Бұл сабақта орыс жазушысы Г.Н. Троепольскийдің «Белый Бим Чёрное ухо» повесі қарастырылады. Шығармада адалдық, мейірімділік, адамгершілік сияқты маңызды құндылықтар суреттеледі. Повестің басты кейіпкері – Бим. Ол иесіне шексіз берілген, ақылды әрі сезімтал ит. Иесінен айырылған Бимнің тағдыры арқылы автор адамдардың мінез-құлқын, жақсылық пен қатыгездікті салыстыра көрсетеді.

Абай Құнанбайұлының «Жыл мезгілдері» тақырыбындағы өлеңдері – табиғатты суреттеу арқылы халықтың тұрмыс-тіршілігін, мінезін, өмір салтын көрсетуге арналған. Соның ішінде «Күз» және «Қыс» өлеңдерінің орны ерекше. «Күз» өлеңі Абай күз мезгілін сұрықсыз, салқын, мұңды кейіпте бейнелейді. Табиғаттың солғын тартуы арқылы кедей елдің ауыр тұрмысын, еңбекке толы өмірін көрсетеді. Өлеңде әлеуметтік мәселе де байқалады. «Қыс» өлеңі Бұл өлеңде қыс адам кейпінде суреттеледі. Қатал, ызғарлы, күшті бейне арқылы қазақ даласындағы қыстың қаттылығы көрсетіледі. Абай қысты жанды образ ретінде алып, көркем теңеулер мен эпитеттерді шебер қолданады.