Қазақстан Республикасы тәуелсіз мемлекет екендігін бүкіл әлемге паш етті. Енді басты міндет  осы мемлекеттің өркендеп өсуі. Қазақстанды – «Отаным» деп таныған әрбір адам – осы мақсатқа өз үлесін қосуы тиіс. Отанның бүтіндігін сақтау «патриоттық тәрбие» мәселесі ұрпақтан-ұрпаққа жалғасып келе жатқан ұлы мақсат. Отанға деген сүйіспеншіліктеріңді, патриоттық сана сенімді дамыту қажет.

Біздің ата-бабаларымыз ерте кезден табиғи материалдарды күнделікті тұрмыста қолдануды білген. Шикізатты экологиялық таза аймақтардан жинау, бүлдірмей сақтау, олардан тұрмысқа қажетті бұйымдар жасау ісін біздің ата-бабаларымыздан артық білетін халық жоқ десек дұрыс шығар. Бұл зерттеу жұмысы қазақ ұлтының қолөнер туындыларын насихаттаудың бір жолы ғана. Қазіргі заманда қолданылатын әрбір бұйымдардан қазақ халқының ұлттық нақыштары көрініс тапқаны дұрыс деп ойлаймын. Сол арқылы қазақ халқы басқа халықтарға өздерін жоғары деңгейде көрсетіп, олармен теңесе алады. Осындай жұмыстар келешекте қолөнер саласында өзіндік қолтаңбасы бар азаматтар тәрбиелеуге септігін тигізері сөзсіз.

Ғылыми жобамыздың негізгі мақсаты:Ел ішінде кеңінен орын алған бисермен жұмыс жасау түрлерін жинақтай отырып,бисер моншақтарының шығу тарихына өндіріс орындары туралы мәліметтер жинақтау.Оның оқушы бойына эстетикалық қабілеттерін дамытатындығын дәлелдеу.Адам өз қолымен жасалған бұйымдарды өз пайдасына жарата білуге шақыру.Жалпы өнімнің қолдануға дейінгі процесімен таныстыру,елімізге өнімнің қайдан келетінін анықтау. Жұмыс кіріспе негізгі бөлімнен,қорытынды, ұсыныстармен пайдаланған әдебиеттер тізімінен тұрады. Теориялық бөлімінде бисер сөзінің мағынасына түсінік беріліп,шығу тарихы туралы мәлімет берілген. Практикалық бөлімінде бисермен (гүл шоқтарының түрлері) жұмыс өнерінің түрлері көрсетіледі. Бисермен жұмыс түрлерін анықтай отырып,оқушыларды өз еңбегінің жемісін қолдану әлдеқайда пайдалы,ұнамды екені туралы айтылады.Қолдан жасалған бұйымның артықшылығы дәлелденеді.