Қазіргі жаһандану жағдайында білім беру жүйесіне қойылатын талаптар түбегейлі өзгеріске ұшырауда. Әсіресе кәсіби бағдар беру саласы еңбек нарығындағы жылдам өзгерістерге тікелей тәуелді болып отыр. Жаңа мамандықтардың пайда болуы, кейбір кәсіптердің жойылуы, цифрлық технологиялардың кең таралуы білім алушылардан икемділік пен үздіксіз даму қабілетін талап етеді. Осы жағдайларда кәсіби бағдар беру педагогының рөлі артып, оның қызметі дәстүрлі кеңес берумен шектелмей, ғылыми негізделген, деректерге сүйенген жүйеге айналуы қажет. Осы тұрғыда жасанды интеллект технологиялары кәсіби бағдар беру процесін жетілдірудің тиімді құралы ретінде қарастырылады. Жасанды интеллект білім алушының жеке ерекшеліктерін, қабілеттерін, қызығушылықтарын және еңбек нарығының талаптарын кешенді түрде талдап, кәсіби шешім қабылдауға қолдау көрсете алады.

Қазіргі таңда білім беру жүйесінде цифрландыру үдерісі қарқынды дамып келеді. Ақпараттық-коммуникациялық технологиялар оқу процесінің мазмұны мен әдістерін түбегейлі өзгертіп, білім алушылардың жеке ерекшеліктерін ескеруге мүмкіндік беруде. Осындай инновациялық технологиялардың бірі – жасанды интеллект (ЖИ). Дәстүрлі түрде практикалық бағытта жүргізілетін дене шынықтыру сабақтарында да жасанды интеллектіні қолдану өзекті мәселеге айналуда. Себебі бұл пән оқушылардың физикалық дайындығын, денсаулық жағдайын және қозғалыс дағдыларын үздіксіз бақылауды талап етеді. Осы тұрғыдан алғанда, жасанды интеллект технологиялары оқу процесінің тиімділігін арттырудың заманауи құралы болып табылады.