Ашық сабақ Кітап сарқылмас қазына 5 - сынып

Кітап сарқылмас рухани қазына

Мұғалімдер:

Мақсаты: Қазіргі социомәдени кеңістікте кітапқа назар аударту, мәдениет пен білімнің мән – маңызын айрықша көрсетіп, кітап оқудың пайдасын түсіндіру, қаламгерлердің шығармашылығын насихаттау.

Көрнекілігі: Кітап көрмесі. Дана адамдардың кітап жөнінде айтқан сөздері. «Кітап – жан азығы», «Кітап - өмір ұстазы. Сондықтан жастар кітап оқуды күнделікті әдет қылуы тиіс. Кітап оқымай, өмірді білу, білім алу мүмкін емес». Серке Қожамқұлов. 
«Артық ғылым кітапта, ерінбей оқып көруге» Абай Құнанбаев. 

Барысы: 

Мұғалім
Кітап адам өмірінде аса маңызды рөл атқарады. Кітап елді сүюге, талапты, кішіпейіл болуға, мейірімділікке, төзімділікке баулиды. Жаман әдеттерден аулақ болуға шақырады. Кітапты біздің қоғамымыздың әрбір адамы күнделікті тұрмысында қолданады. Одан ақыл – кеңес, тәлім – тәрбие, үлгі - өнеге алады. Кітап – біздің рухани жан азығымыз.

Мұғалім Құрметті оқушылар кітаптың асыл қазына екенін бәріміз де білеміз. Сіздер кітаптың қалай пайда болғанын білесіздер ме? Сіздердің назарларыңызға «Кітап қалай пайда болды?» тақырыбындағы бейнематериалды ұсынамын.

https://www.youtube.com/watch?v=e4ua9u8CbBY

(Кітап) 
1 – кезең. Дана адамдардың кітап жөнінде айтқан нақыл сөздерінің мағынасын ашу.

«Артық ғылым кітапта, ерінбей оқып көруге» Абай Құнанбаев. 

«Кітап – жан азығы», «Кітап - өмір ұстазы. Сондықтан жастар кітап оқуды күнделікті әдет қылуы тиіс. Кітап оқымай, өмірді білу, білім алу мүмкін емес». Серке Қожамқұлов. 

2 – кезең. Кітап туралы оқушылардың ойларын тыңдау

4 – кезең. Кітаптармен таныстыру. Балалар әлемде сан алуан кітаптар бар. Кітаптар адамның жас – шамасына қарай деңгейлеп бөлінеді. Мысалы 4 – 6 жастағы балаларға ертегі жинақтары, оқушыларға білім алу үшін арнайы оқулықтар, кітапты сүйіп оқушыларға түрлі – түрлі шығармалар, ғылыммен танысамын деушілерге ғылыми кітаптар, энциклопедиялар бар.

Қазақ әдебиеті:

1. «Абай жолы» М. Әуезов

«Абай жолы» арқылы қазіргі қазақ прозасы күллі дүние жүзі әдеби классикасының шырқау шыңына шықты. ХІХ ғасырдың 40 – 50 – жылдарын М. Әуезов туған әдебиетіміздің даму тарихында бұрын соңды болмаған ренессанқа айналдырды. Француз жазушысы Луи Аргон « Әлемнің басқа елдерінде де онымен тең түсетін шығарма табу қиын; бұл менің ойымша ХХ ғасырдың ең үздік шығармаларының бірі» деп «Абай жолы» романы туралы өз ойын білдірген. 1993 жылғы дерекке сүйенсек «Абай жолы» эпопеясы дүние жүзі халықтарының 116 тіліне аударылған.

2. Абайдың қара сөздері

Абайдың көркемдік, әлеуметтік гуманистік және дінге көзқарастары терең білінген еңбегі - қара сөздері. Абайдың қара сөздері (Ғақлия) - ұлы ақынның сөз өнеріндегі көркемдік қуатын, философиядағы даналық дүниетанымын даралап көрсететін классикалық стильде жазылған прозалық шығармасы. Жалпы саны қырық бес бөлек шығармадан тұратын Абайдың қара сөздері тақырыбы жағынан бір бағытта жазылмаған, әр алуан. Оның алты-жеті үлгісі қысқа болса, қайсыбіреуі мазмұн, тақырып жағынан өзгешелеу, ауқымды болып келеді. Абай өзінің қара сөздерінде шығарманың ажарына ғана назар аударып қоймай, оның тереңдігіне, логикалық мәніне зер салған. «Абайдың қара сөздерінің» соңғы нұсқасы Абай шығармаларын жинақтаушы, көшіріп, насихаттаушы Мүрсейіт Бікеұлының 1905, 1907 және 1910 жылдардағы колжазбалары бойынша жарияланып келеді. Қара сөздердің бірнешеуі алғаш 1918 жылы Семейде шыққан «Абай» журналында жарық көрді. Кейіннен «Абайдың қара сөздері» орыс, кытай, француз, т.б. көптеген шет ел тілдеріне аударылды.

