Мектеп:

Өскемен қаласы әкімдігінің "№45 бейімделген орта мектебі" КММ

Сынып жетекші:

Алпысбаева Асель Елгазыевна

Тақырыбы:

"Z ұрпағын" тәрбиелеудегі тиімді әдіс-тәсілдер

Мақсаты:

"Z ұрпағын" тәрбиелеудегі тиімді әдіс-тәсілдер бойынша теориялық және практикалық жағынан іс-тәжірибе бөлісе отыра сынып жетекшінің кәсіби дамуына ықпал ету. "Z ұрпағы" туралы әріптестерімнің білімін толықтыру.

Күтілетін нәтиже:

Сынып жетекшілер оқушылардың коммуникативтік белсенділігін арттыратын жаңа форматтағы әдіс-тәсілдерді тиімді қолдана алады, жұмысында кәсіби даму болады және "Z" ұрпағы туралы әріптестерімнің білімі толықтырылады.

Іс-шара түрі:

Шебер сынып

Уақыты:

20 мин.

Қолданылған әдіс-тәсілдер:

Тренинг, brainstorming, "Қабырға галлереясы", "Ойлан-жұптас-бөліс", Вен диаграммасы, "Жазушы шеберханасы", "Мұғалім көмекшілері"

Бағдарлама:

ZOOM

Сабақ барысы

Сынып жетекшінің іс-әрекеті

Мұғалімдердің іс-әрекеті

Кіріспе бөлім:

Сәлемдесу.

Жағымды психологиялық орта қалыптастыру

Сәлеметсіздерме, құрметті әріптестер, бүгінгі шебер сыныпқа қош келдіңіздер!

Кімнің көңіл-күйі жақсы? –оң қолымызды көтерейік.

Жаңалықтарды жатсынбай, үйренемін деп келгендер? – сол қолымызды көтерейік. Ендеше бір-бірімізге қол соғайық. Жақсы көңіл-күймен шебер сыныбымызды бастайық. Шебер сыныптың тақырыбы "Z ұрпағын тәрбиелеудегі тиімді әдіс-тәсілдер"

Тыңдаушылар іс-әрекетті қайталайды

"Қабырға галлереясы"

Шебер сыныптан не күтесіз?

Оқушыларды тәрбиелеуде қандай мәселелер толғандырады?

- оқушылардың сабақ үстіндегі шамадан тыс қозғалғыштығы;

- сабаққа қызығушылығының төмендігі;

- психологиялық тұрақсыздық;

- коммуникативтік дағдылардың төмендігі;

-академиялық дайындықтың басымдығы; т.с.с

Қатысушылар осы шебер сыныптан не білгісі келетінін қағазға жазып, оқып береді.

Негізгі бөлім:

"Ойлан-жұптас-бөліс" көрсетілім слайд арқылы жүргізіледі

1991 жылы  АҚШ  зерттеушілері  Нил Гов пен Уильям Штраус алғаш рет жас айырмашылықтарының ерекшеліктері туралы айтты. Олар адамдардың  жас айырмашылықтарына қарап, әртүрлі уақыттағы ұрпақтардың құндылықтарына негізделген теорияны құрды. Қазіргі таңда X, Y және Z ұрпақтары туралы жиі естіп жатамыз.

Х ұрпақтары-1963 жылдан 1983 жылға дейін туған адамдар. Ерекшеліктері: өзіне ғана сенім арта алады, балама ойлайды, әлемде болып жатқан нәрселер туралы хабардар болады, таңдау жасауға  және өзін өзгертуге дайын адамдар. Олар үзақ жылдар бойы бір салада қызмет  атқарып, бірте-бірте мансап жолында биік дәрежеге жетеді.

Y ұрпақтары-1983 жылдан 2003 жылға дейінгі туған адамдар. Ерекшеліктері: мақсатқа жету  мен жетістік туралы түсінігі өзгеше, көп жағдайда кәсіби өсуін төменгі деңгейден бастауды ұнатпайды. Олар дереу өсуді мақсат етеді және бұл олардың бір кемшілігі. Бұл санаттағы адамдар бірден бірнеше сала бойынша жұмыс атқарып, барынша көп ақпарат білуге және кәсібилікке ұмтылады. Олар үшін тек бір салада қызмет істеу мүмкін емес.
ХХІ ғасырда дүниеге келген балалар барлық алдыңғылардан ерекшеленетін - жаңа Z ұрпақ.

