Соңғы уақытта әрбір педагог бастауыш мектепте зейінін шоғырландыруды білмейтін, үйлестіру, жалпы және ұсақ моторика, есте сақтау жағынан проблемалары бар балалардың көбейгенін байқауда. Бұл балаларға күрделі нұсқауларды түсіну және орындау өте қиын. Олардың назары шашыраңқы болғандықтан, балалар ақпараттың тек бір бөлігін ғана алады, осыдан барып оқу дағдылары тежеліп, зардап шегеді. Мұндай балалар мектепте оқу мен жазуды игере алмайды. Аталмыш проблемалары бар балалар санын азайту үшін бастауыш мектепте осы мәселелерді шешу қажет. Мәселе: нейрогимнастикалық жаттығулар арқылы балалардың зейінін шоғырландыруға, үйлестіру, жалпы және ұсақ моторика, есте сақтау, сөйлеуді дамытуға бола ма? Қойылған мәселеге жауап алу үшін мен нейрогимнастикалық жаттығулардың бастауыш сынып оқушылары үшін пайдалы болатынын анықтадым.

Бағдарлама мектеп ортасында сабақ ретінде жүргізілуі үшін дайындалған бағдарлама. Бұл бағдарлама әр жас топтарынан 34 аптаға дейінгі жоспарды ұсынады. Бағдарлама халықаралық жәрмеңкелерде арнайы таңдалған, бірнеше жылдар бойы мектепте эксперимент жасалған және жаттығулары нақтыланған ойындардан тұрады. Интеллектум ойындары - баланың ой-өрісін дамытып, тез шешім қабылдауға, шапшаңдыққа баулиды, арнайы ойындар көмегімен жүргізіледі. Бүгінде әлемнің 17 елінен 32 ойын түрі таңдалған. Тәжірибе көрсеткендей, интеллектісі осылай дамыған балалар болашақта білікті стратег, табысты кәсіпкер болып шығады. Соңғы 5 жыл көлемінде елімізде қолданылып келе жатқан Интеллектум жүйесінде 32 түрлі ойын негізге алынған.