әл-Фараби атындағы Қазақ Ұлттық Университеті жарқын болашақтың үлгісі

әл-Фараби атындағы Қазақ Ұлттық Университеті жарқын болашақтың үлгісі

Жастық шақтың жалындаған жігері мен жаутаңдаған жанарлардың жарқылына толы студенттік кездер-ай десеңізші! Осындай қайталанбас қызықты сәттерге толы өмірінің қайталанбас, ең керемет сәттері қазақ елінің асқақтаған айбыны, даңқын көкке көтерер қасиетті білім ордасы, сапалы білім мен саналы тәрбиені бойымызға дарытатын киелі мекен әл-Фараби атындағы Қазақ Ұлттық Университетінің қабырғасында өтетіндігі әрбір ҚазҰУ студенті үшін абырой, мақтаныш.

Бүгінгі таңда Қазақстанның жарқын болашағы үшін заманауи технологиялық әдістермен жабдықталған, әр студенттің толыққанды сапалы білім алуы үшін қолайлы жағдай жасап, жаңашыл идеялармен жасақтандырылған оқу корпусымен, тәжірибелі білікті ұстаздар ұжымымен, жанға жайлы жатақханамен, демалыс орындарымен, көрікті саябағымен жаныңды баурап алар әл-Фараби атындағы Қазақ Ұлттық Университетінің шежіресі туралы сыр шертсек кез келген жанның көңіл қойып тыңдары анық.

Күні бүгінге дейін талай атақты ғалым, ақын жазушылардың, халық арасында кеңінен танымал өнер иелерінің, шығармашыл тұлғалардың шабытына қанат бітіріп, көкке еркін самғауына үміт сыйлаған әл-Фараби атындағы Қазақ Ұлттық Университетінің іргетасы 1934 жылы 15 қаңтарда қаланған болатын. Міне, нәтижелі ерен еңбектің жемісі шығар, университет қабырғасында білім алып жатқан әр студенттің бойында еліне, жеріне, халқына деген ұлттық рух пен шексіз сүйіспеншілік ұштасып, жарқын болашақтың жұлдызы атанар білімді де білікті кадрлар легі қалыптасып келеді. Бұл әрине, үлкен мақтаныш, үлкен жетістік, үлкен абырой.

Оралбаева Ж.З.