Аннотация Бұл мақалада жасанды интеллектті (ЖИ) информатика сабақтарында қолданудың ғылыми-әдістемелік негіздері, артықшылықтары және педагогикалық мүмкіндіктері қарастырылады. ЖИ көмегімен оқушылардың алгоритмдік ойлау қабілетін дамыту, сараланған оқытуды іске асыру, оқу материалын жекелендіру және мұғалім жұмысын оңтайландыру тәсілдері талданады. Сонымен қатар мақаланың практикалық бөлімінде информатика пәнінде қолдануға болатын нақты әдістер, тапсырма үлгілері және ЖИ платформаларының тиімділігі ұсынылады. Қазақстанның жаңартылған білім беру мазмұны аясында ЖИ технологияларын оқыту процесіне енгізудің қажеттілігі дәлелденеді. Мақала информатика пәні мұғалімдеріне, әдіскерлерге және цифрлық білім беру саласын зерттеушілерге арналған.

Әдістемелік құрал авторы: Талибаева Бота Пазылжановна Білім беру ұйымы: «Мектепке дейінгі шағын орталығы бар Егінсу орта м ектебі» КММ Қазіргі білім беру жүйесі цифрлық трансформация қарқынды дамып жатқан кезеңде мұғалімдерден жаңа кәсіби құзыреттерді, икемді әдістерді және заманауи технологияларды меңгеруді талап етеді. Соның ішінде жасанды интеллект (ЖИ) – оқыту процесінің тиімділігін арттыруға мүмкіндік беретін ең өзекті құралдардың бірі. ЖИ технологиялары мұғалімнің жұмысын жеңілдетіп қана қоймай, оқушылардың жеке қабілетіне бейімделген сапалы білім алуға жағдай жасайды.Осы мақсатта әзірленген «Жасанды интеллект білім беруде: ЖИ-дің оқыту процесін жетілдірудегі рөлі» атты әдістемелік құрал педагогтарға практикалық көмек көрсетуді көздейді.