Мақсаты: Отбасы тәрбиесінде ата-ананың балаға табысты болуына ықпалын арттыру.

Жетістіктің кілті – отбасы екенін, олардың баланың жетістіктерінде жауапкершілігін арттыра отырып, жалпыадамзаттық құндылықтардың мәнін ашу.

Міндеттері: 1.Отбасында балаға рухани-адамгершілік тәрбие берудегі ата-ананың рөлін түсіндіру.

2.Табысты бала: табысты баланы қалай тәрбиелеу керек

3. Әке мен ананың бала жетістігіне жауапкершілікпен қарауы және олардың арасындағы рухани жақындық қарым-қатынас мәдениеті туралы ұғым беру.

4. Баланың табысты болуына дұрыс жолдама,түсініктеме беруі.

Ресурстар: (құралдар, мәлiметтер) Интерактивті тақта, слайд, үнтаспа, үлестірмелі парақшалар

Жүру барысы:

Ұйымдастыру кезеңі.

Шаттық шеңбері:

Ата — аналарды қолымыздан ұстап, шаттық шеңберіне тұрғызу. Мен сіздермен

кездескеніме өте қуаныштымын. Қане, бәріміз бір — біріміздің қолымыздан ұстап шеңбер

құрайық. Осы дөңгелек шеңберді неге шаттық, жылулық шеңбері деп атаймыз? Қалай

ойлайсыздар. Шеңберге тұрудың үлкен бір қасиеті бар. Шеңберіміз көктегі жылу беретін

күн сияқты дөңгелек. Шеңберге тұрып, бір — бірімізді жақсы көре аламыз, жақсылық пен

жылулығымызды сыйлай білуге үйренеміз. Міне, сондықтан бұл шеңберді жылулық,

шаттық шеңбері деп атаймыз. Енді бәріміз жақсылық тілеп, шаттана қуанып, күлкімізді

сыйлайық.

Жүрек жылуы: Ата-аналар шеңбер бойымен тұрып, әрқайсысы өз жүректен

шыққан жақсы ,жылу сөздерін жүрекшені ұсына отырып тілейді.

Ойын: «Танысу»

Мақсаты:

1 Ата - аналармен танысып, ашық түрде пікір алмасу.

Шарты:

1 Ата - аналар кезекпен аты - жөндерін айтады. Бұл жерде тек аттарын айтады да,

балаларының аттарын айтады. Балаларының есіміндегі бірінші бас әріпіне байланысты

мінездеме сөзбен атайды.

Мысалы: Томарис-табысты қыз. Мұрат - мұратына жететін бала.Жоламан-жетістігі мол бала.

Мини - лекция: «Отбасы және оның міндеттері»

Табысты адамды қалай тәрбиелеуге болады

Бала бойына адамгершілік, мақсатшылдық, дербестік сияқты қасиеттерді тәрбиелей отырып, ата-ана табысты, өзіне сенімді тұлғаны қалыптастырады. Сонымен қатар, сіз әрқашан балалардың ересектерге еліктейтінін есте ұстауыңыз керек, сондықтан сіз өзіңізді тәрбиелеуіңіз керек.

Егер анасы әрқашан уәдесінде тұрса, әке - қиын жағдайда қолдау көрсетсе, болашақта бала да солай әрекет етеді.

Табысты бала тәрбиелеу оң нәтиже беруі үшін не нәрсеге ерекше назар аудару керек және неге жол бермеу керек?

• Ата-аналар баланы жеке тұлға ретінде қабылдауды үйренуі керек, ол сипатталады - олардың заттарға көзқарасы, пікірі, өзін-өзі бағалауы.

• Сіз өз пікіріңіз бен талғамыңызды таңуға емес, моральдық қашықтықты сақтауға үйренуіңіз керек, әсіресе бұл балаға ұнамаса. Тіпті 2 жасар сәбидің өзі қандай ойыншықтарды ұнататынын, қайсысын ұнатпайтынын анық айта алады.

• Ата-аналар бастаманы қолдауы керек, бұл баланың тәуелсіздігін тәрбиелеудегі алғашқы қадамдар. Сәтті әлеуметтену, егер бала тәуелсіз және өзіне сенімді болса, тезірек және ауыртпалықсыз болады. Ол өте баяу тамақтансын немесе аяқ киімінің бауын жарты сағат бойы байласын, бірақ бұл тәуелсіздік пен ерік-жігерді дамытудың маңызды кезеңдері.

Ата-аналарға сұрақ: Қандай ата-аналар табысты балаларды өсіреді?

Ата-аналар өз пікірлерін айтады.

