Асфальттағы суреттер

Аудандық «Оқушылар сарайы»ММ

«Асфальттағы суреттер»

«Жұлдыз» лагері

«Сырлы бояу» дизайн үйірмесінің жетекшісі Шешебаева С

2018 оқу жылы

Мақсаты: Балаларға мерекелік көңіл күй сыйлай отырып, олардың шығармашылық қабілеттерін дамыту. Сурет салуғa деген ынталарын артыру.

Күн жылынысымен балалар далада ойнауды ұнатады. Асфальтқа бормен сурет салу да жазғы ойындардың бір түрі. Асфальтқа сурет салу – бұл тек қана көңілді серуендеу ғана емес, сондай-ақ, балалар шығармашылығын шыңдау, қоршаған ортаны балаға таныту болып табылады. Яғни, қалам, қарындашпен қағазға сурет салудан гөрі балаға қызығырақ және өзгеше болады. Балалар үшін шығармашылықтың нәтижесі маңызды емес, сол сурет салып жатқанның өзі пайдалырақ болатыны сөзсіз. Асфальтта сурет қалай шығатыны емес, балаларға үлкен қуаныш сыйлайтыны маңыздырақ. 

Жүргізуші:

Жүзімізге қараңыз

Бал күлкүлі баламыз

Бізге қымбат күншуақ

Бізге қымбат анамыз

Қайырлы күн бүлдіршіндер!

Балалар, сендер болашақтың иесісіңдер. Сәбилердің күлкісі мен ана мейірімі ешқашан бұзылмасын!- Балалар, бүгінгі күн қандай тамаша!

Кәнеки, осындай тамаша күні бәріміз бір - бірімізге жылы лебізімізді білдірейікші...

Балалар, күн шуағын төккенде қуанасыңдар ма?..

- Ендеше күнге сәлем берейік.

- Сәлем бердік, шуақ күн ( Қолдарын жоғары көтеріп аяқтың ұшымен тұрып созылу)

- Сәлем бердік, ашық аспан (Қолдарын жаяды)

- Сәлем бердік, Жер - Ана ( тіземен отырады)

- Сәлем бердік, баршаңызға ( Иіліп сәлем беру)

Міне, күн де оянып, сендерге жылуын таратты. Жылу бүкіл денемізге тарап бізді оятты.

Балалар, бүгінгідей ерекше күні енді біз жұмысымызға кірісейік.

Бүгінгі тақырыбымыз «Мен бақытты баламын » «Арайлы-Астана». Түрлі-түсті бордың көмегімен түрлі сурет саламыз.

Суретті қорғау.(Балалар салған суреттерін қорғап, өз ойларын айтады)

Жүргізуші: Балалар, өте керемет! Жарайсыңдар! Бүгін сендер жоғары деңгейде өз белсенділіктеріңді көрсеттіңдер. Алдағы уақытта сендерге биік белестерді бағындыруға тілек білдіремін. Сау болыңыздар!

Сарайішілік «Жұлдыз» лагерінде маусым айының 5-ші жұлдызында өткізілген «Асфальттағы суреттер» іс-шарасының

Анықтамасы

«ЖҰЛДЫЗ» лагерінде «Асфальтта сурет салу» іс-шарасы өтті. Басты мақсаты – жас буынды шығармашылық қабілеттерін тереңдету, асфальтта сурет салуға деген қызығушылықтарын арттыру, эстетикалық талғамын, әр тақырыпты аша білу танымын дамыта отырып, әдемілікке, әсемдікке тәрбиелеу. Облыс басшысы Б. Сапарбаевтың «Бақытты бала» жобасы аясында, Астананың 20 жылдық мерейтойына сонымен бірге «Оқушылар Сарайының » 10 жылдығына орай балалар «Мен бақытты баламын» , «Арайлы - Астана» тақырыптарында өз ойларын әсем безендірілген алаңдағы асфальт бетіне түрлі-түсті борлармен суреттер салды. Балалар өз суреттерінде көгілдір аспанды, баршаға нұрын шашқан күнді, керемет табиғатты, сүйікті отбасыларын, достарын бейнелеген.«Жұлдыз» жазғы лагерінде демалып жатқан балалар бар ынталарымен белсенділік танытты.

Анықтама жазған: С.Шешебаева

Асфальттағы суреттер