Ұлтына ұлағат қалдырған

Ұлтына ұлағат қалдырған

Халық жазушысы Ғабит Мүсіреповтің туғанына 121 жыл толуына орай «Ұлтына ұлағат қалдырған» атты апталық іс- шараның жоспарына сәйкес 10-сынып оқушыларына «Көркем сөз шебері» тақырыбында өмірбаяны мен шығармашылығын таныстыруымен апталықтың ашылуы өткізілді. Қазақ әдебиетінің классигі ХХ ғасырдың ұлы суреткері, көрнекті қоғам қайраткері Мүсірепов Ғабит Махмұтұлы жазушының өмірімен шығармашылығы жайлы толық мағлұматтар берілді. Ғ. Мүсіреповтың шығармашылығы; Ғабит Мүсірепов 1938 жылдан 1955 жылға дейін бірыңғай жазушылық жұмыспен шұғылданды. 1955-1966 жылдарда «Ара» журналының бас редакторы, Қазақстан Жазушылар Одағы басқармасының бірінші хатшысы болды. 1966 жылдан өмірінің соңына дейін тек шығармашылықпен айналысты. Социалистік Еңбек Ері Ғабит Мүсірепов Қазақ ССР Ғылым Академиясының академигі, КСРО және Қазақ ССР Жоғары Советтерінің депутаты, Қазақстан Компартиясы Орталык Комитетінің мүшесі, КСРО және Қазақстан жазушылар одақтары басқармаларының хатшысы, Азия-Африка елдерімен достық-ынтымақ жөніндегі советтік комитеттің және Еуропа мәдениеті коғамы аткару комитетінің, Лениндік және Мемлекеттік сыйлықтар жөніндегі комитеттің мүшесі ретінде қыруар қоғамдық жұмыстар аткарды.Ол қазақ әдебиетін дамытуға сіңірген еңбегі үшін көптеген ордендермен, медальдармен марапатталып, әдеби, ғылыми сыйлықтардың иегері атанды. Алғашқы шығармаларынан-ақ жазушылық шеберлігімен танылды. “Қос шалқар” (1928), “Көк үйдегі көршілер” (1929), “Өмір ертегісі” (1930), “Алғашқы адымдар” (1932), “Шұғыла” (1934), “Үздіксіз өсу” (1934), “Жайлау жолында” (1936), “Тұтқын қыз” (1938), “Жеңілген Есрафил” (1939), тағы басқа әңгіме, повестерінде еңбек адамдарының қиындыққа толы қажырлы өмірі мен азамат соғысы, ұжымдастыру кезіндегі дүрбелең оқиғалар легі суреттеледі. Қазақ жазушыларының ішіндегі сөз зергері Мүсірепов-қазақ әдебиетінде өзіндік үлкен үлес қосқан жазушылардың бірі және сан ғасырлар өтседе, ұрпақтар үшін таусылмас бай қазыналары оқыла беретініне сенеміз мол.

«№15 Мақтажан ЖБММ» КММ-нің қазақ тілі мен әдебиеті пәні мұғалімі &Тагаева А.