Менің Отаным – Тәуелсіз Қазақстан бүгінде өркендеп даму үстінде. Ал осы тәуелсіздікке менің елім қалай жетті? Оған кімдер себепкер болды деген сұрақтарға мен осы тақырыпты жазу барысында түсінгендей болдым. Қазақ тарихында ашылмаған сырлар өте көп. Нағыз шындық ол біздің еліміздің 1991ж 16 желтоқсанда алған тәуелсіздігі. Біз бүгінде егемен елдің туының астында өмір сүрудеміз.

Өз заманының дүлділі атанған бірнеше тілді меңгерген, тұңғыш рет қасиетті құран кәрімді қазақ тіліне тәржімалаған, "Халқына рухани нәр берген дала данышпаны" Ақыт Үлімжіұлындай бабаларымызды танып біліп ол кісінің жарық көрмей жатқан құнды мұраларын жарыққа шығарып бүгінгі ұрпаққа ұсыну әр қазақ баласы үшін міндетті іс деп білемін. Мәдени мұраны жаңғыртудың басты кілті, әр азамат осындай ұлтына ерен еңбек сіңіріп, артына өшпес мұра қалдырған ұлыларымызды зеріктеп болашаққа табыс етсе ұрпақтар жалғасының өз орынын тапқаны болар деп білемін.