Жасанды интеллект – бұл деректерді өңдеп, үйреніп, талдау жасай алатын интеллектуалдық жүйелер жиынтығы. Бұл баяндамада жасанды интеллекттің веб-программалау, операциялық жүйелер және компьютер архитектурасы пәндерін оқытудағы рөлі мен педагогикалық мүмкіндіктері қарастырылады.

Қазіргі заманғы білім беру жүйесі оқытушыдан тек білім беруді ғана емес, сонымен қатар студенттердің кәсіби құзыреттілігін, сыни ойлауын, шығармашылығын және өздігінен білім алу дағдыларын қалыптастыруды талап етеді. Осы орайда оқу үдерісіне инновациялық педагогикалық әдістерді енгізу — уақыт талабы. Арнайы пәндер оқытушылары үшін бұл әдістердің маңызы ерекше, себебі студенттердің болашақ мамандығы тәжірибеге, нақты әрекетке және заманауи технологияларды меңгеруге тікелей байланысты.

«Жасанды интеллект және интерактивті платформалар» тақырыбы қазіргі заманғы технологиялар мен білім беру, бизнес және басқа да салалардағы трендтерді зерттеуге арналған. Жасанды интеллект (ЖИ) — компьютерлер мен алгоритмдердің адамзаттың ойлау, түсіну, және шешім қабылдау сияқты ақыл-ой қызметтерін имитацияларына мүмкіндік беретін технология. Интерактивті платформалар болса, пайдаланушыларға бір-бірімен қарым-қатынас жасау, ақпарат алмасу, және әртүрлі іс-шараларға қатысуға мүмкіндік беретін онлайн кеңістіктер.