Ерекшеліктері:

-инновациялар және идеялар ұрпағы;

-компьютерге, ұялы телефон, жалпы техникаға жақын; Олардың қарым-қатынасы да көбінесе байланыс құралдары арқылы жүзеге асады. Соның салдарынан, Z ұрпағына тірі қарым-қатынас жетіспейді. Бұл олардың психикасы мен мінез-құлқына әсер етпей қоймады.

-ақпаратты лезде меңгере қояды;

-сандық әлемде оңай бейімделеді және таңғаларлық инноваторлық қабілеттерін танытады;

-өте сезімтал келеді, жаны тез жараланады. Сондықтан да бұрынғы кездегі бала тәрбиелеуде қолданылған әдіс-тәсілдер қазіргілерге жүрмейді. Егер оларды бұрынғыша тәрбиелер болсақ, біз олардың сезімдерін жаралап, рухани мүгедекке айналдырып алуымыз әбден мүмкін. Демек, оларды тәрбиелеу өзгерістерді, жаңа тәрбиелеу әдістерін қажетсінеді.

Қатысушылар тыңдайды, түртіп алады.

Венн диаграммасымен жұмыс

Сынып жетекші Y және Z ұрпақтарының балаларының ұқсастықтары мен айырмашылықтарын Венн диаграммасы арқылы талдауды ұсынады.

Тыңдаушылар берілген тапсырма бойынша Венн диаграммасын құрып, Y және Z ұрпақтарының балаларының ұқсастықтары мен айырмашылықтарын түсінеді.

Z ұрпақтарын тәрбиелеудегі тиімді әдіс-тәсілдер

• ұйымдастырылатын әр бір іс-шара жаңа форматта болуы қажет;

• оқушы-оқушы, мұғалім-оқушы арасында жағымды қарым-қатынас орнататын тренингтер қолдану;

• оқушыларды шынайы жақсы көру;

• ұстаз бағыт-бағдар беруші рөлін атқару қажет;

• көп ақпаратты бірден беруге болмайды. Ғалымдардың зерттеуі бойынша z ұрпағының балалары жаңа ақпаратты 8 секундтан артық қабылдай алмайды.

• берілген тапсырма нақты және түсінікті болуы керек.

• жаңа ақпаратты визуалды түрде жақсы қабылдайды.

• қарапайым тілде сөйлеу.

• белсенді әрекеттерге баулу (ойындар, эксперименттер, зерттеу жұмыстары, шығармашылық жұмыстар т.б.)

• олар үнемі мақтауды қажет етеді.

• "Супермен принціпі" – оқушы өзінің және орындап жатқан тапсырмасының маңыздылығын түсінуі қажет.

Шаттық шеңбер, миға шабуыл, топтық жұмыс, шығармашылық жұмыс, ізденіс жұмыстары, жобалар қорғату, АКТ-ны тиімді қолдану, "Арқаға жазылған комплименттер", "Атомдар мен молекулалар", "Аяқталмаған сөйлем ", "Әдемі ойла және демала біл", "Әйнек арқылы сөйлесу", "Батискаф", "Бэкроним", "Шахмат", "Сұрақ ілмегі", "Ширинг" т.с.с. әдістерді қолдану арқылы оқушылар қызығушылығын арттыруға болады.

Қатысушылар тыңдайды, түртіп алады.

Қорытынды бөлім:

«Жазушы шеберханасы» стратегиясын пайдалана отырып, XXI ғ. оқушы моделін жасау.

"XXI ғ. оқушысының моделін" жасауға ұсынады.

Қатысушылар «Жазушы шеберханасы» стратегиясын пайдалана отырып, XXI ғ.оқушы моделін" жасайды.

Кері байланыс: «Мұғалімнің көмекшілері»

К ері байланыстың мәнін түсіндіреді