Қазіргі білім беру жүйесінде жобалау және зерттеу әрекеті білім алушының тұлғалық, зияткерлік және практикалық дамуын қамтамасыз ететін маңызды педагогикалық құралдардың бірі ретінде қарастырылады. Бұл әрекеттер білім алушыны дайын ақпаратты қабылдаушы рөлінен шығарып, оны белсенді ізденуші, талдаушы және жасаушы деңгейіне көтереді. Жобалау және зерттеу жұмыстары – мазмұны, құрылымы және педагогикалық мақсаттары жағынан өзара тығыз байланысты болғанымен, мәні мен орындалу логикасы жағынан бірқатар ерекшеліктерге ие.

«Мектептегі дене шынықтыру сабақтарында жеңіл атлетика элементтерін оқыту әдістемесі» атты әдістемелік көмекші құрал орта сынып оқушыларына дене шынықтыру сабағында жеңіл атлетиканың негізгі элементтерін (жүгіру, секіру, лақтыру) жүйелі, қауіпсіз және педагогикалық тұрғыда тиімді оқытуға арналған.Құралда білім алушылардың жас және физиологиялық ерекшеліктері, қозғалыс аппаратының даму заңдылықтары, жүрек-қантамыр және тыныс алу жүйесінің жүктемеге бейімделуі ғылыми негізде қарастырылған. Жеңіл атлетика элементтерін үйретудің кезеңдері «қарапайымнан күрделіге» қағидасы бойынша ұсынылып, әрбір жаттығудың педагогикалық және тәрбиелік мәні ашылған.Әдістемелік құралда сабақ барысында қолдануға арналған нақты әдістемелік нұсқаулықтар, жаттығулар жүйесі, қателерді түзету жолдары, үлгі тапсырмалар мен бағалау элементтері қамтылған. Материалдар дене шынықтыру пәнінің білім беру, тәрбиелік және сауықтыру қызметтерін біртұтас қарастыруға мүмкіндік береді.