Энергетикалық жүйелердің тиімді жұмыс істеуі көбінесе жабдықтарды дұрыс пайдалану мен оған уақытылы техникалық қызмет көрсетуге тәуелді болады. Бұл жабдықтардың ұзақ қызмет етуін, олардың жұмыс өнімділігін және қауіпсіздігін қамтамасыз етеді. Жабдықтың дұрыс пайдаланылмауы оның ақауына, жұмыс тоқтауына және экологиялық қауіптердің туындауына әкелуі мүмкін.

Электр тізбегіндегі элементтердің байланысын көрсету мақсатында электр сұлбалары қолданылады. Әр сұлба бірнеше элементтен тұрады. Мемлекеттік стандартқа сәйкес сұлба элементі– бұл бұйымдағы белгілі бір қызмет атқаратын және бөлшектенбейтін, өзіне тән қызметтік қасиеттері бар сұлбаның құрамды бөлігі. Мысалы, резистор, трансформатор,т.б. элементтер бір бірімен байланыс желілері арқылы қосылады.