл сайын мамырдың 7 күні, Қазақстан қарулы күштерінің құрылған күніне орай, елордада әскери шеру өткізіліп жүр. Ал жуырда ғана арайлы елордамыз Астанада ұйымдастырылған Экспо – 2017 халықаралық көрмесі бүкіл әлемге тағы да бір рет Қазақстанның әлеуеті мен орасан зор мүмкіндігін паш етті. Айта берсек, бір мақаланың ауқымына сыймайтын, бірнеше том кітап жазуға арқау болатын осындай жетістіктеріміз тәуелсіздіктің арқасында келді деп ойлаймын. Тарих үшін аз ғана уақыт боп саналатын ширек ғасыр ішінде, біз тәуелсіздігіміздің тұғырын бекітіп, баянды болашақтың жоспарын құрдық. Елбасы Нұрсұлтан Назарбаевтың бастамасымен «Қазақстан - 2030», «Қазақстан - 2050»сынды ұзақ мерзімді даму стратегиялық бағдарламасы бекітіліп, қазіргі таңда жүзеге асырылуда. Олардың ішіндегі кейбір тарауларды уақытынан бұрын орындап, алға қарай қадам басып келеміз[2].Бұл жоғарыда айтылған жетістіктерімізді тізбелеп шығу арқылы, қазіргі жастардың, еліміздің ертеңі болатын ұрпақ осы толағай табыстарымыз жайында жақсы біліп өсуіне үлес қосуымыз қажет. Себебі соңғы кездері техника мен технологияның қарыштап дамыған заманында, еліміздің мақтан етуге тұрарлық табыстары балалардың санасына сіңіп, жүрегінен орын алуы қажет. Тек сонда ғана олар өсіп, азамат атанған кезде, мемлекетіміздің одан әрі көркейіп, гүлденуі үшін аянбай еңбек ететін болады. Ал кешегі бабаларымыздан мирас болып қалған ұлттық құндылықтарымыз өткенімізді өшірмеуге, тарихты ұмытпауғакөмектеседі. «Өткенін білмейтін адам, болашаққа да жоспар құра алмайды» деген қанатты сөз бар. Сондықтан да осы бастан қазақтың бай мәдениетін, салт-дәстүрін дәріптеуді күшейтіп, рухани жаңғыруды жалғастыра беруіміз керек. Кейбір адамдар «рухани жаңғыру» деген сөздің мағынасын басқаша түсініп, оны ұлттық мәдениетіміз бен таным-түсінігімізді алмастыру деп ойлап жүр. Яғни атаның қанымен, ананың сүтімен бойымызға сіңген салт-дәстүр, ырым-жоралғы, дін мен ділімізді бұрмалап, өзге жұрттың дүниетанымы мен көзқарасын қабылдау деп ұғынады. Әрине, бұл дұрыс емес. Мұндай кереғар пікірлерді соңғы кездері пайда болған түрлі діни ағымдардың жетегінде кеткен бауырларымыздан еститін болдық. Рухани жаңғыру деген - ол өзіміздің ұлттық құндылықтарымызды дәріптеуді күшейту, Ұлы даланы мекен еткен дана бабаларымыздың ұстанған өмір жолы мендүниетанымын, яғни философиясын жете тану. Ең бастысы, осы құндылықтарды келешек ұрпақтың бойына сіңіріп, аманат ету. Осылайша, ұрпақтар арасындағы сабақтастықты сақтай отырып, өзіміздің ұлттық ерекшелігіміз бен болмысымызды түлететеміз, яғни жаңғыртамыз. Әрине, бабалардың жолы екен деп, орта ғасырлардағы өмір салтымызды қайталап, бәріміз бірдей киіз үйде тұра алмаймыз. Бұл мүмкін емес. Есесіне, еліміздің әр түкпірінде ашылып жатқан, қазақтың бар болмысын боямасыз көрсететін этно ауылдарға барып, кешегі хан - сұлтандар салтанат құрған, сал – керілер сауық ұйымдастырып, ақын-жыраулар бірнеше күн бойы ән-күймен кең даланы тербеткен уақытты көру мүмкіндігі бар. Кеше ғана елордада өткен Экспо көрмесіне келген қонақтар көшпенділердің тұрмыс-салты мен ұлттық ойындарын тамашалап, таңғалғанын еске түсірейікші. Бүкіл әлемді тамсандырған осындай шаралар арқылы біз ұлттық құндылықтарымызды дәріптеп, рухани жаңғырып жатыр деп ойлаймын. «Рухани жаңғыру» деген – осы. Әдебиеттер 1 Қазақстан тарихы (көне заманнан бүгінге дейін) 5 томдық. Т1.-Алматы: «Атамұра», 2010. – 544 б., илл. 2 Байжігітов Б.К. Қазақ ою-өрнегінің табиғи сипаты //Мектептегі технология. Ноябрь № 11 (28), 2004ж.

Шоқпарұлы Д. Қазақтың қолөнері. – Алматы: Өнер, 2005. – 176 б.

References 1 History of Kazakhstan (from ancient to present) 5 volumes. T1-Almaty: "Atamura", 2010. - 544 p. Ill. 2 Baizhigitov BK Natural character of Kazakh ornament // Technology at school. November 11 (28), 2004 3 Shokparovich D. Kazakh handicraft. - Almaty: Art, 2005. - 176 p.

Духовное возрождение, основанное на национальном самосознаний – важный аспект в общественной жизни каждой страны. Потому что успех и политической, и экономической модернизаций государства зависит в первую очередь от уровня общественного сознания, где приоритетом является духовность. Поэтому духовное возрождение на сегодня – задача что ни на есть самая актуальная. Молодое поколение, не знающая своего прошлого, не может строить планы на будущее. Ведь история учит нас любить свою родину, уважать старших, защищать слабых. Такие самые важные человеческие качества могут зародиться и развиваться только в духовно развитом обществе. Ключевые слова:духовное обновление, разоблачение, направление, традиции, национальные ценности, независимость, история.

Spiritual rebirth based on national identities is an important aspect in the public life of each country. Because the success of both political and economic modernization of the state depends primarily on the level of public consciousness, where spirituality is a priority. Therefore, the spiritual revival for today is the most urgent task. A young generation that does not know its past can not make plans for the future. After all, history teaches us to love our homeland, respect the elders, protect the weak. Such most important human qualities can be born and developed only in a spiritually developed society.Key words:spiritual renewal, exposure, referral, traditions, national values, independence, history.

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!