Әл-Фараби атындағы Қазақ ұлттық университетінің психология факультеті Қазақстандағы әскери психология саласындағы ғылыми зерттеулерге ерекше көңіл бөлуде. Бүгінгі таңда жауынгерлік даярлықтың маңызды құрамдас бөліктерінің бірі – психологиялық тұрақтылық пен эмоционалды бейімделу. Осы бағыттағы зерттеулер курсанттардың әскери ортада кездесетін қиындықтарға төзімділігін арттыруға және олардың кәсіби дайындық сапасын жақсартуға бағытталған.

Әл-Фараби атындағы ҚазҰУ-дың психология факультеті отбасы мәселелері бойынша зерттеулер жүргізіп, бауыр басу стильдерінің ерлі-зайыптылар арасындағы қарым-қатынасқа әсерін қарастыруда. Джон Боулби теориясы негізінде сенімді, мазасыз, қашқақтайтын және дезорганизацияланған стильдердің жұбайлар арасындағы байланыс сапасына ықпалы зерттелген. Сенімді стиль үйлесімді қарым-қатынасқа ықпал етсе, мазасыз және қашқақтайтын стильдер қақтығыстар мен сенімсіздікке әкелуі мүмкін. Зерттеу нәтижелері отбасылық кеңес беру бағдарламаларын әзірлеуге және қоғамдағы отбасы институтын нығайтуға бағытталған.