Microsoft Word-тың графикалық мүмкіндіктері туралы толық мағлұмат ала аласыз.

Дүниедегі мамандық атаулының төресі – ұстаздық. Ұстаз – қиын да, құрметті мамандық. Осы қадірлі де құрметті мамандықты таңдағаныма қуанам. Қуанатыным, әрине, менің де адам тәрбиелеп, қоғамға үлес қосатыным. Ұстазға кішкентай баладан бастап, ұлы ғалым да бас иеді, өйткені ғалым ұстаздың шәкірті. Адам бір жылын ойласа - дән себеді, бар ғұмырын ойласа - ағаш отырғызады, ал ғасырлық болашағын ойласа - ұрпақ тәрбиелейді. Иә, расымен ақылдың кені болған бабалар сөзі тегін айтылмаған болса керек.

Қазіргі білім беру саласында оқытудың озық технологияларын меңгермейінше, сауатты, жан-жақты маман болу мүмкін емес деген сөз. Оны жүзеге асырудың бір жолы – заман талабына сай ақпаратты технологияларды қолдану. Білім беру саласында түрлі технологиялар енгізілуде, бірақ мұғалімдер олардың ішінен қажеттісін таңдап, сабақтың әр кезеңінде тиімді қолдану басты талап.