3. «Менің атым Қожа» Б. Соқпақпаев

1957 жылы жазылған, қазақ балалар әдебиетінің озық туындыларының бірі саналатын повесть. Авторы – Бердібек Соқпақбаев. Ол орыс, украин, француз, литва, латыш, өзбек тілдеріне аударылды.1963 жылы "Қазақфильм" студиясы осы кітап бойынша жазылған киносценарийді экранға шығарды.

Әлем әдебиеті:

1. «Дон Кихот»

Роман негізінен рицорлық романтиканы дәріптейтін шығармаға пародия ретінде жазылған. Ал Дон Кихот кейпі келемеждеу үшін туған. Бұл туынды адамзат тарихындағы ең ащы шындығы бар туынды деп қабылданды.

2. «Дневник Анны Франк» (Анна Франктың күнделігі)

Кітап екінші дүниежүзілік соғыс кезіндегі жағдайды суреттеген еврей қызы Анна Франктің нақты жазбаларына негізделген. Ол фашистік Голландияны жаулап алу кезінде өзіне және баспана тұрғындарына не болғанын айтты.
Тартымды тарих әлемнің 67 тіліне аударылып, 67 миллион данадан астам кітап сатылды.

3. «Алхимик» Пауло Коэльо

Әлем Пауло Коэльоны жақыннан тани білген бірінші кітап. Әңгімеде мысырлықтардың қазыналарын іздеп, түсінде көрген белігілер арқылы жолға шыққан шопан Сантьяго туралы айтылады. Оның жолында көптеген сынақтар мен қиындықтар бар, бірақ ол оларды сәтті жеңіп, ең маңызды қазына – өмірлік тәжірибені жинайды.
Кітап әлемнің 67 тіліне аударылды, оны әлемнің 117 елінің тұрғындары оқыды және бірден сатылымы 65 миллион дана болды.

4. «Гарри Поттер» Джоан Роулинг

Бұлай болары айқын еді, бірақ бәрібір үшінші орын. Дж.К. Роулинг кітаптары – жастар арасында ең көп оқылатын кітап. Оның романында туылғаннан бастап сиқырлы қабілеттерге ие болған жетім бала туралы айтылады. Зұлымдықпен, достықпен және махаббатпен күресу Гарри Поттер кітаптарында жақсы суреттеліп жеткізілген.
20 жылдың ішінде 400 миллионға жуық дана жарық көрді.

6 – кезең. Әлемдегі таңғажайып кітапханалар.

https://www.youtube.com/watch?v=_MjBQTWfYT4

Қорытындылау: 

Білімалушылар бүгінгі тақырыбымызға сай кітаптың пайдасы туралы қорытынды ойларын айтады.
Иә, кітап – қоғамның рухани күштерін дамытудың қуатты құралы, мәдениеттің қайнар бұлағы, оның өзекті саласының бірі. Рухани мөлдірліктің, биік парасаттың, асқақ адамгершіліктің, арқалы ойдың қоймасы. Кітап арқылы біз өткенге көз жібереміз, одан қымбат мұра жинаймыз, тәжірибеге кенелеміз.

Балалар, бүгін сендер «Кітап – білім бұлағы» атты тәрбие сағатымызда кітап жайлы көп естіп білдіңдер. Енді соңында Өтебай Тұрманжанов ағаларыңның кеңесімен аяқтағым келіп тұр. Кітапты шала – шарпы оқу зиян. Шала оқысаң, оқуың бойыңа жұқпайды. Ылғи шала – пұла, тез оқуға әдеттеніп алсаң, кітап оқуға кеткен еңбегің еш болады. Сондықтан сендерге айтарым: кітапты шала оқымаңдар. Бастаған кітабыңды аяғына дейін оқитын бол. Сонда кітапқа деген қызығушылығың арта түседі. Ылғи бір мезгілде оқып үйрен. Сондықтан кітапты шала оқыма, тиянақты оқитын бол.