Визуалды ритмикалық қатарды сабақ барысында қолданудың пайдасы

Визуалды ритмикалық қатарды пайдаланудың пайдасы

Елімізде мүмкіндігі шектеулі балалар саны жылдан – жылға артып келеді. Дамуы тежелген балаларды оқытуда стандарттардан бөлек , қосымша көмектер де болып жатады. Себебі , мұндай балаларда тіпті бір бұзылыс болғанымен ол әр балада әр түрлі көрінуі мүмкін. Сондықтан тек бір ғана әдістеме бойынша жұмыс жасау жеткіліксіз.

Сабақ барысында қолданатын әдіс – тәсілдің бірі ол визуалды – ритмикалық қатар. Бұл әдіс сөйлеу ырғағын ретке келтіріп, сөйлеу темпін қалыптастырады. Сөйлеу тілінің жетілмеуі, фонетикалық – ыонематикалық бұзылысы бар балалармен осы әдіс бойынша жұмыс жасау нәтижеге жеткізер қадам. Сабақ барысында визуалды – ритмикалық қатарды қолдану жолдары: Ең бірінші балаға дене мүшелерін айтып үйреткен тиімді. Мысалы : қол – аяқ – қол – аяқ .... , бас – дене –бас – дене ... .Баланы осылайша бірінші реттілікке үйретіп алғаннан кейін қатарды заттармен орындауға көшеміз. Ол үшін түрлі – түсті доптарды, таяқшаларды, кубиктарды қолдануға болады. Алғашында қатарды тек екі түсті затпен құрамыз. Мысалы, қызыл және көк түсті кубиктар. Балаға қатарды бастап беріп әрі қарай жалғастыру керектігін айтамыз. Бала осы тапсырмаға дағдыланғаннан кейін тапсырманы қиындата бастайсыз. Қатарды нейрожаттығу , дыбыс, буын, сөз үшін пайдалансақ та болады :

Сары – жасыл – сары - жасыл.... (визуалды – ритмикалық қатар)

А - О - А - О .....

БА - ЛА - БА - ЛА.....

Қатарды құруды бала үйренген кезде , сонымен бірге түстерді, пішіндерді қабылдап үйренеді. Бір қимылдан екінші қимылға ауысуы да жеңілдей бастайды. Саналы түрде балада реттілік қалыптасып отырады.

Бұл әдісті тек логопедиялық сабақта ғана емес, сонымен қатар мектеп , балабақша бағдарламаларында да қолдану тиімді болып саналады.