Ақтөбе қаласындағы физика-математикалық бағыттағы Назарбаев Зияткерлік мектебі

Пән: қазақ тілі мен әдебиеті

Мұғалімнің аты-жөні: Димисанова Алтынай Батырхнановна

Уақыты:

10-15.09.2018 жыл

Класс: 10 «F», «E», «G»

Оқушы саны: 10/11/12

Ұзақ мерзімді жоспар бөлімі

1-бөлім: Мәдениет: сөз өнері. Абай Құнанбаев

«Ескендір» поэмасы

Сабақтың тақырыбы

Абай Құнанбаев «Ескендір» поэмасы

Бастапқы білім

Шешендік өнер. Кеше, бүгін.

Оқыту мақсаттары

А4. Мәтіннің негізгі аспектілерін анықтау және талқылау

О1. Мәтіндегі ақпаратты анықтау

Сабақтың мақсаттары

10.А4.Шығарманың идеясы мен мазмұнына байланысты «автордың ойын» бағалау

10.О1. Мәтіндегі ақпараттың өзектілігін анықтау, қорытынды жасау.

Бағалау критерийлері

• Поэманың идеялық мазмұны мен философиялық түйінін түсінеді,м автордың ойын бағалай алады;

• Поэмадағы көтерілген мәселелерді анықтайды, мәселелерді бүгінгі өмірмен байланыстыра алады;

• Тақырып аясында қорытынды жасай отырып, өз ойын сенімді дәлелдейді.

Тілдік мақсаттар

Сабақтың лексикалық минимумдары: хакім, таразы, ту тігу, амал қылу, іші тар, қу сүйек, ғибрат, дат, т.б

Құндылықтарды

дарыту

Адалдық, толеранттылық, денсаулық, құрмет, жауапкершілік, үздіксіз оқу

Құндылықтарды дарыту сабақ мазмұны арқылы жүзеге асады.

Пәнаралық байланыстар

Пән

Кезең

Тарих

Поэмамен танысу барысында

АКТ қолдану дағдылары

слайдпен жұмыс, тыңдалым тапсырмалары

Дифференциация

- сұрақтарға жауап беру барысында;

- оқу материалдары мен ресурстарын оқушылардың жеке қабілеттерін ескере отырып таңдау.

Денсаулық және қауіпсіздік техникасының сақталуы

Көзге арналған гимнастика жаттығуларын жасау

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Қызығушылықты ояту.

Б ерілген суреттегі тұлғаның кім екенін болжап көрейік.

.......Аргеадтар (Теменидтер) әулетінен шыққан б.з.б. 336 жылдан бастап Ежелгі Македонияның патшасы, әлемдік державаның басшысы, адамзат тарихының ең ұлы қолбасшыларының бірі болған, Филипп патшаның ұлы, «Қос мүйізді» атпен танымал - ...............

Сабақтың тақырыбы, оқу мақсаттары таныстырылып, бағалау критерийлері талқыланады.

Сабақтың ортасы

1-сабақ

Тыңдалымалды тапсырмасы

Сабақтың лексикалық минимумымен жұмыс

Берілген сөздердің мағынасын түсіндіру: хакім, таразы, ту тігу, амал қылу, іші тар, қу сүйек, ғибрат, дат т.б

Тыңдалым тапсырмасы

Оқушыларға Абай Құнанбаевтың «Ескендір» поэмасының аудиосынан үзінділер тыңдатылады.

Тыңдалым кезіндегі тапсырма: «Сәйкестендір» тәсілі.

Мәтінді тыңдап, сөз/ сөз тіркестерін сәйкестендіру.

Мысалы: Ескендір – мақтан сүйгіш, қызғаншақ

Бағалау. Дұрыс-бұрысын мұғалімнің тексеруі

Тыңдалымнан кейінгі тапсырма:

ЖЖ. «СКТ» картасын толтыру

«Сатылай кешенді талдау» кестесі нөмірленіп, оқушылар бірдей сандар арқылы жұптарға бөлінеді, кесте таратылады. Жұмысты жұпта орындайды.

Бағалау. Жұптарға дұрыс жауабын ұсыну арқылы жұмыс тексеріледі.

«Ыстық орындық» әдісі.

«Ыстық орындыққа» оқушылар белгілі бір рөлді таңдап отырады. (Ескендір патша, Аристотель, Абай)

Оқушылар мәтін мазмұнына сай, сұрақтар қояды.

