Күні бүгінге дейін талай атақты ғалым, ақын жазушылардың, халық арасында кеңінен танымал өнер иелерінің, шығармашыл тұлғалардың шабытына қанат бітіріп, көкке еркін самғауына үміт сыйлаған әл-Фараби атындағы Қазақ Ұлттық Университетінің іргетасы 1934 жылы 15 қаңтарда қаланған болатын.

Бухгалтер мамандығы сұранысқа ие және көп қырлы мамандық. Бұл оны қолданудың кең спектрін анықтайды. Бухгалтер мамандығын алған адам халықаралық стандарттар бойынша кез-келген компанияда қаржылық, басқару және салық есебін жүргізіп қана қоймай, сонымен қатар экономикалық талдау әдістерімен негізделген басқару шешімдерін жасай алады.

ХХІ ғасыр бой жарыстыратын заман емес, ой жарыстыратын заман екені белгілі. Бүгінгі таңда білім саласы заманауи жаңа технологиялармен жабдықталғандықтан жастар үшін көп жағдай оңайға түсіп отыр. Өйткені, қазіргі жастар жаңа техниканың қыр сырын жетік меңгерген.

Бүгінгі таңда сапалы білім мен озық тәжірибе игеру жарқын болашаққа апарар тура жол екені анық. Еліме, халқыма еңбегім арналып, үлесім қосылып, байтақ атамекенімнің көк Туын биікке желбіретемін деген әр азаматтың өз елінің ең таңдаулы, үлгілі жоғары орнының студенті атануы арманына қанат бітірері сөзсіз. Әйтсе де, болашағының сара жолын түзу қалыптастырып, өз мамандығының білікті кәсіпкері атануы әр адамның өз таңдауына байланысты. Осы орайда еліміздің алдыңғы қатарлы, әлемнің үздік университеттерінің қатарына кірген Әл Фараби атындағы Қазақ Ұлттық Университетін ерекше атап өткен орынды.

Кез-келген елде бухгалтер мамандарын барынша білімді етіп даярлау сол елдің экономикасының тұрақты дамуына кепілдік береді. Бухгалтерлік есеп ұйымды тиімді басқарудың бір құралы болып табылады. Әлемнің барлық оқу орындарында бухгалтерлік есеп студенттер үшін маңызды пәндердің бірі болып саналады.