Сабақ барысын талдау:

Әңгімелеу. Бейнефильм

Тәрбие. Қарым-қатынас, отбасы.

https://www.youtube.com/watch?v=8QcB_M-o5YU

(Ата-аналардың пікірін тыңдау)

- Осы бейнефильмді көре отырып, қандай ой түйдіңіздер?

- Бала тәрбиелеуде ата-ана мен бала арасындағы қарым-қатынасқа рухани

жылылық жетіспей жататындығын байқайсыз ба?

- Осы бейнефильмді басшылыққа ала отырып, кішкене болса да бала тәрбиесінде кетіп жатқан қателіктеріңізді түзетуге түрткі бола алды деп

ойлайсыздар ма?

Түйін:

- Құрметті ата-аналар! Балаңыздың жасына, өзіңіздің қатты шаршап отырғаныңызға қарамай, балаңыздың және өз жұмыстарыңыз туралы әңгімелесіңіздер. Есіңізде болсын, баланың сенімінен айырылу бұл ең үлкен, орны толмас жоғалған дүние, ал сенімге қайта ие болу өте қажырлы еңбекті

қажет етеді. Балаңызға оны жақсы көретініңізді айтыңыз. Бала әрқашан мейлі өсіп кетсе де, өзін жақсы көретінін естігісі, мейірімді көздерді көргісі келеді.

Қымбат заттар ешқашан да балаға деген махаббатыңыздың орнын толтыра

алмайды.

Шығармашылық іс-әрекет, топтық жұмыс.

«Табысты бала » тақырыбына сурет салу, қорғау

Жағдаятты шешу.

I-топ: Балаңыз мектептен шағым айтып келді. Мұғалімнің ұрысқанын, енді сабаққа барғысы келмейтінін айтты. Сіз қалай әрекет етер едіңіз?

II-топ: Талғат сабаққа дайындықсыз келді. Мұғалім сабақ түсіндіріп жатты.Талғат сабақты тыңдамады. Онымен қоса жанындағы оқушыларға да тыныштық бермеді. Мұғалім оқушыға ескерту жасады. Талғат үйіне барып ата-анасына шағым жасады. Ата-анасы әй-шайға қарамай, директорға кіріп,айқай шығарды. Ата-ананың жасағаны дұрыс әрекет пе? Сіз не істер едіңіз?

III-топ: Балаңыз түнімен теледидар көріп, ұйқысы қандай қалды. Балаңыз:«Басым ауырып тұр, сабаққа бармай-ақ қояйыншы», - деді. Сіздің әрекетіңіз?

Келесі ойынымыз «Серіппелі доп» ойыны. Допты лақтыра отырып, сұрақтарға

жауап алынады

Ата-аналар ортаға дөңгеленіп тұрады, жүргізуші допты лақтыра отырып, сұрақтар

1.Балаңыздың сүйікті түсі?

2 Үйірме жетекшілерінің толық аты-жөні?

3 Балаңыздың сүйікті мультфилімі қандай?

4 Қандай жануарды жақсы көреді?

5 Балаңызды қалай еркелетесіз?

6 Балаңыздың хоббиі жайлы не білесіз?

7 Балаңыздың жақын досы кім?

8 Туған жылы, айы, күні

9.Бала тәрбиесіне кім жауапты?

10.Балаңыз кеше қандай баға алды?

11 Ең жақсы көретін пәні

12 Жақсы көретін мерекесі

13 Балаңыз сізге қандай көмек көрсетеді?

14 Балаңызға ашуланғанда,ең алдымен ауызыңызға қандай сөз түседі?

15 Балаңыз қандай мультфильмді жақсы көреді?

Жиналыстың қорытынды сәті.

Ата-ана – отбасындағы жетекші тұлға, бала тәрбиесінің өнегесі. Ата-ананың тіршілігінде көрген қызығы, жақсылығының ең бағалысы ол – өзінің перзенті. Сөзімді қорыта келе, бала тәрбиесіндегі ең басты ереже – балаға керек кезінде назар аудара білу, оған деген риясыз сүйіспеншілігіңізді көрсете білу, оның көзқарастарын, ерекшеліктерін түсіне білу болып табылады. Балаңыздың

қателігін кешіріңіздер, оларға қиянат жасамаңыздар! Олардың әрбір әрекетін дұрыс жолға бағыттап, үлкен-кішіге сүйіспеншілігін арнайтын, ақиқатты ту етіп, білімді жинап, дүниеге тыныштық сыйлайтын балаларыңыз үлкен азамат

болып өссін!

Қорытынды