Мәселен, Ескендірге:

• Неліктен сіз көрші жатқан бейбіт елді шапқанды ұнатасыз?

Абайға:

• Поэманы жазуға не себеп болды?

Аристотельге:

• Сізге Ескендірдің қандай қасиеттері ұнамады?

СЖ. Сабақта алған ақпараты мен түйген ойы бойынша «Төрт сөйлем» тәсілін қолданып, қорытынды жасау.

«Төрт сөйлем» тәсілі.

1. Пікір. Поэмада көтерілген негізгі мәселе/ сабақта жасалған әрекеттер бойынша өзіндік пікірін бір сөйлеммен айтады.

2. Дәлел. Өз пікірін бір сөйлеммен дәлелдейді.

3. Мысал. Пікірін өмірмен байланыстырып, мысал келтіреді.

4. Қорытынды. Тақырып/мәселе бойынша қорытынды шығарады

Дескрипторлар:

• Поэманың идеялық мазмұны мен философиялық түйінін түсінеді;

• Автордың ойын бағалай алады;

• Тақырып аясында қорытынды жасай отырып, өз ойын сенімді білдіреді.

Бағалау. «Ең үздік пікір» әдісі арқылы бағалау.

Кері байланыс. «Бес саусақ» әдісі

2-сабақ

Оқылым алды тапсырмасы

Оқушыларға жанр туралы тағы бір мәрте қысқаша түсінік беру.

Поэма – эпостық жанрдың бір түрі, белгілі бір оқиғаны, адам тағдырын, заман шындығын өлеңмен сипаттайтын поэтикалық шығарма.

Оқылым тапсырмасы

Оқушыларға Абай Құнанбаевтың «Ескендір» поэмасынан үзінділер таратылады.

Оқылымнан кейінгі тапсырма:

Поэма мазмұнын түсінгенін тексеру және сыни ойлау дағдыларын жетілдіру мақсатында сұрақтар қойылып, оқушылардың сөйлеу мәнеріне назар аударылады.

• «Ескендір» поэмасында қандай мәселелер көтерілген?

• Бүгінгі өмірмен байланысты қарастыратын болсақ, қандай мәселені көруге болады?

• «Ескендір» поэмасының идеялық мазмұны, философиялық түйіні қандай?

• Поэма авторының негізгі ойы қандай?

• Поэманы тыңдаған/оқыған соң қандай ой түйдің?

ЖЖ. Поэмада көтерілген мәселелер кестесін толтырту.

ТЖ. Анықтаған мәселелері ұқсас жұптар бір топта топтасып, «ФИШБОУН» тәсілі бойынша талдау жасайды.

* Балықтың басы - поэмада көрсетілген мәселе;

* Балықтың үстіңгі қабырғалары – сол мәселенің сол кезең мен кеңістік талабына сай шығу себептері;

* Балықтың астыңғы қабырғалары – оған дәлел келтіру үшін пәнаралық білімді қолдану және поэмадан мысал келтіру;

* Балықтың құйрығы – оқушылардың өз тұжырым, пікірлері/қорытындылары, бүгінгі күнмен салыстыра сөйлеу.

Дескрипторлар:

• Поэмадағы көтерілген мәселелерді анықтайды;

• Мәселелерді бүгінгі өмірмен байланыстыра алады;

• Тақырып аясында қорытынды жасай отырып, өз ойын сенімді дәлелдейді;

• Қойылған сұрақтарға еркін жауап береді.

Бағалау. Критерийлерге сүйене отырып, топтардың жұмысын бағалау.

https://kitap.kz/audiobooks/poehmalary2

Поэманың аудиосы

https://kitap.kz/books/poehmalary2/read#epubcfi(/6/2[id1]!/4/2/2/1:0)

Поэманың мәтіні

Сабақтың соңы

Кері байланыс. «Бағдаршам» әдісі.

Сабақ бойынша рефлексия

Сабақ мақсаттары/оқу мақсаттары дұрыс қойылған ба?

Оқушылардың барлығы ОМ қол жеткізді ме? Жеткізбесе, неліктен?

Дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар

болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:Бұл сабақтан мен келесі сабағыма әсер ететін, сынып туралы немесе оқушылар жайында нені білдім?