Әл-Фараби атындағы

Қазақ ұлттық университетінде тұңғыш рет

«FARABI FEST-2022»

атты фестиваль өтті.

Әл-Фараби атындағы Қазақ ұлттық университетінде www.kaznu.kz тұңғыш рет «Farabi Fest-2022» атты фестивль өтті. Фестивальға қатысу үшін университеттің әр факультетінен талантты жастар жиналып, 2000-ға жуық өтініш білдірген. Осы студенттердің ішінде ақтық сынға жүзден жүйрік, мыңнан тұлпар шыққан талантты жастар фестивальға жолдама алды. Жолдама алған студенттер дәстүрлі, эстрадалық, классикалық, заманауи, халық әндерімен қатар ұлттық билер мен музыкалық аспаптарда өнер көрсетті. Іріктеу кезінде танымал тұлғалар Құрманғазы атындағы Қазақ мемлекеттік академиялық ұлттық аспаптар оркестрінің солисті Нұрғали Төлеби, Бірінші Президент қорының Стипендиаты, қоюшы-режиссер Төлеген Қуанышбек Серікұлы, Мақсат Рахмет,«Қазақ әуендері» АҚ креативті директоры, хореограф, қоюшы-режиссер, шоу-балет жетекшісі Ким Анна, жастардың сүйікті әншісі Мұхтар Ханзада, Жігер Ауыпбаев, халыққа “Қойшы бала” лақап атымен танымал болған Айдос Каден сынды өнер тарландары фестивальда төрелік етті. Университет жастарының өнерін тамашалаған Ж.Ауыпбаев өз сөз кезегінде “Мен керемет сезімде болдым, Әл-Фараби атындағы Қазақ ұлттық университетінің талантты жастары кәсіби дегейдегі әншілерден де асып түсті, мен үшін іріктеу қиынға соқты”-деп айта кетті. Фестивальда жүзден жүйрік, мыңнан тұлпар боп оза шапқандар қатарында Жоғары оқу орнына дейінгі білім беру факультетінің 8 топ тыңдаушысы Хайрол Ахгүл (Монғолия) “Farabi dance” бишілер байқауының “Соло биі” номинациясы бойынша бас жүлдені қанжығаласа, 6 топ тыңдаушысы Әбдіхалел Бейбіт (ҚХР) “Farabi dance” бишілер байқауының “Соло биі” номинациясы бойынша II -орынды иеленді. Әл-Фараби атындағы ҚазҰУ Басқарма Төрағасы – Ректоры Ж.Қ.Түймебаев бас жүлдеге 3 көлемдегі шәкіртақы, 1- орынға 2 көлемдегі шәкіртақы, 2- орынға 1 көлемдегі шәкіртақы, 3- орынға ҚазҰУ спорт-сауықтыру лагеріне Ыстық көлге жолдама беріп, талантты жастарға қолдау көрсетті.

Әл-Фараби атындағы Қазақ ұлттық университетінің аға оқытушылары: Саткенова Ж.Б., Нусупбаева С.А., Мужигова Г.М.